Chennai Super Kings

ప్రతిభకు వయసు అడ్డుకాదు..!

Submitted by arun on Mon, 05/28/2018 - 17:08

ఇరవై ఓవర్లో అరవై థ్రిల్స్ గా సాగిపోయే ఐపీఎల్ ను...ఉరకలేసే కుర్రాళ్ల ఆట అనుకొంటే అంతకు మించిన పొరపాటు మరొకటి లేదని....మహేంద్రసింగ్ ధోనీ నాయకత్వంలోని చెన్నై సూపర్ కింగ్స్ నిరూపించింది. హైదరాబాద్ సన్ రైజర్స్ తో ముగిసిన ఫైనల్లో పాల్గొన్న సూపర్ కింగ్స్ జట్టులోని మొత్తం 12 మందిలో తొమ్మిది మంది ఆటగాళ్లు 30 ఏళ్లకు పైబడినవారే. కెప్టెన్ ధోనీ, ఓపెనర్లు వాట్సన్, డూప్లెసిస్, అంబటి రాయుడు, డ్వయన్ బ్రావో, హర్భజన్ సింగ్, సురేశ్ రైనాతో సహా ప్రధాన ఆటగాళ్లంతా మూడుపదులు పైబడినవారే.

ఐపీఎల్ -11లో వాట్సన్ అరుదైన రికార్డులు

Submitted by arun on Mon, 05/28/2018 - 16:49

ఐపీఎల్ 11వ సీజన్ టోర్నీలో....విజేత చెన్నై సూపర్ కింగ్స్ ఓపెనర్ షేన్ వాట్సన్ ఓ అరుదైన రికార్డు నెలకొల్పాడు. ముంబై వాంఖెడీ స్టేడియం వేదికగా హైదరాబాద్ సన్ రైజర్స్ తో ముగిసిన ఫైనల్లో అన్ బీటెన్ సెంచరీతో...ప్లేయర్ ఆఫ్ ది ఫైనల్స్ అవార్డు అందుకొన్న వాట్సన్...ప్రస్తుత 2018 సీజన్లో రెండు సెంచరీలు సాధించిన ఒకే ఒక్క ఆటగాడిగా నిలిచాడు. అంతేకాదు...తన కెరియర్ ఐపీఎల్ శతకాల సంఖ్యను నాలుగుకు పెంచుకొన్నాడు. 36 ఏళ్ల వాట్సన్....ప్రస్తుత సీజన్ లీగ్ దశలో ఓ సెంచరీ, ఫైనల్లో ఓ సెంచరీతో పాటు...మొత్తం 555 పరుగులు సాధించాడు.

ఐపీఎల్ లో క్రిస్ గేల్ హవా షురూ

Submitted by arun on Mon, 04/16/2018 - 16:40

ఓడలు బళ్లు...బళ్లు ఓడలు అన్నమాట ఐపీఎల్ లో కింగ్స్ పంజాబ్ సునామీ ఓపెనర్ క్రిస్ గేల్ కు అతికినట్లు సరిపోతుంది. ఐపీఎల్ గత సీజన్ వరకూ బెంగలూరు రాయల్ చాలెంజర్స్ ప్రధాన ఆటగాడిగా ఏడాదికి 10 కోట్ల రూపాయల వరకూ అందుకొన్న గేల్ 11వ సీజన్ వేలంలో ఎవరికీ అవసరం లేని ఆటగాడిగా మిగిలాడు. అయితే కింగ్స్ పంజాబ్ మెంటార్ కమ్ కోచ్ వీరేంద్ర సెహ్వాగ్ చొరవతో కనీసధర 2 కోట్ల రూపాయలకే క్రిస్ గేల్ ను తమజట్టులో చేర్చుకొంది. అంతేకాదు ప్రస్తుత సీజన్లో తన తొలిమ్యాచ్ ను చెన్నై సూపర్ కింగ్స్ ప్రత్యర్థిగా ఆడిన గేల్ కేవలం 33 బాల్స్ లోనే 7 బౌండ్రీలు, 4 సిక్సర్లతో 63 పరుగులతో మ్యాచ్ విన్నర్ గా నిలిచాడు.