YSR Congress Party

బుట్టా రేణుకపై అనర్హత వేటువేయాలి

Submitted by arun on Tue, 07/17/2018 - 17:06

టీడీపీలోకి ఫిరాయించిన ఎంపీ బుట్టా రేణుకను వైసీపీ డిప్యూటీ లీడర్‌గా అఖిలపక్ష సమావేశానికి ఆహ్వానించడమేంటని వైసీపీ విజయసాయిరెడ్డి ప్రశ్నించారు. ఎన్డీఏ నుంచి బయటికి వచ్చినా, టీడీపీ-బీజేపీ లాలూచీ ఇంకా కొనసాగుతుందని, కుమ్మక్కు  రాజకీయాలు కొనసాగుతున్నాయనడానికి ఇంతకంటే రుజువేంకావాలన్నారు. పార్టీ ఫిరాయింపులకు పాల్పడిన బుట్టా రేణుకపై అనర్హత వేటు వేయాలని కోరారు. మరోవైపు ఏపీకి ప్రత్యేక హోదాతో పాటు, విభజన హామీలను అమలు చేయాలని ప్రధాని సమక్షంలోనే విజయసాయిరెడ్డి కోరారు.

పీకే టీమ్ సూచనతో జగన్ ఎలర్ట్...హద్దు దాటితే...

Submitted by arun on Wed, 07/11/2018 - 12:46

వైసీపీ అధినేత జగన్ ఇప్పుడు రూటు మార్చారు.. నిత్యం చంద్రబాబుపై విమర్శలతో  దూసుకుపోతున్న జగన్ ఇప్పుడు హటాత్తుగా తన స్వరం మార్చుకున్నారు.. గళం సర్దుకున్నారు.. 

‘జగన్‌ను సీఎం చేసేందుకు ఎవరితోనైనా కలసి పనిచేస్తా’

Submitted by arun on Thu, 07/05/2018 - 16:47

బైరెడ్డి రాజశేఖర్‌రెడ్డి వారసుడు బైరెడ్డి సిద్ధార్థరెడ్డి వైసీపీలోకి చేరేందుకు రంగం సిద్ధం చేసుకున్నారు. రాజశేఖర్‌రెడ్డి తమ్ముడు కుమారుడు సిద్దార్థరెడ్డి వైసీపీలోకి వెళ్లేందుకు రెడీ అయ్యారు. సిద్ధార్థరెడ్డి ఈనెల 7న వైసీపీ తీర్థం పుచ్చుకోనున్నారు. ఆ పార్టీ అధ్యక్షుడు జగన్ సమక్షంలో ఆయన వైసీపీలో చేరనున్నారు. బైరెడ్డి రాజశేఖరరెడ్డితో విభేదాలు లేవని అన్నారు. జగన్‌ను సీఎం చేసేందుకు ఎవరితోనైనా కలసి పనిచేస్తానని సిద్దార్థరెడ్డి అన్నారు. చంద్రబాబు పాలనలో ప్రజలు ఇబ్బందులు పడుతున్నారని, నందికొట్కూరులో విచ్చలవిడిగా అవినీతి పెరిగిపోయిందని ఆయన విమర్శించారు. తనపై అక్రమ కేసులు బనాయించారన్నారు.

సొంత పార్టీ నేతలతో జగన్‌కు తలనొప్పులు...తన కుమారుడికి టికెట్‌ ఇవ్వాలని పట్టుబడుతోన్న...

Submitted by arun on Thu, 07/05/2018 - 10:54

ప్రజాసంకల్ప యాత్రలో రాజమండ్రి రోడ్‌ కమ్‌ రైల్వే బ్రిడ్జి మీదుగా తూర్పుగోదావరిలోకి గ్రాండ్‌ ఎంట్రీ ఇచ్చిన వైసీపీ అధినేత జగన్‌కు నేతల కుమ్ములాటలు తలనొప్పిగా మారాయి. 2019లో అధికారం దక్కాలంటే తూర్పులో అత్యధిక స్థానాలు కైవసం చేసుకోవాలనుకుంటోన్న జగన్‌‌‌కు ఇంటి పోరు ఇబ్బంది పెడుతోంది. ఎవర్నీ వదులుకోవడానికి సిద్ధంగాలేని జగన్‌‌ ఏదో ఒక పదవిచ్చి శాంతింపజేసేందుకు ప్రయత్నిస్తున్నట్లు తెలుస్తోంది

చంద్రబాబు ‘పీకే ముఖ్యమంత్రి’: వరప్రసాద్

Submitted by arun on Mon, 07/02/2018 - 15:27

ప్యాకేజీ కోసం చంద్రబాబు హోదాను తాకట్టు పెట్టారని విమర్శించారు తిరుపతి మాజీ ఎంపీ వరప్రసాద్. ముఖ్యమంత్రిగా ఉండటానికి చంద్రబాబుకు అర్హత లేదని.. అనంతపురం వంచనపై దీక్షపైలో మండిపడ్డారు. 60 ప్రభుత్వ సంస్థలను మూసేసిన చంద్రబాబును కచ్చితంగా ‘పీకే ముఖ్యమంత్రి’ అనొచ్చు అంటూ ధ్వజమెత్తారు మాజీ  ఎంపీ వరప్రసాద్. అధికారంలోకి వచ్చిన తర్వాత 10 లక్షల పింఛన్లు, మరో 10 లక్షల రేషన్ కార్డులు, 2 లక్షల కాంట్రాక్టు ఉద్యోగులను చంద్రబాబు తొలగించారన్నారు. ఆయన ఒక పిరికిపంద అని ఏ ఒక్కసారన్నా సొంతంగా ముఖ్యమంత్రి అయ్యారా అని ప్రశ్నించారు సింహం సింగిల్‌గా వస్తుంది..

సంచలనంగా మారిన బీజేపీ, వైసీపీ నాయకుల దృశ్యాలు

Submitted by arun on Fri, 06/15/2018 - 10:56

ఢిల్లీ పరిణామాలు.. ఏపీ రాజకీయాల్లో హీట్ పుట్టిస్తున్నాయ్. హస్తినలో బీజేపీ, వైసీపీ నేతలు మీట్ అయ్యారని టీడీపీ వాళ్లు ఆరోపిస్తున్నారు. అలాంటిదేమీ లేదని, అంతా అవాస్తవమేనని.. వైసీపీ నాయకులు కొట్టిపారేస్తున్నారు. అసలు ఢిల్లీలో ఏం జరిగింది. వాళ్లేం చేశారు.. వీళ్లేం చూశారు.. వాస్తవాలేంటి.?

 ఢిల్లీ దృశ్యాలే.. ఏపీ రాజకీయాలను ఒక్కసారిగా హీటెక్కించాయి. హస్తిన వేదికగా.. బీజేపీ, వైసీపీ నేతలు సమావేశమయ్యారన్న వార్తలు పొలిటికల్‌ హీట్ పెంచాయి. దీంతో.. బీజేపీ, వైసీపీ కుట్రలు చేస్తున్నాయన్న ఆరోపణలకు బలం చేకూరిందని టీడీపీ చెప్తోంది.

చంద్రబాబు నాలుగేళ్ల పాలనపై ఛార్జిషీట్ విడుదల చేసిన వైసీపీ

Submitted by arun on Fri, 06/08/2018 - 15:39

సీఎం చంద్రబాబు నాలుగేళ్ల పాలనపై వైసీపీ ఛార్జిషీట్ విడుదల చేసింది. వైసీపీ విడుదల చేసిన ఛార్జిషీట్, టీడీపీ మ్యానిఫెస్టోలను దగ్గర పెట్టుకుని సరిచూసుకోవాలని, ఇచ్చిన హామీలను నెరవేర్చకుండా ప్రజలను మభ్యపెడుతున్నారని వైసీపీ నేత ఉమ్మారెడ్డి వెంకటేశ్వర్లు విమర్శించారు. నాలుగేళ్ల చంద్రబాబు పాలనలో అభివృద్ధి శూన్యమని, అధికారంలోకి రాగానే రైతు రుణమాఫీ ఫైల్ పైనే తొలి సంతకం చేస్తానని బాబు ఊదరగొట్టారని ఎద్దేవా చేశారు. ఏపీకి ప్రత్యేకహోదా తెస్తామని చెప్పిన చంద్రబాబు చతికిల పడ్డారని, స్వామినాథన్ కమిషన్ సిఫార్సుల అమలు విషయమై కేంద్రంపై ఒత్తిడి తేలేక పోయారని అన్నారు.

జగన్ పై యువ హీరో సంచలన వాఖ్యలు..

Submitted by arun on Sat, 06/02/2018 - 11:25

ప్రజాసంకల్ప యాత్ర పేరుతో జగన్ తన పాదయాత్రను కొనసాగిస్తున్న సంగతి తెలిసిందే. కడప జిల్లా ఇడుపులపాయ నుండి శ్రీకాకుళం జిల్లా ఇచ్చాపురం వరకు జరగుతున్న ఈ పాదయాత్రలో జగన్ కు ప్రజల నుండి పెద్దఎత్తున మద్దతు లభిస్తుంది. అయితే సినీ ప్రముఖుల వద్ద నుండి కూడా జగన్ కు మద్దతు లభిస్తుంది. తాజాగా నటులు పోసాని కృష్ణమురళి, పృథ్వి రాజ్ పాదయాత్రలో కలిసి పాల్గొనగా జగన్ సీఎం అయ్యే ఛాన్స్ కనపడుతుందంటూ సూపర్ స్టార్ కృష్ణ అభివర్ణించాడు. అయితే జగన్ పాదయాత్రను కొనియాడడం ఇప్పుడు ఇంకో కుర్ర హీరో వంతయింది. 

కాంగ్రెస్‌కు పట్టిన గతే వైసీపీకి పడుతుంది : మంత్రి కొల్లు రవీంద్ర

Submitted by arun on Thu, 05/31/2018 - 13:07

కాంగ్రెస్‌కి పట్టిన గతే.. వైసీపీకి పడుతుందని మంత్రి కొల్లురవీంద్ర అన్నారు.. జగన్మోహన్ రెడ్డి పాదయాత్ర పేరుతో కల్లబొల్లి మాటలు చెప్పి పబ్బం గడుపుతున్నాడని ఆయన మండిపడ్డారు..  వైఎస్ రాజశేఖర్ రెడ్డి ప్రభుత్వం మత్స్యకారులకు తీవ్ర అన్యాయం చేసిందన్న కొల్లు రవీంద్ర.. సోంపేట, గంగవరం పోర్టు లో మత్స్యకారులపై జరిపిన కాల్పులను ఇంకా వారు మర్చిపోలేదన్నారు.. టీడీపీ ప్రభుత్వం మత్స్యకారులను అన్నివిధాలుగా ఆదుకుందని ఆయన పేర్కొన్నారు.

జగన్ సంచలన ప్రకటన

Submitted by arun on Thu, 05/31/2018 - 11:45

ప్రభుత్వ వైఫల్యాలను ఎండగట్టేందుకు, ప్రజల సమస్యలు తెలుసుకునేందుకు వైఎస్సార్‌సీపీ అధ్యక్షుడు, జననేత వైఎస్‌ జగన్‌మోహన్‌ రెడ్డి చేపట్టిన పాదయాత్ర లో జగన్ సంచలన ప్రకటన చేశారు. తమ పార్టీ అధికారంలోకి వస్తే ప్రతీ పేదవాడికి 10 వేల చొప్పున పింఛన్లు ఇస్తామంటూ హామీలు గుప్పించారు. అంతేకాదు ఉచితంగా ఆపరేషన్ చేయించడమేకాకుండా, ఇంటికి వచ్చి రెస్ట్ తీసుకున్న సమయంలో పేషెంట్‌కి ఉచితంగా డబ్బులు ఇస్తామని తెలిపారు.