sand mafia

టీఆర్ఎస్‌ను వణికిస్తోన్న ఇసుక తుఫాన్

Submitted by arun on Tue, 01/09/2018 - 13:35

తెలంగాణలో ఇసుక వివాదం అధికార పార్టీని ఉక్కిరిబిక్కిరి చేస్తోంది. నేరెళ్ల ఘటన ముగియక ముందే కాంభాపూర్‌లో వీఆర్‌ఏ సాయిలు హత్య జరగడం ఆ పార్టీ నేతలకు మింగుడు పడటం లేదు. ఇసుక  మాఫియా ఆగడాలు మితిమీరుతున్నాయన్నా ప్రభుత్వం పట్టించుకోవడం లేదన్న అపవాదును మోయాల్సి వస్తుందని ఆవేదన చెందుతున్నారు. ఇసుక వివాదం టీఆర్ఎస్ పార్టీని కలవరపెడుతోంది. ఇసుక మాఫియా ఆగడాలు ఒక్కొక్కటిగా బయటపడుతుండటంతో గులాబీ నేతలు ఇబ్బందులు పడుతున్నారు. ఇసుక  అక్రమ మైనింగ్‌ను అడ్డుకోవడంలో ప్రభుత్వం విఫలమవుతోందనే విమర్శలు తీవ్రమయ్యాయి.

ఇసుకాసురులను ఎప్పుడు వధిస్తారు?

Submitted by arun on Fri, 01/05/2018 - 16:08

తెలంగాణలో ఇసుక మాఫియా బరితెగింపుకు ఇంకా బ్రేకులు పడలేదు. ఇసుకాసురుల విజయ యాత్ర కొనసాగుతూనే ఉంది. కామారెడ్డి జిల్లాలో డ్యూటీలో ఉన్న వీఆర్ఏ ను ట్రాక్టర్ తో తొక్కించి మరీ ప్రాణాలు తీశారు. ఈ ఘటనతో ఊడలుదిగిన ఇసుకమాఫియా విశ్వరూపం మరోసారి సర్కారుకు సవాలు విసిరినట్టయింది.
 

వీఆర్ఏను ట్రాక్టర్‌తో తొక్కించి చంపిన ఇసుక మాఫియా..

Submitted by arun on Thu, 01/04/2018 - 17:19

కామారెడ్డి జిల్లాలో ఇసుక మాఫియా రెచ్చిపోయింది. అక్రమ ఇసుక రవాణాను అడ్డుకున్న వీఆర్ఏ సాయిలును ట్రాక్టర్‌తో తొక్కించేశారు. దీంతో అతను అక్కడికక్కడే మృతి చెందాడు. పిట్లం మండలం కారెగాంలో ఈ దారుణ ఘటన జరిగింది. వీఆర్ఏ సాయిలు మృతితో బంధువులు ఆందోళనకు దిగారు. ఇసుకు మాఫియాపై కఠిన చర్యలు తీసుకోవాలని డిమాండ్ చేస్తున్నారు. కంబాపూర్‌లోని కాకివాగు నుంచి కొన్ని రోజులుగా అక్రమ ఇసుక రవాణా జరుగుతోంది. ఇది తెలిసిన వీఆర్ఏ సాయిలు ట్రాక్టర్లను అడ్డుకున్నారు. మమ్మల్నే అడ్డుకుంటావా అంటూ ఇసుకాసురులు రెచ్చిపోయారు. వెంటనే అతనిపైకి ట్రాక్టర్ ఎక్కించేశారు.