Telangana

కాంగ్రెస్‌లో ఆడియో టేపుల కలకలం

Submitted by arun on Thu, 11/15/2018 - 16:07

కాంగ్రెస్‌పై అసంతృప్తులు తిరుగుబాటు చేస్తున్నారు. తీవ్ర ఆరోపణలు చేస్తూ అధిష్టానంపై ఎదురుదాడి చేస్తున్నారు. రంగారెడ్డి డీసీసీ ప్రెసిడెంట్‌ క్యామ మల్లేశ్‌ స్క్రినింగ్ ‌కమిటీ ప్రెసిడెంట్‌ భక్తచరణ్‌ దాస్‌ పై ముడుపుల ఆరోపణలు చేశారు. తాను ఇబ్రహీంపట్నం సీటు కేటాయించాలని అడిగితే భక్తచరణ్‌ దాస్‌ కుమారుడు సాగర్‌ 3 కోట్లు ఇవ్వాలంటూ డిమాండ్‌ చేశారని తెలిపారు. దీనికి సంబంధించిన ఆడియో టేపులను క్యామ మల్లేశ్‌ విడుదల చేశారు. దీంతో కాంగ్రెస్‌లో ముడుపుల వ్యవహారం రచ్చ రచ్చ అవుతోంది. 

సబిత ఫ్యామిలీ నుంచి కాంగ్రెస్‌కు బిగ్ షాక్

Submitted by chandram on Thu, 11/15/2018 - 15:35

కాంగ్రెస్ పార్టీకి నిరసనల సెగ రోజు రోజుకి అధికమవుతోంది. టికెట్లు వస్తయని ఆశపడి చివరకు టికెట్లు దక్కపోవడంతో రెబల్స్‌గా నామినేషన్లు దాఖలు చేస్తున్నారు. మరికొందరైతే కాంగ్రెస్ పార్టీకి రాజీనామా చేస్తున్నారు. ఇదే తరహాలో మరో కీలక నేత కాంగ్రెస్ పార్టీకి రాజీనామా బాటపడ్డాడు. మాజీ మంత్రి సబితా ఇంద్రారెడ్డి కుమారుడు కార్తీక్ రెడ్డి సీటు దక్కలేదని తీవ్రమనస్తాపనికి గురై ఆయన నేడు కాంగ్రెస్ పార్టీకి రాజీనామా చేశారు. రాజేంద్రనగర్ సీటిస్తారో లేక తన రాజీనామా ఆమోదిస్తారో ఉత్తమ్ కుమార్ రెడ్డి చెప్పాలని కార్తీక్ డిమాండ్ చేశారు.

కొడుకు, కోడలికి కేసీఆర్ బాకీ...ఎంతంటే...

Submitted by arun on Thu, 11/15/2018 - 13:19

మంత్రి కేటీఆర్‌ దంపతులకు ముఖ్యమంత్రి కేసీఆర్‌ రూ.కోటికి పైగా బాకీ ఉన్నారు. ఇందులో కొడుకు కేటీఆర్‌కు ఇవ్వాల్సిన బాకీ 82లక్షల 82వేల 570రూపాయిలు. కోడలు శైలిమ వద్ద కూడా కేసీఆర్ అప్పు చేశారు. ఆమెకు 24లక్షల 65వేలు బకాయి ఉన్నారు. సీఎం కేసీఆర్ గజ్వేల్ నియోజకవర్గం ఎమ్మెల్యే అభ్యర్థిగా నామినేషన్ వేశారు. ఈ సందర్భంగా ఆయన దాఖలు చేసిన నామినేషన్‌లో తన ఆస్తులు, అప్పులు, తనపై ఉన్న కేసుల వివరాలన్నింటినీ అఫిడవిట్‌లో పొందుపర్చారు. కేసీఆర్ సమర్పిచిన అఫిడవిట్ ప్రకారం.. కేసీఆర్‌ ఆస్తులు రూ.12.20 కోట్లు కాగా.. మొత్తంమీద ఆయనకు రూ.8.88 కోట్ల అప్పులు ఉన్నాయి.

Tags

గులాబీ పార్టీకి ఇద్దరు ఎంపీల గుడ్‌బై?

Submitted by chandram on Thu, 11/15/2018 - 13:04

తెలంగాణలో ఇతర పార్టీల మాదిరీగానే మొన్నటివరకు అధికార పార్టీలోని నేతలు కూడా వలస బాటపడుతున్నారా? తెరాస పార్టీకి చెందిన ఇద్దరు ఎంపీలు కారు దిగి కాంగ్రెస్ గూటికి చేరే యత్నం చేస్తున్నారా? వారు ఎవరో కాదు చేవెళ్ల ఎంపీ కొండా విశ్వేశ్వర్ రెడ్డి, మహబూబాబాద్ ఎంపీ సీతారాం నాయక్. వీరిద్ధరు గూలాబీకి గుడ్ బై చెప్పి కాంగ్రెస్ తీర్థంపుచ్చుకుంటున్నారా? అంటే ముమ్మటికి అవుననే సమాధానాలే వస్తున్నాయి. చేవెళ్ల చాలా కాలం నుండి టీఆర్ఎస్ పై అసంతృప్తితోనే ఉన్నారు. కాగా రంగారెడ్డి జిల్లా మంత్రి పట్నం మహేందర్ రెడ్డికే పార్టీలో అధిక గుర్తింపు ఇవ్వడంతో విశ్వేశ్వర్ తీవ్ర అసంతృప్తితో ఉన్నాడు.

టీఆర్ఎస్ లోనూ రెడ్లదే ఆధిపత్యం

Submitted by arun on Thu, 11/15/2018 - 11:53

తెలంగాణలోని 119 అసెంబ్లీ నియోజకవర్గాల్లో 117 నియోజకవర్గాలకు పోటీ పడే అభ్యర్థులను ప్రకటించిన తెలంగాణ రాష్ట్ర సమితి, రెడ్డి సామాజిక వర్గానికే అధిక ప్రాధాన్యత ఇచ్చారు. ఇప్పటివరకూ ప్రకటించిన సీట్లలో ఓసీలకు 58, బీసీలకు 24 సీట్లు దక్కగా, ఎస్సీలకు 19, ఎస్టీలకు 12, సిక్కులకు ఒకటి దక్కాయి. టిఆర్‌ఎస్ పార్టీ ఇప్పటి వరకు 2 విడతలుగా 117 మంది అభ్యర్ధుల పేర్లను వెల్లడించింది. ఇప్పటి వరకు ప్రకటించిన అభ్యర్ధులను సామాజిక వర్గాల వారీగా పరిశీలిస్తే, రెడ్లకు 37, వెలమలకు 12, మున్నూరు కాపులకు 8, గౌడలకు 6, యాదవులకు 5 సీట్లు లభించాయి.

Tags

భూపతిరెడ్డి తన పదవికి రాజీనామా చేయాలి

Submitted by arun on Thu, 11/15/2018 - 11:25

మహాకూటమి దొంగల కూటమన్నారు ఎంపీ కవిత. వారికి అధికారమిస్తే తెలంగాణకు ద్రోహం చేస్తారని అన్నారు. తెలంగాణ లో కాంగ్రెస్ కు ఓటు వేస్తే టీడీపీకి ఓటు వేసినట్లేనని చెప్పారు. మహాకూటమి అభ్యర్థులను ప్రకటించడంలో అపసోపాలు పడుతుందని ఎద్దేవా చేశారు. ఎమ్మెల్సీ భూపతిరెడ్డి పదవికి రాజీనామా చేయాలని కవిత డిమాండ్ చేశారు. చంద్రబాబుతో పొత్తు ఎందుకో కాంగ్రెస్ సమాధానం చెప్పాలన్నారు. కూటమి కుట్రలను ప్రజలు గమనించాలని కోరారు. నిరంతరం ప్రజల మధ్య ఉంటున్న వారినే మళ్లీ గెలిపించాల్సిందిగా ఆమె పిలుపునిచ్చారు. ప్రజా నాయకుడు బాజిరెడ్డి గోవర్దన్‌ని మళ్లీ గెలిపించాలని కోరుతున్నట్లు పేర్కొన్నారు.

అక్రమాస్తుల కేసులో జడ్జి వరప్రసాద్ అరెస్ట్

Submitted by arun on Thu, 11/15/2018 - 11:02

ఆదాయానికి మించిన ఆస్తుల కేసులో రంగారెడ్డి జిల్లా 14వ అదనపు జిల్లా జడ్జి వరప్రసాద్ ఏసీబీకి చిక్కారు. వరప్రసాద్‌కు సంబంధించిన ఇళ్లల్లో సోదాలు నిర్వహించిన ఏసీబీ అధికారులు 3కోట్ల విలువైన అక్రమ ఆస్తులను గుర్తించారు. దీంతో హైకోర్టు ఆదేశాల మేరకు ఏసీబీ అధికారులు ఆయనపై కేసు నమోదు చేశారు. మేజిస్ట్రేట్ ఆయనకు 14 రోజుల రిమాండ్ విధించడంతో చంచల్‌గూడ జైలుకు తరలించారు. 

స్టార్ క్యాంపేయినర్లకు ఈసీ షరతులు

Submitted by arun on Thu, 11/15/2018 - 10:57

ఎన్నికలు వచ్చాయంటే చాలు స్టార్ క్యాంపేనర్లు తెరపైకి వస్తుంటారు తమకున్న షరిష్మ వాగ్దాటి. పదునైన మాటలతో అభ్యర్ధుల తరపున ప్రచారంలో ఆకట్టుకుంటారు. అయితే ఈసారి ఎన్నికల్లో స్టార్ కాంపేనర్లు ఈసీ కొత్తగా సూచనలు జారీ చేసింది. అనుమతి పొందిన తర్వాతే  క్షేత్రస్థాయిలో ప్రచారంలోకి వెళ్లాలంటోంది.

కాసేపట్లో కాంగ్రెస్ థర్డ్ లిస్ట్ విడుదల

Submitted by arun on Thu, 11/15/2018 - 10:44

తెలంగాణలో కాంగ్రెస్ థర్డ్ లిస్ట్‌ విడుదలకు రంగం సిద్ధమైంది. కాసేపట్లో ఏఐసీసీ ఇన్‌చార్జి సెక్రటరీలు, పీసీసీ చీఫ్ భేటీ అయి జాబితాను ఖరారు చేయనున్నారు. ఇప్పటిదాకా విడుదలైన జాబితాల్లో కొందరు సీనియర్ల పేర్లు కనపించలేదు. ముఖ్యంగా జనగామ, తుంగతుర్తి, సనత్‌నగర్, ఎల్‌బి.నగర్‌లలో అభ్యర్థులపై క్లారిటీ రాలేదు. దీంతో ఇప్పటికే టిక్కెట్టు రాని సీనియర్లు ఉత్కంఠగా ఎదురు చూస్తున్నారు. 

మహా కూటమిలో మళ్లీ మొదటికొచ్చిన సీట్ల పంచాయతీ

Submitted by arun on Thu, 11/15/2018 - 10:32

కూటమిలో సీట్ల పంచాయతీ మళ్లీ మొదటికొచ్చింది. తెలంగాణ జనసమితికి కేటాయించే సీట్లపై కాంగ్రెస్‌ క్లారిటీ ఇవ్వకపోవడంతో తాము పోటీ చేయబోయే 12 స్థానాలను టీజేఎస్‌ సొంతంగా ప్రకటించుకుంది. అంతేకాదు ఈ 12 నియోజకవర్గాల్లో ఫ్రెండ్లీ ఫైట్‌‌కు ఛాన్సే లేదని టీజేఎస్‌ ఖరాఖండిగా తేల్చిచెప్పింది. పైగా తాము ప్రకటించుకున్న సీట్లే టీజేఎస్‌ అధికారిక జాబితా అంటూ ప్రకటించింది.