SRSP

ఉగ్రరూపం దాల్చిన ఆయకట్టు రైతుల ఆందోళనలు

Submitted by arun on Mon, 08/06/2018 - 17:42

శ్రీరామ్‌సాగర్‌ ప్రాజెక్టు ఆయకట్టు గ్రామాల్లో ఉద్రిక్త పరిస్థితులు కొనసాగుతున్నాయి. ఎస్సారెస్సీ దగ్గర ప్రశాంతంగా ఉన్నా పరిసర గ్రామాల్లో మాత్రం పరిస్థితి నివురుగప్పిన నిప్పులా ఉంది. ఎప్పుడేం జరుగుతుందో తెలియని పరిస్థితి నెలకొంది. దాంతో పోలీసులు పెద్దఎత్తున బలగాలను మోహరించారు. శ్రీరామ్‌సాగర్‌ ప్రాజెక్టుతోపాటు ఆయకట్టు గ్రామాల్లో 144 సెక్షన్‌ కొనసాగుతోంది. 
          

Tags

శ్రీరాం సాగర్ ఆయకట్టు రైతుల ఆశపై ప్రభుత్వం నీళ్ళు

Submitted by arun on Sat, 08/04/2018 - 16:00

శ్రీరాం సాగర్ ఆయకట్టు రైతుల ఆశపై ప్రభుత్వం నీళ్ళు  చల్లింది. ఎస్‌ఆర్‌ఎస్‌పీ నుంచి సాగునీటి విడుదల సాధ్యం కాదని తేల్చి చెప్పింది. శ్రీరాం సాగర్ ప్రాజెక్టు నుంచి సాగు నీటి విడుదల గురించి 4 వ తేదీన ప్రకటన చేస్తానన్న ప్రభుత్వం ఇవాళ ఈ అంశంపై చర్చలు జరిపింది. మినిస్టర్స్‌ క్వార్టర్స్‌లో మంత్రి పోచారం నివాసంలో హరీ‌శ్‌రావు, కవిత, ప్రశాంత్‌రెడ్డి భేటీ అయ్యారు. కాకతీయ కాలువకు నీటి విడుదల గురించి సుదీర్ఘంగా చర్చించారు. అయితే ప్రాజెక్టులో నీటి నిల్వ తక్కువగా ఉండడంతో తాగు నీటికి ప్రాధాన్యత ఇవ్వాలని నిర్ణయించారు. 

శ్రీరాంసాగర్ ప్రాజెక్ట్‌లోకి భారీగా వరదనీరు ప్రవాహం

Submitted by arun on Wed, 06/13/2018 - 11:29

శ్రీరాంసాగర్ ప్రాజెక్ట్‌లోకి వరదనీరు ప్రవాహం కొనసాగుతోంది. సోమవారం ఉదయం నుంచి రాత్రి వరకు మహారాష్ట్రలోని బాబ్లీ ప్రాజెక్ట్ నుంచి నీటిని విడుదల చేయడంతో భారీగా వరద వచ్చి చేరుతున్నది. ప్రస్తుతం శ్రీరాంసాగర్ ప్రాజెక్టులోకి 21,400 క్యూసెక్కుల ఇన్‌ఫ్లో ఉన్నట్టు ఏఈఈ మహేందర్ తెలిపారు. ప్రాజెక్టు పూర్తిస్థాయి నీటిమట్టం 1091 అడుగులు, 90.313 టీఎంసీలు కాగా వరద వచ్చి చేరడంతో మంగళవారం సాయంత్రానికి ప్రాజెక్టు నీటి మట్టం 1053.50 అడుగులు, 8.197 టీఎంసీలకు చేరుకున్నది. ఇప్పటివరకు 2 టీఎంసీల నీరు వచ్చి చేరిందని, బుధవారం ఉదయం వరకు మరో టీఎంసీ నీరు వచ్చే అవకాశం ఉన్నదని ఏఈఈ తెలిపారు.