AndhraPradesh

ఏపీలో మరోసారి ఐటీ దాడులు

Submitted by arun on Thu, 10/25/2018 - 10:18

మొన్న నెల్లూరు, నిన్న  విజయవాడ తాజాగా విశాఖలో ఐటీ దాడుల కలకలం రేగింది. ఐటీ దాడులు జరుగుతాయంటూ నిన్నటి నుంచి వినిపిస్తున్న ఊహాగానాలను నిజం చేస్తూ ఈ తెల్లవారుజాము నుంచే  విశాఖలోని పలు ప్రాంతాల్లో ఐటీ అధికారులు దాడులు ప్రారంభించారు. దువ్వాడ ప్రత్యేక ఆర్ధిక మండలి పరిధిలోని పలు కార్యాలయాల్లో అధికారులు సోదాలు జరుపుతున్నారు. TGI కంపెనీలో సోదాలు చేపట్టిన అధికారులు రికార్డులను స్వాధీనం  చేసుకున్నారు. సుమారు 50 బృందాలు ఈ దాడులు నిర్వహిస్తున్నట్టు సమాచారం. ఐటీ రైడ్స్ సందర్భంగా ఎలాంటి ఘటనలు జరగకుండా ఎస్‌ఈజెడ్ పరిధిలో భారీగా పోలీసులను మోహరించారు .  

ఏపీకి అక్టోబర్‌ భయం...ఆ రెండు తేదీల్లో తుపాను బీభత్సం...అక్టోబర్‌లో తుపాన్లకు కారణమేంటి?

Submitted by arun on Thu, 10/11/2018 - 13:19

ఆంద్రప్రదేశ్‌  రాష్ట్రానికి అక్టోబర్‌  నెల శాపంగా తయారైందా? ఈనెలలోనే  ఎక్కువగా విపత్తులు సంభవిస్తున్నాయా? అంటే పరిస్థితులను గమనిస్తే నిజమే అనుకోవాల్సిన వస్తోంది. రాష్ట్రానికి సంబంధించిన పెను విషాద తుపాన్‌ ఘటనలన్నీ అక్టోబర్‌లోనే జరుగుతుండటం యాదృచ్ఛికమా? లేక కాలప్రభావమా? లేదా ఇంకేదైనా కారణమా? అనే అనుమానాలు తలెత్తుతున్నాయి. 

ఏపీలో ఎంపీ సీట్లకు ఉపఎన్నికలు నిర్వహించకపోవడంపై ఈసీ వివరణ

Submitted by arun on Tue, 10/09/2018 - 14:09

కర్ణాటకలో లోక్ సభ స్థానాలకు ఉప ఎన్నికలు నిర్వహించడం..ఏపీలో ఖాళీ అయిన ఎంపీ సీట్లకు ఉప ఎన్నికలు నిర్వహించకపోవడంపై కేంద్ర ఎన్నికల కమిషన్ స్పందించింది. ఏపీలో వైసీపీ ఎంపీలు రాజీనామా చేసిన స్థానాలకు ఉప ఎన్నికలు నిర్వహించకపోవడంపై మీడియాలో కథనాలకు సీఈసీ వివరణ ఇచ్చింది.  ప్రజా ప్రాతినిధ్య చట్టం ప్రకారం ఏడాది కంటే ఎక్కువ సమయం ఉన్నప్పుడు మాత్రమే 6 నెలల్లోగా ఉపఎన్నికలు నిర్వహించాలని ఈసీ తెలిపింది. కర్ణాటకలో 3 లోక్ సభ సీట్లు మే 21 నాటికే ఖాళీ అయ్యాయని అదే ఆంధ్రప్రదేశ్‌లోని 5 లోక్‌సభ స్థానాలు మాత్రం జూన్ 20న ఖాళీ అయ్యాయని తెలిపింది.

తెలుగు రాష్ట్రాల్లో శాసనమండలి ఎన్నికల షెడ్యూల్‌ విడుదల

Submitted by arun on Sat, 09/29/2018 - 10:19

తెలుగు రాష్ట్రాల్లో శాసనమండలి ఎన్నికల షెడ్యూల్‌ విడుదలైంది. తెలంగాణలో 3, ఆంధ్రప్రదేశ్‌లో 3 స్థానాలకు ఎన్నికలు జరగనున్నాయి. 2019 మార్చి 29తో ఆరుగురు ఎమ్మెల్సీల పదవీ కాలం పూర్తికానుంది.

ఏపీలో ముందస్తు ఎన్నికలపై మంత్రి లోకేష్ స్పందన

Submitted by arun on Thu, 09/13/2018 - 12:57

ఆంధ్ర ప్రదేశ్ లో ముందస్తు ఎన్నికలు జరుగుతాయనేది ప్రచారం మాత్రమేనని మంత్రి లోకేశ్ అన్నారు. రాష్ట్ర విభజన తరువాత ఏర్పడ్డ మొదటి ప్రభుత్వం పూర్తి కాలం అధికారంలో ఉండాలనేది ప్రజల సెంటిమెంట్ అని లోకేష్ వ్యాఖ్యానించారు. అయినా ముందస్తు ఎన్నికల మూడ్‌లో ఏపీ ప్రజలు లేరన్నారు. అసలు ఎన్నికలు ఎప్పుడు వచ్చినా మళ్లీ అధికారం చేపట్టేది తెలుగుదేశం పార్టీదేనని లోకేష్ ధీమా వ్యక్తం చేశారు. రాష్ట్రాన్ని అభివృద్ధి చేసుకునే విషయంలో ప్రతి నిమిషం నిమగ్నమయ్యామన్నారు. తెలంగాణలో ప్రభుత్వం పూర్తికాలం అధికారంలో ఉండాలని ప్రజల కోరిక అని అయితే ఐదేళ్ల పాటు తెలంగాణలో ప్రభుత్వం నడవకపోవడం విచారకరమని మంత్రి లోకేష్‌ పేర్కొన్నారు.

అక్కడ ఏ పార్టీ గెలిస్తుందో.. ఏపీలో వారిదే అధికారం..!

Submitted by arun on Wed, 07/25/2018 - 13:36

ఏపీలో రాజకీయం రగులుతోంది. ఎన్నికలకు ఏడాది సమయం ఉన్నా పార్టీలన్నీ ప్రత్యక్ష కార్యాచరణలోకి దిగిపోయాయి మరి గోదావరి జిల్లాలను గెలుచుకునే పార్టీ రాష్ట్రాన్నేలుతుందన్న నానుడి. 2014 ఎన్నికల్లో కనీసం బోణీ కూడా కొట్టని వైసీపీకి ఈసారీ తలరాత మారిపోనుందా యూత్ ఓటు బ్యాంక్ లక్ష్యంగా దూసుకుపోతున్న జనసేన పరిస్దితేంటి.. పశ్చిమలో హీటెక్కిస్తున్న పాలిటిక్స్.

గత ఎన్నికల్లో జిల్లాను క్లీన్ స్వీప్ చేసింది. మొత్తం అన్ని సీట్లు గెలుచుకుని అన్నట్లుగానే అధికారంలోకి వచ్చింది టీడీపీ. ప్రత్యర్ధిని అంత దారుణంగా దెబ్బతీసి ఊహించని విజయాన్ని సాధించుకున్న టీడీపీ ఇప్పుడెలా ఉంది? చరిత్ర పునరావృతమవుతుందా?

వైఎస్ కు చంద్ర‌బాబుకు మ‌ధ్యఉన్న తేడా అదేనా

Submitted by lakshman on Thu, 04/12/2018 - 11:53

వైసీపీ ఎమ్మెల్యే ఆర్కే రోజా సీఎం చంద్ర‌బాబుపై మండిప‌డ్డారు. ఏపీకి ప్ర‌త్యేక‌హోదా కోసం వైసీపీ ఎంపీలు ఢిల్లీలో ఆమ‌ర‌ణ నిరాహార దీక్ష చేస్తుంటే ..తాము బీజేపీ తో కుమ్మ‌క్క‌య్యామ‌ని అన‌డం ఎంత‌వ‌ర‌కు స‌మంజ‌సం అని అన్నారు. బీజేపీ కుమ్మక్కైతే హ‌స్తిన‌లో ఆమ‌ర‌ణ దీక్ష చేయాల్సిన అవస‌రం ఏముంద‌ని ప్ర‌శ్నించారు. రాష్ట్రం అంతా వైసీపీ ఏపీకి ప్ర‌త్యేక‌హోదా కోసం పోరాటం చేస్తుంటే చంద్ర‌బాబు ఆనంద న‌గ‌రాల పేరుతో వేడుక‌లు జ‌ర‌ప‌డం సిగ్గుచేట‌ని మండిప‌డ్డారు. ఇలాంటి ప‌నికిమాలిన కార్య‌క్ర‌మానికి ఉప‌రాష్ట్ర‌ప‌తి వెంక‌య్య‌నాయుడు హాజ‌ర‌వ్వ‌డం విడ్డూరంగా ఉంద‌ని అన్నారు. 

సంతోషం అంతా ఆ ప‌చ్చ‌చొక్కాలోనే : జ‌గ‌న్

Submitted by lakshman on Wed, 04/11/2018 - 04:10

వైసీపీ అధినేత జగన్ చేస్తున్న ప్రజా సంకల్ప పాదయాత్ర ప్రస్తుతం గుంటూరు జిల్లాలో కొనసాగుతోంది. ఈ సందర్భంగా జగన్ గుంటూరు జిల్లా  లో సీఎం చంద్రబాబు పై సంచలన వ్యాఖ్యలు చేశారు. గత ఎన్నికలలో అధికారంలోకి రావడం కోసం ప్రజలకు అబద్దాల హామీలు ప్రకటించి మోసం చేసి గెలిచారు అన్నారు.
అధికారంలోకి వచ్చిన చంద్రబాబు విభజనకు గురైన ఆంధ్రప్రదేశ్ రాష్ట్రాన్ని నిలువునా మోసం చేసి రాష్ట్రంలో ఉన్న అన్ని ప్రభుత్వ శాఖలను అవినీతిమయం చేశారు. చంద్రబాబు  అయ్యాక కేవలం తన ధన దాహం కోసం ప్రభుత్వాధికారులను వాడుకుంటూ తన ఖజానాను నింపుకుంటున్నారు అని అన్నారు.

హేమాహేమిలను కలుస్తానని చెప్పి.. హేమమాలిని క‌లుస్తారా

Submitted by lakshman on Sat, 04/07/2018 - 10:21

ఏపీ సీఎం చంద్ర‌బాబు పై వైసీపీ ఎమ్మెల్యే అనిల్ కుమార్ యాద‌వ్ మండిప‌డ్డారు. తమ పార్టీకి చెందిన ఎంపీలు ఎన్డీఏపై 12సార్లు అవిశ్వాస తీర్మానం పెట్టార‌ని , మ‌రి టీడీపీ ఎంపీలు పార్ల‌మెంట్ లో ఏం చేస్తున్నార‌ని ప్ర‌శ్నించారు. తాము చెప్పిన‌ట్లుగానే ఏపీకి ప్ర‌త్యేక‌హోదా కోసం అవిశ్వాస తీర్మానం ప్ర‌వేశ‌పెట్టామ‌న్న ఆయ‌న ..స‌భ‌లో అన్నాడీఎంకే నేత‌లు అడ్డుప‌డుతుంటే చంద్ర‌బాబు మాట్లాడే ప్ర‌య‌త్నం ఎందుకు చేయ‌లేద‌ని అన్నారు. 

చంద్ర‌బాబును చార్లెస్ శోభరాజ్ తో పోల్చిన విజ‌య‌సాయి

Submitted by lakshman on Tue, 03/27/2018 - 17:04

వైసీపీ ఎంపీ విజ‌య‌సాయిరెడ్డి సీఎం చంద్ర‌బాబు, టీడీపీ నేత‌ల‌పై నిప్పులు చెరిగారు. న‌న్ను మాల్యాతో పోల్చాతారా అని ప్ర‌శ్నించిన విజ‌య‌సాయి ..ప్ర‌త్యేక‌హోదాపై చంద్ర‌బాబుకు చిత్త‌శుద్దిలేద‌ని క‌డిగిపారేశారు. టీడీపీ నేతలు దొంగలు , చంద్రబాబు గజ నేరగాడు , నిజం చెప్పాలంటే బ్యాంకులను టీడీపీ నేతలే దోచుకున్నారని, ప్రపంచంలోనే అతిపెద్ద నేరగాడు చార్లెస్ శోభరాజుకు చంద్రబాబు సమానం అని  మండిపడ్డారు. ఇక ప‌దే ప‌దే పీఎంవోలో విజ‌య్ సాయిరెడ్డి ప్ర‌త్య‌క్ష‌మ‌వ్వ‌డంపై స్పందించిన ఆయ‌న ఎన్టీఏపై అవిశ్వాస తీర్మానం ప్ర‌క‌టించిన త‌రువాత తాను క‌ల‌వ‌లేద‌ని చెప్పుకొచ్చారు.