Telangana

మూసీ కాల్వలో ఘోర ప్రమాదం.. 15 మంది దుర్మరణం!

Submitted by nanireddy on Sun, 06/24/2018 - 11:24

యాదాద్రి భువనగిరి జిల్లాలో ఘోర ప్రమాదం చోటు చేసుకుంది. వేములకొండ సమీపంలోని మూసీ కాలువలో  వ్యవసాయ కూలీలతో వెళ్తున్న ట్రాక్టర్‌ బోల్తా పడింది. ఈ ప్రమాదంలో 15 మంది వరకూ మృతి చెందారు. మూసీ కాల్వ గట్టు మీద నుంచి వెళ్తున్న ట్రాక్టర్‌.. ఒక్కసారిగా అదుపుతప్పి మూసీ పంట కాల్వలోకి బోల్తా పడింది.  ట్రాక్టర్‌లో 30 మంది వరకూ కూలీలు ఉన్నట్లు తెలుస్తోంది. కాల్వ లోతు తక్కువగానే ఉన్నా.. ట్రాక్టర్ ట్రాలీ తిరగపడటంతో అందులో చిక్కుకుని ఊపిరాడక చనిపోయారు. చనిపోయిన వారిలో ఎక్కువ మంది మహిళా కూలీలే ఉన్నారు. ప్రస్తుతం సహాయక చర్యలు కొనసాగుతున్నాయి. గాయపడ్డవారిని ఆసుపత్రికి తరలించారు. 

తెలుగు రాష్ట్రాలకు భారీ వర్ష సూచన

Submitted by arun on Sat, 06/23/2018 - 17:46

పశ్చిమ మధ్య బంగాళాఖాతంలో ఉపరితల ఆవర్తనం కొనసాగుతోంది. ఇటీవల వరకూ కొనసాగిన ఎండ తీవ్రతతో వాతావరణ అనిశ్చితి నెలకొంది. వీటి ప్రభావంతో మేఘాలు ఏర్పడి తెలంగాణ, కోస్తా, రాయలసీమల్లో పలుచోట్ల ఈదురుగాలులు, పిడుగులతో వర్షాలు కురిశాయి.  నేటి నుంచి మూడు రోజుల్లో మోస్తరు నుంచి భారీ వర్షాలు కురుస్తాయని హైదరాబాద్‌ వాతావరణ కేంద్రం వెల్లడించింది. నైరుతి రుతుపవనాలు చురుగ్గా కదులుతుండటంతో వాయువ్య బంగాళాఖాతంలో ఏ‍ర్పడిన ఉపరిత ఆవర్తనం ఇంకా కొనసాగుతున్నట్లు పేర్కొంది. వర్ష సూచన వివరాలు ఇలా ఉన్నాయి. తెలంగాణలో ఉపరితల ఆవర్తన ప్రభావంతో శని, ఆదివారాల్లో ఉరుములు, ఈదురుగాలులతో కూడిన మోస్తరు జల్లులు పడే అవకాశం ఉంది.

‘టీజీని పిచ్చాసుపత్రిలో చేర్పించాలి’

Submitted by arun on Sat, 06/23/2018 - 16:33

టీడీపీ ఎంపీ టీజీ వెంకటేశ్ కె. కేశవరావుపై చేసిన వ్యాఖ్యలను టీఆర్‌ఎస్ ఎంమ్మెల్సీ కర్నె ప్రభాకర్ తీవ్రంగా ఖండించారు. వెంకటేశ్‌ని పిచ్చాసుపత్రిలో చేర్పించాలని అన్నారు. టీజీ వెంకటేశ్ కామెంట్ల వల్ల ఇరు రాష్ట్రాల మధ్య ఉద్రిక్తతలు పెరగకుండా చూడాలలని సీఎం చంద్రబాబుకి సూచించారు. తెలంగాణ ఉద్యమ చరిత్రను కించపరచవద్దని హెచ్చరించారు. ప్రజలను రెచ్చగొట్టడమే టీజీ పరమావధిగా పెట్టుకున్నారని కర్నె మండిపడ్డారు.

కాంగ్రెస్‌ పార్టీలో కుర్చీల కుమ్ములాట...సీఎం పదవిపైనే ముగ్గురు నేతల కన్ను

Submitted by arun on Sat, 06/23/2018 - 14:16

తెలంగాణ కాంగ్రెస్‌లో కుర్చీల కుమ్ములాట మొదలయింది. సీఎం పదవిపై ఎవరికి వారు...ఇష్టమొచ్చినట్లు  వ్యాఖ్యలు చేస్తున్నారు. నేతల వ్యాఖ్యలతో కాంగ్రెస్‌ పార్టీలో అంతర్గత పోరు మొదలయింది. ఎన్నికలు జరగకముందే నేతలు పదవి కోసం పొట్లాడుకుంటూ వార్తల్లో నిలుస్తున్నారు. పార్టీ గెలుపు కోసం కృషి చేయకుండా సీనియర్లు సీఎం సీటు కోసం పోటీపడటంపై కాంగ్రెస్‌లో జోరుగా చర్చ జరుగుతోంది.

కాంగ్రెస్ ఈ దుస్ధితికి రావడానికి కారణం ఒక వర్గం వారే

Submitted by arun on Sat, 06/23/2018 - 14:05

కాంగ్రెస్‌ పార్టీకి సీనియర్‌ నాయకులు దానం నాగేందర్‌ శనివారం రాజీనామా చేశారు. తన రాజీనామా లేఖను అధ్యక్షుడు రాహుల్‌ గాంధీకి, టీపీసీసీ చీఫ్‌ ఉత్తమ్‌కుమార్‌ రెడ్డిలకు పంపారు. ఆనంతరం ఆయన మీడియాతో మాట్లాడుతూ.. ఎలాంటి పదవులకు ఆశపడి టీఆర్ఎస్‌లో చేరలేదని దానం నాగేందర్ అన్నారు. పదవులు ఉన్నా లేకపోయినా తన వెంట నడిచిన కార్యకర్తల కోసమే కాంగ్రెస్‌ను వీడనన్నారు. టీఆర్ఎస్‌లో పదవులు వచ్చినా రాకపోయినా ... సైనికుడిలా పనిచేయడమే తన లక్ష్యమన్నారు. కాంగ్రెస్‌లోని నేతల తీరు వల్లే మూడు దశాబ్ధాల అనుబంధం తెంచుకున్నానంటూ దానం ప్రకటించారు.

రికార్డ్ సృష్టించిన తెలంగాణ సోషల్ వెల్ఫేర్ రెసిడెన్షియల్ సొసైటీ విద్యార్థులు

Submitted by arun on Sat, 06/23/2018 - 13:16

తెలంగాణ సోషల్ వెల్ఫేర్ రెసిడెన్షియల్ సొసైటీ విద్యార్థులు.. దేశ రాజధాని ఢిల్లీ యూనివర్సిటీలో సత్తా చాటారు. సత్తా మాత్రమే కాదు.. రికార్డ్ సృష్టించారు. 10 కాదు.. 20 కాదు.. 80 మంది విద్యార్థులు.. డైరెక్ట్‌గా ఢిల్లీ యూనివర్సిటీలో అడ్మిషన్స్ సంపాదించారు. ఇంతకుముందెన్నడూ లేని విధంగా. ఈసారి.. తెలంగాణ పేరు మారుమోగేలా చరిత్ర సృష్టించారు మన గురుకుల స్టూడెంట్స్.

పంచాయతీ ఎన్నికల ప్రక్రియకు బ్రేక్ పడే అవకాశం

Submitted by arun on Sat, 06/23/2018 - 11:54

ఒకవైపు కోర్టు కేసులు మరోవైపు చట్టంలో లొసుగులతో పంచాయతీ ఎన్నికలు ఇప్పట్లో జరిగేలా కనిపించడం లేదు. బీసీ గణన, రిజర్వేషన్ల ప్రక్రియ పూర్తిచేసినా బీసీ రిజర్వేషన్ల విషయంలో అడ్డంకులు ఎదురయ్యే అవకాశం కనిపిస్తోంది. మరోవైపు కొత్త పంచాయతీరాజ్‌ చట్టంలోనూ లోపాలున్నాయనే వాదనలతో గడువులోపు పంచాయతీ ఎన్నికలు జరిగే ఛాన్సే లేదంటున్నారు న్యాయ నిపుణులు.

టీ.కాంగ్రెస్‌కు భారీ షాకివ్వనున్న టీఆర్ఎస్‌...ఓ మాజీ డిప్యూటీ సీఎంతో పాటు పది మంది మాజీ ఎమ్మెల్యేలు

Submitted by arun on Sat, 06/23/2018 - 11:40

ఎన్నికల ఏడాది కారు స్పీడ్‌ పెంచింది. టీఆర్ఎస్‌లోకి వలస జోరు పెరిగింది. మొన్నటి వరకు తెలంగాణ టీడీపీని టార్గెట్‌ చేసిన టీఆర్ఎస్‌... ఈసారి కాంగ్రెస్‌ పార్టీ నేతలకు గాలం వేస్తోంది. కాంగ్రెస్‌ పార్టీ నుంచి ఓ మాజీ డిప్యూటీ సీఎంతో పాటు పది మంది మాజీ ఎమ్మెల్యేలను త్వరలోనే కారెక్కేందుకు సిద్ధమవుతున్నారు. ఆపరేషన్‌ ఆకర్స్‌ మొదటి ఫేజ్‌లో ప్రధానంగా గ్రేటర్‌ హైదరాబాద్‌‌నే టీఆర్ఎస్‌ టార్గెట్‌ చేసినట్టు తెలుస్తోంది. ఇప్పటికే కాంగ్రెస్‌ పార్టీకి రాజీనామా చేసిన దానం నాగేందర్‌తోపాటు మాజీ మంత్రి ముఖేష్‌ గౌడ్‌, ఆయన కుమారుడు కూడా త్వరలోనే టీఆర్ఎస్‌ తీర్థం పుచ్చుకోనున్నట్టు తెలుస్తోంది.

ఆ టీఆర్ఎస్ నేత తాగుబోతు సన్నాసి...రాత్రయితే ఫుల్లుగా తాగి కేసీఆర్‌ కాళ్లు ఒత్తుతాడు

Submitted by arun on Sat, 06/23/2018 - 11:17

టీఆర్‌ఎస్‌ ఎంపీ కే. కేశవరావు(కేకే)ను తీవ్ర పదజాలంతో దూషించారు టీడీపీ ఎంపీ టీజీ వెంకటేశ్‌. శుక్రవారం ఢిల్లీలో మీడియాతో మాట్లాడిన ఆయన సంచలన వ్యాఖ్యలు చేశారు.‘‘కేకే పిచ్చోడు. తాగుబోతు సన్నాసి. పిచ్చోళ్లకు అంతా పిచ్చోళ్లలానే కనిపిస్తారు’’ అంటూ టీఆర్‌ఎస్‌ సీనియర్‌ నేత, రాజ్యసభ ఎంపీ కేశవరావును టీడీపీ ఎంపీ టీజీ వెంకటేశ్‌ దూషించారు. తెలంగాణ ఉద్యమంలో కేకే ఎక్కడున్నారని ప్రశ్నించారు. ఏపీకి ప్రత్యేక హోదా కోసం తెలంగాణ సీఎం కేసీఆర్‌ పోరాటం చేయాలని, లేకపోతే, టీఆర్‌ఎ్‌సకు ఓటు వేయవద్దంటూ సీమాంధ్రులకు పిలుపు ఇస్తామని టీజీ వ్యాఖ్యానించిన విషయం తెలిసిందే. వాటిపై స్పందించిన కేకే..

దానం రాజీనామాపై ముఖేశ్‌గౌడ్ ఆసక్తికరమైన వ్యాఖ్యలు

Submitted by arun on Sat, 06/23/2018 - 10:52

దానంతోటే సరిపెడతారా..? లేక మరో భారీ షాక్‌ను తగిలించుకుంటారా..? ఇప్పుడీ విషయమే.. కాంగ్రెస్ శిబిరంలో కల్లోలం పుట్టిస్తోంది. తన దారి తాను చూసుకుని తొందరపడ్డారంటూ దానంపై మరో మాజీ మంత్రి ముకేశ్ గౌడ్.. చేసిన వ్యాఖ్యలు.. కలకలం పుట్టిస్తున్నాయి. కాస్త ఆగి ఉంటే.. అందరం కలిసి కారెక్కేవాళ్లమని.. ముఖేశ్ కుండబద్దలు కొట్టడం.. గ్రేటర్ కాంగ్రెస్‌లో అసంతృప్తి స్థాయి ఏ రేంజులో ఉందో.. చెబుతోంది.