Jwala Gutta

ఓటరు జాబితాలో గుత్తా జ్వాల పేరు గల్లంతు

Submitted by arun on Fri, 12/07/2018 - 11:15

 ఓటర్ల జాబితాలో తన పేరు లేకపోవడంపై ప్రముఖ బ్యాడ్మింటన్‌ క్రీడాకారిణి గుత్తా జ్వాలా ఆగ్రహం వ్యక్తం చేశారు. ఓటు వేసేందుకు శుక్రవారం ఉదయం ఆమె పోలింగ్‌ కేంద్రానికి వెళ్లారు. అక్కడ జాబితాలో తన పేరు కన్పించకపోవడంతో ట్విటర్‌ వేదికగా జ్వాలా అసహనాన్ని వెళ్లగక్కారు. ‘ఆన్‌లైన్‌లో చెక్‌ చేసినప్పుడు నా పేరు ఉంది. ఓటర్ల జాబితాలో పేరు కన్పించకపోవడం ఆశ్చర్యంగా ఉంది. ఇలా జాబితాలో ఓటర్ల పేర్లు లేనప్పుడు ఎన్నికలు ఎలా పారదర్శకంగా జరుగుతాయి’ అని జ్వాలా ట్వీట్‌లో ప్రశ్నించారు.

సైనా బెదిరింపులపై గుత్తా జ్వాలా సీరియస్

Submitted by arun on Wed, 04/04/2018 - 16:16

గోల్డ్ కోస్ట్ వేదికగా జరుగుతున్న 2018 కామన్వెల్త్ గేమ్స్ కు తనతోపాటు తన తండ్రిని అనుమతించకపోతే జట్టు నుంచి వైదొలగుతానంటూ సైనా నెహ్వాల్ బెదిరించడాన్ని భారత బ్యాడ్మింటన్ డబుల్స్ కోచ్ గుత్తా జ్వాల తప్పు పట్టింది. ఇప్పటికే పలుసార్లు కామన్వెల్త్ గేమ్స్ లో పాల్గొన్న సైనా లాంటి సీనియర్ ప్లేయర్ గోల్డ్ కోస్ట్ కామన్వెల్త్ గేమ్స్ ప్రారంభానికి ముందు ఇలా హడావిడి చేయటం తగదని అవార్డుల కోసం, ఇళ్లస్థలాల కోసం, ప్రోత్సాహక నగదు బహుమతుల కోసం ట్విట్టర్ ద్వారా బెదిరించడం తనకు తెలియదని ట్విట్టర్ ద్వారానే సైనాను జ్వాల ఎద్దేవా చేసింది.