TJAC

మిలియన్‌ మార్చ్‌: కోదండరాం వర్సెస్‌ పోలీస్‌

Submitted by arun on Sat, 03/10/2018 - 09:54

పోలీసులు ఎన్ని ఆంక్షలు విధించినా మిలియన్‌ మార్చ్ నిర్వహించేందుకు కోదండరాం రెడీ అవుతున్నారు. టీజేఏసీ నేతలు కోదండరాం ఇంటికి చేరుకుంటున్నారు. అయితే కోదండరాం ఇంటి నుంచి బయటకు వస్తే అరెస్ట్ చేసేందుకు పోలీసులు రెడీ అవుతున్నారు. ఇప్పటికే కోదండరాం ఇంటి వద్ద పోలీసులు భారీగా మోహరించారు. 

ట్యాంక్‌ బండ్‌ఫై మిలియన్‌ మార్చ్‌‌కు అనుమతి ఇవ్వకపోవడంపై కోదండరాం ఆగ్రహం వ్యక్తం చేశారు. తెలంగాణలో నిరంకుశ పాలనకు ఇదే నిదర్శనమన్న ఆయన నాటి మిలియన్ మార్చ్‌ జ్ఞాపకాలు ఇంకా కళ్లముందు కదులుతూనే ఉన్నాయన్నారు. 2011లో ఎన్ని ఆంక్షలు ఉన్నా మిలియన్‌ మార్చ్‌ను విజయవంతం చేసుకున్నామని కోదండరాం గుర్తు చేశారు. 

కేటీఆర్‌ను సీఎం చేయడానికే...

Submitted by arun on Tue, 03/06/2018 - 17:10

థర్డ్ ఫ్రంట్ పేరుతో సీఎం కేసీఆర్ మరోసారి తెలంగాణ ప్రజలను మోసం చేస్తున్నారని ఆరోపించారు టీజేఏసీ ఛైర్మన్ కోదండరాం. కేటీఆర్‌ను సీఎం చేయాలని ఆలోచనతోనే కేసీఆర్ జాతీయ నాయకుడిగా ఎదగాలని చూస్తున్నారని అది కరెక్ట్ కాదని చెప్పారు. త్వరలోనే తమ పార్టీ పేరు ప్రకటిస్తామన్నారు కోదండరాం. అమరవీరుల స్ఫూర్తితో ఈ నెల 10న హైదరాబాద్ లో జరిగే మిలియన్ మార్చ్ కార్యక్రమాన్ని విజయవంతం చేయాలని కోదండరాం పిలుపునిచ్చారు
 

తెలంగాణ రాజకీయాల్లో మరోసారి మహాకూటమి

Submitted by arun on Tue, 01/30/2018 - 12:50

తెలంగాణ రాజకీయాల్లో మరోసారి మహాకూటమి తెరమీదికొచ్చే సూచనలు కనిపిస్తున్నాయి. అధికార పార్టీని గద్దె దించాలంటే.. వ్యతిరేక శక్తులన్నీ ఏకం కావాలన్న ఉమ్మడి అవగాహన ఓ రూపం తీసుకునే అవకాశాలు మెండుగా కనిపిస్తున్నాయి. విభిన్న పార్టీలుగా విడివిడిగా పోరాడేకన్నా.. ఐక్యకూటమిగా ఏర్పడితే కేంద్రంలోని ఎన్డీయేను, రాష్ట్రంలోని టీఆర్ఎస్ ను ఎదుర్కోవడం సులువు అవుతుందన్న అభిప్రాయాలు.. లెఫ్ట్ పార్టీల్లో, వివిధ ప్రజాసంఘాల్లోనే గాక టీ-జాక్ లో కూడా వ్యక్తమవుతున్నాయి.