Kumaraswamy

కర్ణాటక సీఎంకు మోదీ సవాల్‌

Submitted by arun on Wed, 06/13/2018 - 11:14

భారత క్రికెట్ జట్టు కెప్టెన్‌ విరాట్‌ కోహ్లీ చేసిన ఫిట్ నెస్ సవాలును స్వీకరించి... తాను ఎక్సర్ సైజ్ లు చేస్తున్న ఓ వీడియోను  పోస్టు చేశారు  ప్రధాని నరేంద్ర మోడీ. కర్ణాటక సీఎం  కుమారస్వామి తన ఫిట్ నెస్ చూపాలని సవాల్ విసిరారు. ఆయనతో పాటు కామన్వెల్త్ క్రీడల పతక విజేత మోనికా బాత్రా, 40 ఏళ్ల వయసు దాటిన ఐఏఎస్ అధికారులనూ చాలెంజ్ చేశారు. ఇక తన ఫిట్ నెస్ వీడియోలో పంచభూతాలైన భూమి, నీరు, అగ్ని, గాలి, ఆకాశంలతో మమేకమైతే ఎంతో ప్రేరణ పొందవచ్చని... ఆపై ఉత్సాహంగా రోజు సాగుతుందన్నారు  మోడీ. 

ఇద్దరు చంద్రుళ్లు చెప్పినట్లే చేశానన్న సీఎం

Submitted by arun on Wed, 06/06/2018 - 14:47

కర్ణాటక ముఖ్యమంత్రి కుమారస్వామి సంచలన వ్యాఖ్యలు చేశారు. ఏపీ సీఎం చంద్రబాబు, తెలంగాణ సీఎం కేసీఆర్‌ సలహాతోనే....కాంగ్రెస్‌తో పొత్తు పెట్టుకున్నట్లు వెల్లడించారు. కమలం పార్టీ కంటే కాంగ్రెస్‌ పార్టీతో వెళ్లడమే మంచిదని చాలా మంది సీఎంలు, పార్టీ నేతలు తనకు సలహా ఇచ్చారని కుమారస్వామి తెలిపారు. చదువుల్లో ఎప్పుడూ మొద్దేనన్న కర్ణాటక సీఎం...బాగా చదువుంటే సివిల్స్‌ సర్వీస్‌లోకి వెళ్లి ఉండి వాడినన్నారు.

బల పరీక్షకు ముందు కుమార స్వామికి భారీ షాక్

Submitted by arun on Fri, 05/25/2018 - 11:28

కర్ణాటక అసెంబ్లీలో సీఎం కుమారస్వామి నేతృత్వంలోని కూటమి ప్రభుత్వం శుక్రవారం విశ్వాస పరీక్షను ఎదుర్కోనుంది. ఇరు పార్టీల ఎమ్మెల్యేలను కలిపితే కూటమి వద్ద 117 ఎమ్మెల్యేలున్నారు. స్పీకర్‌ ఎంపిక తర్వాత ఈ ఎన్నిక జరగనున్నందున సభలో ఉండే మొత్తం ఎమ్మెల్యేల సంఖ్య ఆధారంగా బలపరీక్షలో గెలిచేందుకు 111 మంది మద్దతు అవసరం. దీంతో చివరి నిమిషంలో రాజకీయాలు చోటుచేసుకుంటేతప్ప కూటమి సర్కారు ‘పరీక్ష’లో నెగ్గటం దాదాపు ఖాయంగానే కనబడుతోంది. కుమారస్వామితో పాటు కాంగ్రెస్‌ నేతలు కూడా ఇదే నమ్మకంతో ఉన్నారు. 

కర్ణాటక వేదికగా మోడీ వ్యతిరేక ఫ్రంట్ ప్రయత్నాలు...ఒక్కటైన 14 పార్టీల నేతలు

Submitted by arun on Thu, 05/24/2018 - 11:05

కర్ణాటక వేదికగా కొత్త శకం మొదలైంది. కుమారస్వామి ప్రమాణస్వీకార వేడుక.. మోడీ వ్యతిరేక ఫ్రంట్‌కు బీజం వేసినట్లైంది. ఒకరు కాదు.. ఇద్దరు కాదు.. ఏకంగా 14 పార్టీల నేతలు ఒకే వేదికపై నుంచి.. భవిష్యత్ ఎన్నికలకు మేమంతా కలిసి వస్తున్నామనే సిగ్నల్ ఇచ్చారు. కాంగ్రెస్, లెఫ్ట్, ప్రాంతీయ పార్టీల నాయకులంతా ఒకే స్టేజ్‌పైకి చేరుకొని.. మోడీ వ్యతిరేక పార్టీలన్నీ ఒక్కటిగానే ఉన్నాయన్న సంకేతం ఇచ్చారు.

కుమారస్వామి ప్రమాణ స్వీకారానికి ఊహించని అడ్డంకి!

Submitted by arun on Wed, 05/23/2018 - 15:51

కర్ణాటక ముఖ్యమంత్రిగా కుమారస్వామి ఈ సాయంత్రం 4.30 గంటలకు ప్రమాణస్వీకారం చేయనున్నారు. ఈ కార్యక్రమం కోసం విధానసౌధ ముందు ఓ భారీ వేదికను ఏర్పాటు చేశారు. సోనియాగాంధీ, రాహుల్ గాంధీ, చంద్రబాబు, శరద్ పవార్, కేజ్రీవాల్, మాయావతి, అఖిలేష్ యాదవ్ లాంటి ఎందరో ప్రముఖులు తరలి వస్తుండటంతో భారీ ఎత్తున వేదికను రూపొందించారు.  కుమారస్వామి ప్రమాణ స్వీకారం చేయనున్న తరుణంలో బెంగళూరులో అకస్మాత్తుగా భారీ వర్షాలు కురుస్తున్నాయి. విధానసౌధ వద్ద ప్రమాణ స్వీకారం నిమిత్తం ఏర్పాటు చేసిన వేదిక వద్ద కూడా భారీగా వర్షం కురుస్తోంది. దీంతో ప్రమాణ స్వీకార కార్యక్రమంపై నీలినీడలు కమ్ముకున్నాయి.

కర్నాటక ము‌ఖ్యమంత్రిగా ఇవాళ కుమారస్వామి ప్రమాణస్వీకారం

Submitted by arun on Wed, 05/23/2018 - 10:04

కర్నాటక ముఖ్యమంత్రిగా కుమారస్వామి ఇవాళ ప్రమాణస్వీకారం చేయనున్నారు. బెంగళూరు విధానసౌధ ఎదురుగా ప్రమాణస్వీకారోత్సవానికి ఏర్పాట్లు చేశారు. కుమారస్వామితోపాటు కర్నాటక టీపీసీసీ చీఫ్‌ పరమేశ్వర.... డిప్యూటీ సీఎంగా ప్రమాణస్వీకారం చేయనున్నారు. కుమారస్వామి ప్రమాణస్వీకారోత్సవానికి సోనియా, రాహుల్‌తోపాటు పశ్చిమబెంగాల్‌ సీఎం మమతాబెనర్జీ, బీఎస్పీ అధినేత్రి మాయావతి, ఎస్పీ అధినేత అఖిలేష్‌, ఏపీ సీఎం చంద్రబాబునాయుడు హాజరుకానున్నారు.