mp jc diwakar reddy

సీఎంతో మాట్లాడా.. అంతా సమసిపోయింది: జేసీ

Submitted by arun on Mon, 07/23/2018 - 16:13

టీడీపీ ఎంపీ జేసీ దివాకర్‌రెడ్డి ఇవాళ సీఎం చంద్రబాబుతో భేటీ అయ్యారు. వీరి సమావేశం దాదాపు 20నిమిషాల పాటు సాగింది. సీఎంతో ఏకాంతంగా చర్చించిన జేసీ వివిధ సమస్యలను ఆయన దృష్టికి తీసుకెళ్లినట్లు తెలిసింది. అవిశ్వాసానికి గైర్హాజరు రాజీనామా వంటి ప్రకటనలపై చంద్రబాబుకు వివరించినట్లు తెలిసింది. అయితే ఇలాంటి ప్రకటనలు ఇకపై చేయవద్దంటూ జేసీకి చంద్రబాబు హితబోధ చేసినట్లు సమాచారం.

అవిశ్వాసం ఓటింగ్ తర్వాత జేసీ...టీడీపీకే గుడ్‌ బై చెబుతారా..?

Submitted by arun on Fri, 07/20/2018 - 11:08

అవిశ్వాసంపై ఓటింగ్‌కు దూరంగా ఉంటానని కలకలం రేపి జేసీ దివాకర్ రెడ్డి ఎట్టకేలకు అలక వీడారు. చంద్రబాబు ఫోన్ చేసిన తర్వాత మెత్తబడిన జేసీ నేడు లోక్‌సభకు హాజరౌతానని ప్రకటించారు. అనంతపురం గ్రూపు రాజకీయాల వల్లే జేసీ టీడీపీ హైకమాండ్‌కు ఝలక్ ఇచ్చినట్లు సమాచారం. అయితే అవి‌‌శ్వాసం ఓటింగ్ తర్వాత ఏం జరుగుతుందో చూడండంటూ జేసీ సస్పెన్స్ మిగిల్చారు.

జేసీ దివాకర రెడ్డి సంచలన వ్యాఖ్యలు

Submitted by arun on Wed, 02/14/2018 - 15:11

టీడీపీ ఎంపీ జేసీ దివాకర రెడ్డి సంచలన వ్యాఖ్యలు చేశారు.  చంద్రబాబు జాతీయ స్థాయిలోఎదగ కూడదనే కుట్ర జరుగుతోందని ఆరోపించారు. గతంలో మూడవ కూటమి ఏర్పాటులో చంద్రబాబు కీలకంగా వ్యవహరించారనే భయం మోడీకి ఉందని వ్యాఖ్యానించారు. ప్రత్యేక హోదా కోసం వైసీపీ ఎంపీలు రాజీనామా చేసినా ఫలితం ఉండదన్న జేసీ..పదవీ త్యాగాల వల్ల ఉప ఎన్నికలు కూడా వచ్చే అవకాశం లేదని అన్నారు.
 

ఎంపీ పదవికి రాజీనామా చేస్తున్నా: జేసీ

Submitted by lakshman on Thu, 09/21/2017 - 17:50

అనంతపురం: టీడీపీ ఎంపీ జేసీ దివాకర్ రెడ్డి సంచలన నిర్ణయం తీసుకున్నారు. తన ఎంపీ పదవికి రాజీనామా చేయనున్నట్లు ఆయన మీడియాకు తెలిపారు. తన రాజీనామాను సోమవారం లోక్‌సభ స్పీకర్‌కు అందజేయనున్నట్లు జేసీ చెప్పారు. తాడిపత్రిలో నెలకొన్న నీటి కొరత సమస్యను పరిష్కరించడంలో విఫలమయ్యానని, అందుకే రాజీనామా చేయాలని నిర్ణయించుకున్నట్లు తెలిపారు. నియోకవర్గాన్ని అభివృద్ధి చేయడంలో కొన్ని శక్తులు అడ్డుపడుతున్నాయని, అందువల్ల తాను ఎంపీనయ్యాక ఎలాంటి అభివృద్ధి చేయలేకపోయానని ఆయన అసంతృప్తి వ్యక్తం చేశారు. జేసీ ఎవరిని ఉద్దేశించి ఈ వ్యాఖ్యలు చేశారోనని సర్వత్రా చర్చ జరుగుతోంది.