nalgonda

చిట్టిత‌ల్లిని కంటికి రెప్పలా కాపాడుతున్న డాక్ట‌ర్లు

Submitted by arun on Sat, 02/17/2018 - 11:03

తల్లి గర్భం నుంచి 9 నెలల తర్వాత భూమి మీదకు రావాల్సిన పాప 2 నెలల ముందే వచ్చేసింది. తోడుగా తనతో వచ్చిన చెల్లి పుట్టిన నిమిషాల్లోనే చనిపోయింది 3 రోజుల తర్వాత కన్నతల్లి మరణించింది. చివరికి తండ్రి కూడా పాపను సాకడం తనతో కాదని వదిలేసి వెళ్లిపోయాడు. కానీ ఆ తల్లికి పురుడు పోసిన డాక్టర్లు, హాస్పిటల్ సిబ్బందే పాపను కంటికి రెప్పలా కాపాడుకున్నారు. నవీనగా మార్చి ఏడాది తర్వాత నవయుగంలోకి నడిపించారు.

నవీన చూస్తున్నారుగా ఎంత ముద్దుగా ఉందో. మీరు చూస్తున్న ఈ పాప పుట్టినప్పుడు ఇంత బాగా పెరుగుతుందని ఎవరూ అనుకోలేదు. ఈరోజు ఈ చిన్నారి ఇలా ఉందంటే దానికి కారణం నల్గొండ ఏరియా ఆస్పత్రి వైద్యులు, సిబ్బందే.

'వచ్చే ఎన్నికల్లో ఎంపీగా పోటీ చేస్తా'

Submitted by arun on Mon, 02/12/2018 - 16:24

వచ్చే ఎన్నికల్లో నల్గొండ ఎంపీగా పోటీ చేస్తాని ఎమ్మెల్యే కోమటిరెడ్డి స్పష్టం చేశారు. నల్లగొండ జిల్లాలోని వేములపల్లి కాంగ్రెస్‌ పార్టీ కార్యాలయాన్ని ఆయన సోమవారం ప్రారంభించారు. ఈ సందర్భంగా కోమటిరెడ్డి మాట్లాడుతూ టీఆర్‌ఎస్‌ పార్టీ ఎ‍మ్మెల్యేలకు డిపాజిట్లు దక్కకుండా అన్నీ నియోజక వర్గాల్లో పర్యటిస్తానని తెలిపారు. ప్రభుత్వం రైతులను భిక్షగాళ్లలా చూస్తోందన్నారు. కాలుష్యం వెదజల్లే థర్మల్ ప్లాంట్‌ను దామరచర్లలో ఏర్పాటు చేస్తున్నారని ఆగ్రహం వ్యక్తం చేశారు. కాంగ్రెస్‌ అధికారంలోకి వస్తే ఒకేసారి రుణమాఫీ చేస్తామని ఈ సందర్భంగా కోమటిరెడ్డి హామీ ఇచ్చారు.

హ‌స్తిన‌కు బొడ్డుపల్లి శ్రీనివాస్ హత్య కేసు

Submitted by arun on Thu, 02/08/2018 - 11:06

బొడ్డుపల్లి శ్రీనివాస్ హత్య కేసును ఢిల్లీకి తీసుకెళ్లింది కాంగ్రెస్. ఈ కేసును సీబీఐకి అప్పగించాలని ఆ సంస్థ డైరెక్టర్ ను కోమటిరెడ్డి బ్రదర్స్ డిమాండ్ చేయనున్నారు. అలాగే, కేంద్ర హోంమంత్రి రాజ్ నాథ్ సింగ్ కలిసి ఫిర్యాదు చేయనున్నారు. ఈ వ్యవహారాన్ని పార్లమెంట్ లో లేవనెత్తాలని పార్టీ అధినేత రాహుల్ గాంధీని కోరనున్నారు. బొడ్డుపల్లి శ్రీనివాస్ హత్యలో కేసులో అధికార టీఆర్ఎస్ ను దేశవ్యాప్తంగా కాంగ్రెస్ బద్నాం చేయనుంది. 

బొడ్డుపల్లి శ్రీనివాస్‌ హత్యకేసును చేధించిన పోలీసులు

Submitted by arun on Mon, 01/29/2018 - 12:58

నల్గొండ మున్సిపల్ ఛైర్మన్ లక్ష్మి భర్త బొడ్డుపల్లి శ్రీనివాస్‌ హత్య కేసును పోలీసులు ఛేదించారు. 11మంది నిందితులపై కేసు నమోదు చేసిన పోలీసులు 8మందిని పోలీసులు అరెస్ట్ చేశారు. మరో ముగ్గురు పరారీలో ఉన్నారన్న ఎస్పీ శ్రీనివాస్‌ హత్యలో రాజకీయం కోణం లేదని స్పష్టం చేశారు.

జెండా గద్దెపై వ్యక్తి తల...

Submitted by arun on Mon, 01/29/2018 - 11:20

నల్లగొండ జిల్లా బొట్టుగూడలో కలకలం చెలరేగింది. ఓ వ్యక్తిని చంపి అతి కిరాతకంగా తలను మొండెం నుంచి వేరు చేశారు. అంతటితో కసి తీరక తలను ఓ జెండా దిమ్మపై పెట్టి వెళ్లారు హంతకులు. హతుడిని కనగల్ కి చెందిన ట్రాక్టర్ డ్రైవర్ పాలకురి రమేష్ గా గుర్తించారు. రాత్రి టాబ్లెట్స్ కోసం రమేష్ బయటికి వెళ్లిన సమయంలో ఈ హత్య జరిగి ఉంటుందని చెబుతున్నారు. భార్యతో కలహాలే హత్యకు కారణంగా పోలీసులు అనుమానిస్తున్నారు. అతి దారుణంగా కనిపిస్తున్న ఈ దృశ్యాన్ని చూసినవారు భయకంపితులవుతున్నారు.


 

కన్నీరు కారుస్తూనే పాడె మోసిన కోమటిరెడ్డి వెంకటరెడ్డి!

Submitted by arun on Fri, 01/26/2018 - 12:03

నిన్న ప్రత్యర్థుల చేతిలో దారుణంగా హతుడైన తన కుడిభుజం, నల్గొండ జిల్లా కాంగ్రెస్ నేత బొడ్డుపల్లి శ్రీనివాస్ అంత్యక్రియల్లో పాల్గొన్న కోమటిరెడ్డి వెంకటరెడ్డి కన్నీరు కారుస్తూనే పాడె మోశారు. హత్య విషయం తెలిసిన వెంటనే ఎమ్మెల్యే కోమటిరెడ్డి వెంకట్‌ రెడ్డి, ఎమ్మెల్సీ రాజగోపాల్‌ రెడ్డి హుటాహుటిన హైదరాబాద్‌ నుంచి వచ్చారు. శ్రీనివాస్‌ కుమార్తెను ఓదారుస్తూ వెంకట్‌రెడ్డి బోరున విలపించారు. కుటుంబాన్ని ఓదార్చారు. అంతిమ యాత్రలో చివరికంటా ఉండి శ్రీనివాస్‌ పాడెను మోశారు. శ్రీనివాస్‌ హత్యకు కారకులను అరెస్టు చేయాలని, సీబీసీఐడీతో విచారణ చేయించాలని డిమాండ్‌ చేస్తూ గురువారం ఉదయం మూడు గంటలపాటు ధర్నా చేశారు.

కన్నీరుమున్నీరైన కోమటిరెడ్డి

Submitted by arun on Thu, 01/25/2018 - 10:52

కాంగ్రెస్‌‌ ఎమ్మెల్యే కోమటిరెడ్డి వెంకట్‌రెడ్డి ప్రధాన అనుచరుడు, నల్గొండ మున్సిపల్‌ ఛైర్‌పర్సన్‌ లక్ష్మి భర్త బొడ్డుపల్లి శ్రీనివాస్‌ దారుణ హత్యకు గురయ్యాడు. ఇంటికి కూతవేటు దూరంలోనే  శ్రీనివాస్‌ను దుండగులు చంపేశారు. గొడవ జరుగుతోంది ఆపుదాం రమ్మంటూ అర్థరాత్రి శ్రీనివాస్‌ని తీసుకెళ్లిన దుండగులు ఇంటికి సమీపంలోనే రాళ్లతో కొట్టిచంపారు. అత్యంత పాశవికంగా తల, ముఖం చిద్రంచేసి డ్రైనేజీలో పడేశారు. భర్త దారుణహత్యతో ఆయన భార్య నల్గొండ మున్సిపల్‌ ఛైర్ పర్సన్‌ బొడ్డుపల్లి లక్ష్మి కుప్పకూలిపోయారు. భర్త మరణాన్ని తట్టుకోలేక కన్నీరుమున్నీరుగా విలపిస్తోంది.

మున్సిపల్‌ చైర్‌ పర్సన్ భ‌ర్త హ‌త్య‌.. భోరున విల‌పించిన కోమ‌టి రెడ్డి

Submitted by lakshman on Thu, 01/25/2018 - 09:28

న‌ల్గొండ మున్సిప‌ల్ చైర్ ప‌ర్సన్ బొడ్డుప‌ల్లి ల‌క్ష్మి భ‌ర్తి శ్రీనివాస్ దారుణ‌హ‌త్య‌కు గుర‌య్యాడు. న‌ల్గొండ సావ‌ర్క‌ర్ న‌గ‌ర్ లో శ్రీనివాస్ హ‌త్య సినీ ఫ‌క్కిలో జ‌రిగిన‌ట్లు తెలుస్తోంది. 
శ్రీనివాస్ ఇంటి స‌మీపంలో గుర్తు తెలియ‌ని దుండ‌గులు ఒక‌రిపై ఒక‌రి ఘ‌ర్ష‌ణ‌కు దిగారు. అయితే ఈ వివాదాన్ని స‌ర్ధి చెప్పేందుకు   స్థానిక కౌన్సిలర్ మెరుగు గోపి కృష్ణ ప్ర‌య‌త్నించాడు. ఆ ప్ర‌యత్నాలు విఫ‌లం కావ‌డంతో గోపి, శ్రీనివాస్‌ కు ఫోన్‌ చేసి స‌మాచారం అందించాడు. 

డిగ్రీ విద్యార్థి ఉసురు తీసిన సర్వే

Submitted by arun on Sat, 01/20/2018 - 12:01

నేరస్తుల వివరాలు సమగ్రంగా సేకరించేందుకు తెలంగాణ పోలీస్ శాఖ చేపట్టిన సర్వే ఓ డిగ్రీ విద్యార్ధి ఆత్మహత్యకు కారణమైంది. ఎప్పుడో ఎనిమిదో తరగతిలో బైక్ దొంగతనం కేసులో నిందితుడైన పాపానికి.. పోలీసులు వచ్చి ఆధార్ కార్డు, ఫోటో ఇతర వివరాలు తీసుకోవడాన్ని అవమానంగా భావించిన ప్రసాద్ అనే విద్యార్థి రైలు కిందపడి ప్రాణాలు తీసుకోవడం నల్లగొండ జిల్లాలో కలకలం రేపింది.

కన్న కూతురిని చంపిన తండ్రి.. సాక్షిగా నిలిచిన తల్లి!

Submitted by lakshman on Tue, 09/19/2017 - 22:24

నల్గొండ: జిల్లాలో బాలిక పరువు హత్య సంచలనం సృష్టించింది. తన కూతురి ప్రవర్తనపై తీవ్ర అసహనంతో రగిలిపోయిన తండ్రి కన్న కూతురన్న కనికరం కూడా లేకుండా ఆమెను అత్యంత దారుణంగా హతమార్చాడు. ఆ దారుణానికి కన్నతల్లి సాక్షిగా నిలవడం శోచనీయం. నల్గొండ జిల్లా చింతపల్లి పరిధిలో జరిగిన ఈ ఘటన కలకలం రేపింది. శుక్రవారమే ఈ ఘటన జరిగినప్పటికీ ఆలస్యంగా వెలుగులోకొచ్చింది. ఈ ఘటనపై పోలీసుల కథనం ప్రకారం చింతపల్లి మండలం తీటేడు గ్రామానికి చెందిన శాంతి(పేరు మార్చాం) స్థానిక పాఠశాలలో 7వ తరగతి చదువుతోంది. ఆ బాలిక వయసు 13 సంవత్సరాలు. పాఠశాలకు వెళుతున్న క్రమంలో కొందరు విద్యార్థులతో శాంతి చనువుగా ఉండేది.