tadipatri

తాడిపత్రిలో కొలిక్కి వచ్చిన ఆశ్రమ వివాదం..

Submitted by arun on Mon, 09/17/2018 - 16:35

రెండు రోజులుగా భగ్గుమంటున్న తాడిపత్రి ప్రబోధానంద స్వామి ఆశ్రమ వివాదం చల్లారింది. ప్రబోధానంద స్వామి ఆశ్రమాన్ని పోలీసులు ఎట్టకేలకు ఖాళీ చేయిస్తున్నారు. ఆయన శిష్యులను రెండు బస్సుల్లో తరలిస్తున్నారు. ఆశ్రమాన్ని ఖాళీ చేయించాలంటూ టీడీపీ ఎంపీ జేసీ దివాకర్‌రెడ్డి నిన్నటి నుంచి చేస్తున్న ఆందోళనతో దిగివచ్చిన అధికారులు ప్రబోధానంద ఆశ్రమంపై చర్యలు తీసుకుంటున్నారు. పోలీసులు ఆశ్రమం ఖాళీ చేయిస్తుండంతో రెండు రోజులుగా తాడిపత్రి పోలీస్ స్టేషన్ దగ్గర ఆందోళన చేస్తున్న ఎంపీ జేసీ తన నిరసనను విరమించారు. 

తాడిపత్రి ఘటనపై ఏపీ సీఎం సమీక్ష...నేతల తీరుపై తీవ్ర అసంతృప్తి...

Submitted by arun on Mon, 09/17/2018 - 12:43

అనంతపురం జిల్లా తాడిపత్రి ఘటనపై సీఎం చంద్రబాబు నాయుడు ఆరా తీశారు. వెలగపూడి సచివాలయంలో  ఇంటెలిజెన్స్‌, హోంశాఖ అధికారులతో సమావేశమయిన ఆయన వివాదం ఎక్కడ ప్రారంభమయ్యిందో తెలుసుకున్నారు. శాంతి భద్రతలు కల్పించడంలో జిల్లా అధికారులు ఘోరంగా విఫలమయ్యారంటూ ఆగ్రహం వ్యక్తం చేసిన చంద్రబాబు జల్లా నేతల తీరుపై తీవ్ర అసంతృప్తి వ్యక్తం చేశారు. అధికార పార్టీలో ఉంటూ శాంతి భద్రతలకు విఘాతం కలిగే ఎలాగంటూ ఆయన ప్రశ్నించారు. శాంతి భద్రతల విషయంలో ఎవరిని ఉపేక్షించాల్సిన అవసరం లేదని తేల్చి చెప్పారు. 

పందుల పందెం

Submitted by arun on Sun, 01/14/2018 - 15:01

అనంతపురం జిల్లాలో వెరైటీ పందాలు అందర్నీ ఆకట్టుకుంటున్నాయి. తాడిపత్రిలో కోడి పందాలకు ధీటుగా పందుల పందాలు నిర్వహించారు. ఎమ్మెల్యే జేసీ ప్రభాకర్‌ రెడ్డి ఆధ్వర్యంలో పందుల పోటీలు ఏర్పాటు చేశారు. ప్రతి ఏడాది సంక్రాంతికి పందుల పోటీలు నిర్వహించడం ఇక్కడ ఆనవాయితీగా వస్తోంది. వెరైటీ పోటీలను స్థానికులు బాగా ఎంజాయ్‌ చేశారు. 
 

ఎంపీ పదవికి రాజీనామా చేస్తున్నా: జేసీ

Submitted by lakshman on Thu, 09/21/2017 - 17:50

అనంతపురం: టీడీపీ ఎంపీ జేసీ దివాకర్ రెడ్డి సంచలన నిర్ణయం తీసుకున్నారు. తన ఎంపీ పదవికి రాజీనామా చేయనున్నట్లు ఆయన మీడియాకు తెలిపారు. తన రాజీనామాను సోమవారం లోక్‌సభ స్పీకర్‌కు అందజేయనున్నట్లు జేసీ చెప్పారు. తాడిపత్రిలో నెలకొన్న నీటి కొరత సమస్యను పరిష్కరించడంలో విఫలమయ్యానని, అందుకే రాజీనామా చేయాలని నిర్ణయించుకున్నట్లు తెలిపారు. నియోకవర్గాన్ని అభివృద్ధి చేయడంలో కొన్ని శక్తులు అడ్డుపడుతున్నాయని, అందువల్ల తాను ఎంపీనయ్యాక ఎలాంటి అభివృద్ధి చేయలేకపోయానని ఆయన అసంతృప్తి వ్యక్తం చేశారు. జేసీ ఎవరిని ఉద్దేశించి ఈ వ్యాఖ్యలు చేశారోనని సర్వత్రా చర్చ జరుగుతోంది.