ప్ర‌ధాన‌మంత్రి న‌రేంద్ర మోడీ ఉగ్ర‌రూపం దాల్చారు. తన పార్టీకి చెందిన ఎంపీలు, ఎమ్మెల్యేలు, నేతలను ప్రధాని నరేంద్రమోడీ హెచ్చరించారు. ఇదంతా ఎందుకోసం అంటే..వారి నోటిని అదుపులో ఉంచుకునేందుకు. ఇటీవ‌లి కాలంలో బీజేపీ నేత‌లు మీడియా ముఖంగా అనేక వ్యాఖ్య‌లు చేయ‌డం, అవి వైర‌ల్ అవ్వ‌డం, వివాదాస్ప‌దంగా మార‌డం, నేత‌లు నవ్వుల‌పాలు అవ‌డం తెలిసిందే.
బీజేపీ సీనియర్ నేత, కేంద్ర ఆర్ధిక శాఖ మాజీ మంత్రి యశ్వంత్ సిన్హా ఆ పార్టీకి గుడ్‌బై చెప్పేశారు. కొంతకాలంగా అసమ్మతి స్వరం వినిపిస్తున్న ఆయన... బీజేపీకి రాజీనామా చేస్తున్నట్టు ప్రకటించారు. తాను ఏ పార్టీలోనూ చేరబోననీ.. అయినప్పటికీ ప్రజాస్వామ్యం కోసం తనవంతు కృషి చేస్తానని పేర్కొన్నారు. ఇవాళ పాట్నాలో ప్రతిపక్షాలతో కలిసి నిర్వహించిన ఓ కార్యక్రమంలో యశ్వంత్ సిన్హా మాట్లాడుతూ...ప్రజాస్వామ్యం ప్రమాదంలో పడిందని విమర్శించారు. ప్రభుత్వానికి వ్యతిరేకంగా వార్తలు రాస్తున్న రిపోర్టర్లను హత్యలు చేయిస్తున్నారని ఈ సందర్భంగా ఆయన మండిపడ్డారు.
దేశంలో ఇంధన ధరలు మండిపోతున్నాయి. రోజురోజుకీ పెరుగుతున్న పెట్రోలియం ధరలు హైదరాబాదీలకు మంట పుట్టిస్తున్నాయి. లీటర్ పెట్రోల్ ధర 80కి చేరుతుండటంపై నగరవాసులు నిప్పులు కురిపిస్తున్నారు. డీజిల్ ధర 55 నెలల్లోనే అత్యధిక స్థాయికి చేరింది. ఈ ధరలు మరింత పెరుగుతాయనే వార్తలతో వాహనదారులు ఆందోళన చెందుతున్నారు. దీంతో ఎక్సైజ్ పన్ను, వ్యాట్ తగ్గించాలన్న డిమాండ్ పెరుగుతోంది.
తెలుగు రాష్ట్రాల్లో కర్ణాటక ఫీవర్ పట్టుకుంది. కర్ణాటక ఎన్నికలు , ఫలితాలపై ఏపీ, తెలంగాణలో టెన్షన్ మొదలైంది. కర్ణాటకలో నామినేషన్ల ప్రక్రియ ప్రారంభం కావడంలో ఇక్కడి నేతల్లో గుబులు కనిపిస్తోంది. ఇంతకీ కర్ణాటక ఎన్నికలకు తెలుగు రాష్ట్రాలకు సంబంధం ఏమిటనేగా డౌట్.
ఎన్ని కఠిన చట్టాలు తెచ్చిన అత్యాచారాలకు మాత్రం అడ్డుకట్ట పడట్లేదు. పైగా చిన్నారులపై మృగాల్లా ప్రవర్తిస్తూ వారి జీవితాన్ని చిదిమేస్తున్నారు. జమ్మూకశ్మీర్‌లోని కథువా జిల్లాలో ఎనిమిదేళ్ల బాలిక ఆసిఫాపై సామూహిక లైంగిక దాడి, ఉన్నవ్ ఘటనలో మైనర్‌ బాలికపై లైంగిక దాడికి పాల్పడిన నిందితులపై కఠిన చర్యలు తీసుకోవాల్సిందిగా డిమాండ్ పెరిగిపోతున్న నేపథ్యంలో.. కేంద్రంలో కదలిక వచ్చింది. దేశవ్యాప్తంగా చిన్నారులపై అఘాయిత్యాలు, దారుణ ఘటనలు పెరిగిపోతుడటంతో కఠిన చట్టాలు తెచ్చేందుకు కేంద్రం నడుం బిగించింది.
దేశ వ్యాప్తంగా సంచలనం సృష్టించిన ఉన్నావ్ రేప్ కేసులో ప్రధాన నిందితుడు, బీజేపీ ఎమ్మెల్యే కుల్దీప్ సింగ్ సెంగార్‌కు ఉత్తరప్రదేశ్‌లోని యోగి ఆదిత్యనాథ్ ప్రభుత్వం షాక్ ఇచ్చింది. కుల్దీప్ సెంగార్‌కు కొనసాగుతున్న ‘వై’ కేటగిరీ భద్రతను తొలగించింది. ఉన్నావ్ జిల్లా బంగర్మావ్ ఎమ్మెల్యేగా ఉన్న ఆయనకు ఇప్పటిదాకా ఇద్దరు కమెండోలు, పోలీసులు సహా మొత్తం 11 మందితో ‘వై’ కేటగిరీ భద్రత కల్పించారు. ఎమ్మెల్యే కుల్దీప్ ప్రస్తుతం పోలీస్ కస్టడీలో ఉన్నారు. దేశవ్యాప్తంగా సంచలనం రేపిన ఈ కేసును సీబీఐ విచారిస్తున్న‌ది. యూపీ పోలీసులు ఎమ్మెల్యేపై ఎఫ్‌ఐఆర్ నమోదు చేయలేదని మరోవైపు బాధితురాలు ఆరోపించారు.
సీబీఐ ప్రత్యేక న్యాయమూర్తి బీహెచ్ లోయా మృతి కేసులో స్వతంత్ర దర్యాప్తు కోరుతూ దాఖలైన అన్ని పిటిషన్లనూ సుప్రీంకోర్టు కొట్టివేసింది. మెరిట్ ప్రాతిపదికగా పిటిషన్లు కొట్టివేస్తున్నట్టు జస్టిస్ చంద్రచూడ్ తన తీర్పులో తెలిపారు. స్వప్రయోజనాలను ఆశిస్తూ దాఖలైన పిటిషన్లను ఎంతమాత్రం ఆమోదించేది లేదంటూ స్పష్టం చేశారు. కింది కోర్టుకు చెందిన నలుగురు జడ్జిల స్టేట్‌మెంట్లను అనుమానించేందుకు ఎలాంటి కారణాలు కనబడటం లేదని, లోయాది సహజమరణమేనని కోర్టు విశ్వసిస్తోందని జస్టిస్ చంద్రచూడ్ పేర్కొంటూ స్వతంత్ర దర్యాప్తు కోరుతూ వేసిన పిటిషన్లను కొట్టివేశారు.
కట్టుకొన్న భార్యను ముక్కలు ముక్కలుగా నరికి ఉద్నాలోని కాలువలో పడేస్తుండగా నిందితుడిని పోలీసులు రెడ్‌ హ్యండెడ్‌గా పట్టుకొన్నారు. గుజరాత్ రాష్ట్రంలో ఈ ఘటన చోటు చేసుకొంది. నిందితుడిపై కేసు నమోదు చేసుకొని పోలీసులు దర్యాప్తు చేస్తున్నారు. సహనం కోల్పోయిన భర్త.. భార్యను ముక్కలుగా నరికాడు. మొదటి భార్యతో నిత్యం గొడవ పడుతున్న రెండో భార్యను గొంతునులిమి హత్య చేశాడు భర్త. ఆ తర్వాత ఆమెను 11 భాగాలుగా నరికి కసి తీర్చుకున్నాడు. ఈ దారుణ ఘటన సూరత్‌లో ఏప్రిల్ 16న చోటు చేసుకోగా ఆలస్యంగా వెలుగు చూసింది.
దేశవ్యాప్తంగా అన్ని రాష్ట్రాల్లో బీజేపీ జెండాను ఎగుర వేస్తూ వస్తున్నామన్నారు ఆ పార్టీ జాతీయ అధ్యక్షుడు అమిత్ షా. అన్ని రాష్ట్రాల్లో గెలిచిన విధంగానే దక్షిణాదికి ముఖద్వారమైన కర్ణాటకలోనూ విజయం సాధిస్తామన్నారు. కాంగ్రెస్ పార్టీని సాగనంపి యడ్యూరప్ప నేతృత్వంలోని బీజేపీ ప్రభుత్వాన్ని ఏర్పాటు చేస్తామన్నారు. కర్ణాటకలో విజయం సామాన్యమైంది కాదన్న అమిత్ షా దక్షిణాది రాష్ట్రాలకు ఇది ముఖద్వారమన్నారు. భవిష్యత్‌లో ఆంధ్రప్రదేశ్, తమిళనాడు, తెలంగాణ, కేరళలోనూ కాషాయ జెండా ఎగురవేస్తామన్నారు.
తమిళనాడు గవర్నర్‌ బన్వారీలాల్‌ పురోహిత్‌ మరో వివాదంలో చిక్కుకున్నారు. విలేకరుల సమావేశంలో ఓ మహిళా విలేకరి చెంపను తాకి అనుచితంగా ప్రవర్తించారు. దీంతో ఈ ఘటన వివాదాస్పదమైంది. ఉన్నతాధికారుల లైంగిక వాంఛ తీర్చాలంటూ విద్యార్థినులపై ఒత్తిడి తెచ్చినట్లు ఆరోపణలు ఎదుర్కొంటున్న మదురై కామరాజ్‌ విశ్వవిద్యాలయ సహాయ ఆచార్యురాలు నిర్మలాదేవితో సంబంధం ఉన్నట్లు ఇప్పటికే ఆరోపణలు ఎదుర్కొంటున్న ఆయన ఈ ఘటనతో మళ్లీ చిక్కుల్లో పడ్డారు.