telangana assembly

4 సంవత్సరాలు.. 3 నెలలు.. 4 రోజులు...9నెలల ముందే ముగిసిన తెలంగాణ తొలి శాసనసభ కథ

Submitted by arun on Thu, 09/06/2018 - 13:45

తెలంగాణ చరిత్రలో మరో బిగ్‌ డే నమోదైంది. ఊహించినట్లుగానే తెలంగాణ శాసనసభ రద్దు జరిగిపోయింది. అయితే ఎన్నో పోరాటాలు, ఎంతోమంది త్యాగాల తర్వాత ఏర్పడ్డ తెలంగాణ రాష్ట్రంలో తొలి శాసనసభ కథ గడువు కంటే ముందే ముగిసిపోయింది. అసలు తెలంగాణ తొలి శాసనసభ ఎప్పుడు కొలువుదీరింది. ఎన్ని రోజులు ముందు రద్దయ్యింది. 

బ్రేకింగ్‌...తెలంగాణ అసెంబ్లీ రద్దు

Submitted by arun on Thu, 09/06/2018 - 13:29

అంతా ఊహించినట్టుగానే తెలంగాణ అసెంబ్లీ రద్దుకు మంత్రి వర్గం సిఫారసు చేసింది. ప్రగతి భవన్‌లో సీఎం కేసీఆర్ అధ్యక్షతన ప్రారంభమైన మంత్రివర్గ సమావేశం శాసనసభను రద్దు చేస్తూ ఏకవాక్య తీర్మానం చేసింది.  కాసేపట్లో సీఎం కేసీఆర్ మంత్రులతో కలిసి ప్రత్యేక బస్సులో రాజ్‌భవన్ వెళ్లనున్నారు.  అసెంబ్లీ రద్దు నిర్ణయాన్ని తెలియజేసిన తరువాత మంత్రులతో కలిసి సీఎం కేసీఆర్ గన్ పార్క్ చేరుకోనున్నారు. అమరవీరుల స్థూపం దగ్గర నివాళులు అర్పించి నేరుగా తెలంగాణ భవన్ చేరుకోనున్నారు. అనంతరం తాజా పరిణామాలపై  మీడియా సమావేశం నిర్వహించున్నారు. 

ఎమ్మెల్యేల బహిష్కరణ; హైకోర్టు సంచలన తీర్పు

Submitted by arun on Tue, 04/17/2018 - 14:41

తెలంగాణ ప్రభుత్వానికి హైకోర్టులో ఎదురుదెబ్బ తగిలింది. కాంగ్రెస్ ఎమ్మెల్యేలు కోమటిరెడ్డి వెంకట్‌రెడ్డి, సంపత్‌కుమార్‌ల శాసనసభ్యత్వాలను రద్దు చేస్తూ తీసుకున్న నిర్ణయాన్ని ఉమ్మడి హైకోర్టు కొట్టివేసింది.  అసెంబ్లీ గెజిట్ నోటిఫికేషన్‌ను రద్దుచేసిన హైకోర్టు వీరిద్దరిని ఎమ్మెల్యేలుగా  కొనసాగించాలంటూ ఉత్తర్వులు జారీ చేసింది.  దీంతో కోమటిరెడ్డి వెంకటరెడ్డి, సంపత్‌లు ఎమ్మెల్యేలుగా కొనసాగనున్నారు. 

మొక్కలు పెంచని సర్పంచ్‌‌లను తొలగిస్తాం : కేసీఆర్

Submitted by arun on Thu, 03/29/2018 - 17:38

గ్రామపంచాయతీల్లో మొక్కలు పెంచని సర్పంచ్‌లను తొలగిస్తామని, అలాగే నాటిన మొక్కల్లో 85శాతం బతకకపోతే గ్రామ కార్యదర్శిని కూడా తొలగిస్తామని ముఖ్యమంత్రి కేసీఆర్ పేర్కొన్నారు. గురువారం అసెంబ్లీ సీఎం మాట్లాడుతూ... రాష్ట్రంలో 250 కోట్ల మొక్కలు నాటాలనేది ప్రభుత్వ సంకల్పమన్నారు. మెదక్‌ జిల్లాలో అడవుల పునరుద్ధరణ చూసి ప్రధాని ప్రశంసించారని, సమైక్య పాలనలో ఏడాదిలో 50 లక్షల మొక్కలు కూడా నాటలేదన్నారు. కాగా... ప్రతి ఏటా గ్రామ పంచాయతీలకు బడ్జెట్‌లో రూ.1500 కోట్ల కేటాయిస్తామని, అంతేగాక ఏటా బడ్జెట్‌లో మున్సిపాలిటీలకు రూ.1000 కోట్లు కేటాయిస్తామన్నారు.
 

ఉప ఎన్నికల లక్ష్యం ఇదేనట..!

Submitted by lakshman on Thu, 03/15/2018 - 08:13

తెలంగాణలో ఇప్పుడున్న రాజకీయ పరిస్థితుల ప్రకారం.. ఉప ఎన్నికలు ఖాయంగా కనిపిస్తున్నాయి. త్వరలోనే కర్ణాటక రాష్ట్ర అసెంబ్లీకి ఎన్నికలు జరగబోతున్నాయి. ఇంతలోనే.. రాష్ట్రంలో రెండు సీట్లు ఖాళీ అయ్యాయి. బడ్జెట్ సమావేశాల సందర్భంగా జరిగిన గొడవతో.. కాంగ్రెస్ ఎమ్మెల్యేలు కోమటిరెడ్డి వెంకట్ రెడ్డి, సంపత్ ల సభ్యత్వాన్ని సభ రద్దు చేసేసింది. ఇప్పుడు ఇంకో రెండు సీట్లు ఖాళీ అవుతున్నట్టు సంకేతాలు అందుతున్నాయి.

‘టీ’ అసెంబ్లీ గొడవలో.. ఫినిషింగ్ టచ్ ఉందట..!

Submitted by lakshman on Thu, 03/15/2018 - 07:57

గవర్నర్ ప్రసంగం సందర్భంగా జరిగిన గలాటాతో.. తెలంగాణ అసెంబ్లీ నుంచి కాంగ్రెస్ సభ్యులు ఊహించని శిక్షను ఎదుర్కొన్నారు. ఉన్న పదమూడు మందిలో.. 11 మందిని సభ నుంచి బడ్జెట్ సెషన్ కు సస్పెండ్ చేసేశారు. మిగతా ఇద్దరు కోమటిరెడ్డి, సంపత్ లను ఏకంగా సభ నుంచే బహిష్కరించారు. టెక్నికల్ గా చెప్పాలంటే.. సభ్యత్వాన్ని రద్దు చేశారు. అక్కడితో అయిపోయిందని అనుకుంటే పొరబాటే.

48గంట‌ల దీక్ష‌లో కాంగ్రెస్ ఎమ్మెల్యేలు

Submitted by lakshman on Tue, 03/13/2018 - 16:16

కాంగ్రెస్ ఎమ్మెల్యే కోమ‌టిరెడ్డి వెంక‌ట్ రెడ్డి , సంప‌త్ కుమార్ లు 48గంట‌ల పాటు గాంధీ భ‌వ‌న్ లో దీక్ష‌కు దిగ‌నున్న‌ట్లు తెలుస్తోంది. 
నిన్న గ‌వ‌ర్న‌ర్ ప్ర‌సంగాన్ని అడ్డుకునేందుకు కాంగ్రెస్ ఎమ్మెల్యే లు ప్ర‌య‌త్నించారు. ఎన్నిక‌ల్లో రైతుల‌కు ఇచ్చిన హామీలపై వివ‌ర‌ణ ఇవ్వాల‌ని కోరుతూ స‌భ‌లో ఆందోళ‌న చేప‌ట్టారు. ఈ సంద‌ర్భంగా కోమ‌టిరెడ్డి వెంక‌ట్ రెడ్డి హెడ్ సెట్ - ఇయ‌ర్ ఫోన్ ల‌ను గ‌వ‌ర్న‌ర్ పై విసిరేశారు. దీంతో ఆ హెడ్ సెట్ గాంధీజీ చిత్ర‌ప‌టానికి తాకి ప‌క్క‌నే ఉన్న స్వామిగౌడ్ కంటికి త‌గ‌ల‌డంతో ఆయ‌న‌కు తీవ్ర‌గాయాల‌య్యాయి. అప్ర‌మ‌త్త‌మైన మార్ష‌ల్స్ ఆయ‌న్ని ఆస్ప‌త్రికి త‌ర‌లించారు. 

తెలంగాణ బడ్జెట్ సమావేశాల్లో తొలిరోజు రచ్చ

Submitted by arun on Mon, 03/12/2018 - 15:20

తెలంగాణ అసెంబ్లీ బడ్జెట్ సమావేశాల తొలి రోజే కాంగ్రెస్ రచ్చకు దిగింది. రైతు ఆత్మహత్యలపై ప్రభుత్వ వైఖరిని నిరసిస్తూ గవర్నర్ ప్రసంగాన్ని అడ్డుకుంటామని ముందే హెచ్చరించిన కాంగ్రెస్.. చెప్పినట్టుగానే తీవ్ర ఆందోళనకు దిగింది. కాంగ్రెస్ చేపట్టిన ఆందోళన హద్దులు దాటింది. ఎమ్మెల్యే కోమటిరెడ్డి వెంకటరెడ్డి విసిరిన మైక్ మండలి చైర్మన్ స్వామిగౌడ్‌కు తగలడంతో తొలిరోజు బడ్జెట్ సమావేశాలు రసాబాసాగా మారాయి.

కోమ‌టిరెడ్డి విసిరిన మైక్..స్వామిగౌడ్ కు తీవ్ర‌గాయాలు

Submitted by arun on Mon, 03/12/2018 - 11:15

తెలంగాణ బడ్జెట్ సమావేశాల్లో కాంగ్రెస్ నేత కోమటిరెడ్డి వెంకటరెడ్డి దురుసుగా ప్రవర్తించారు. గవర్నర్ ప్రసంగిస్తున్న సమయంలో మూడుసార్లు మైక్, ఒకసారి హెడ్ ఫోన్స్‌ను విసిరారు. మైక్ గాంధీ ఫోటోను తాకి స్వామి గౌడ్ కంటికి తగిలింది. దీంతో ఆయనను వెంటనే కంటి ఆస్పత్రికి తరలించారు. ప్రభుత్వంపై విపక్షాలు ఆందోళన చేయడం సహజమే అయినా దురుసుగా ప్రవర్తించడం, భౌతిక దాడులకు పూనుకోవడం సరికాదని తెలంగాణ సభ్యులు అభిప్రాయపడుతున్నారు. 

అసెంబ్లీలో కాంగ్రెస్‌ రచ్చరచ్చ.. గవర్నర్‌పైకి పేపర్లు..

Submitted by arun on Mon, 03/12/2018 - 10:56

గవర్నర్ ఈఎస్ఎల్ నరసింహన్, తెలంగాణ ఉభయ సభలను ఉద్దేశించి ప్రసంగిస్తున్న వేళ, కాంగ్రెస్ పార్టీ ఎమ్మెల్యేలు గవర్నర్ ప్రసంగ ప్రతులను చింపి విసిరేస్తూ, నినాదాలతో పోడియంలోకి దూసుకురావడంతో అసెంబ్లీలో తీవ్ర గందరగోళ పరిస్థితి ఏర్పడింది. మార్షల్స్ అడ్డుకుంటున్నా, వారిని తోసుకుంటూ కాంగ్రెస్ సభ్యులు పోడియంలోకి దూసుకొచ్చారు. గవర్నర్ ఏం మాట్లాడుతున్నారన్న విషయం కూడా సరిగ్గా వినిపించని స్థాయిలో అసెంబ్లీలో రభస జరుగుతోంది. తన ప్రసంగానికి వ్యతిరేకంగా కాంగ్రెస్ చేస్తున్న ఆందోళనను పట్టించుకోకుండా నరసింహన్ తన పనిని తాను చేసుకుపోయారు.