TRS

నరాలు తెగే ఉత్కంఠకు తెరపడాలంటే...మరి కొన్ని గంటలు

Submitted by chandram on Mon, 12/10/2018 - 19:02

తెలంగాణ అసెంబ్లీ ఓట్ల లెక్కింపుకు ఏర్పాట్లు చకచకా జరుగుతున్నాయి. ఈనెల 11న 31 జిల్లా కేంద్రాల్లో ఓట్ల లెక్కింపు జరగనుంది. ఆ రోజు మధ్యాహ్నం 12 గంటల నుంచి వరుసగా నియోజకవర్గాల ఫలితాలు వెల్లడికానున్నాయి. మధ్నాహ్నం 2.15 గంటలకు అన్నింటి లెక్కింపు పూర్తయ్యే అవకాశం ఉంది. మొదట్లో చార్మినార్ ఫలితం, చివర్లో యాకుత్ పుర ఫలితాలు రానున్నాయి. తెలంగాణలో అసెంబ్లీ  ఓట్ల లెక్కింపుకు సన్నాహాలు మొదలయ్యాయి. ఈనెల 11న 31 జిల్లా కేంద్రాల్లో ఓట్ల లెక్కింపు జరగనుంది. ఇందుకోసం 44 కేంద్రాలను సిద్ధం చేశారు.  రాష్ట్రవ్యాప్తంగా ఏర్పాటైన 44 లెక్కింపు కేంద్రాల్లో అత్యధికంగా హైదరాబాద్‌లో 13 ఉన్నాయి.

కాంగ్రెస్‌పై టీఆర్‌ఎస్ సంచలన ఆరోపణలు...తమ అభ్యర్ధులను అప్పుడే...

Submitted by arun on Mon, 12/10/2018 - 17:36

కౌంటింగ్‌కి ముందే తెలంగాణ రాజకీయాలు హీటెక్కుతున్నాయి. మరికొన్ని గంటల్లో ఫలితాలు వెలువడనుండగా, అప్పుడే రాజకీయ పరిణామాలు చకచకా మారిపోతున్నాయి. కౌంటింగ్‌కి ముందే కాంగ్రెస్‌ పార్టీ ప్రలోభాలకు తెరలేపిందంటూ టీఆర్‌ఎస్‌ సంచలన ఆరోపణలు చేసింది. ‎ఓడిపోతామని ముందే పసిగట్టిన కాంగ్రెస్‌ నేతలు టీఆర్‌ఎస్‌ ఎమ్మెల్యేలను కొనేందుకు అప్పుడే బేరాలు మొదలుపెట్టారని ఆరోపించారు. లగడపాటి సర్వేతో గందరగోళానికి గురిచేసి ఎమ్మెల్యేలను కొనేందుకు ప్రయత్నం చేస్తున్నారని మండిపడ్డారు.

నాగర్‌ కర్నూలు టీఆర్‌ఎస్‌ అభ్యర్ధి సంచలన వ్యాఖ్యలు...టీఆర్‌ఎస్‌ ఎమ్మెల్యేలను కొనేందుకు ...

Submitted by arun on Mon, 12/10/2018 - 16:08

నాగర్‌ కర్నూలు టీఆర్‌ఎస్‌ అభ్యర్ధి మర్రి జనార్దన్‌రెడ్డి సంచలన వ్యాఖ్యలు చేశారు. టీఆర్‌ఎస్‌ ఎమ్మెల్యేలను కొనేందుకు అప్పుడే బేరాలు మొదలుపెట్టారని ఆరోపించారు. చేవెళ్ల ఎంపీ విశ్వేశ్వర్‌రెడ్డి తనకు ఫోన్ చేశారన్న మర్రి జనార్దన్‌రెడ్డి కాంగ్రెస్‌కు మద్దతు ఇవ్వాలని కోరారన్నారు. జానారెడ్డి ఇంట్లో మీటింగ్‌ పెట్టిన విశ్వేశ్వర్‌రెడ్డి తనను రమ్మని పిలిచారని  మర్రి జనార్దన్‌రెడ్డి వెల్లడించారు. చంద్రబాబు డైరెక్షన్‌లో కాంగ్రెస్‌ నేతలు పనిచేస్తున్నారన్న మర్రి జనార్దన్‌రెడ్డి ఓటుకు నోటు తరహాలో టీఆర్‌ఎస్‌ ఎమ్మెల్యేల కొనుగోళ్లకు తెరలేపారని సంచలన ఆరోపణలు చేశారు.

తెలంగాణలో ప్రజాకూటమిదే విజయం: చినరాజప్ప

Submitted by chandram on Mon, 12/10/2018 - 15:48

తెలంగాణలో ప్రజాకూటమి విజయం సాధిస్తుందని ఏపీ ఉపముఖ్యమంత్రి చినరాజప్ప అన్నారు. తెలంగాణలో ఓటింగ్‌ పెరగడం ప్రజాకూటమికి అనుకూలమన్నారు.  చంద్రబాబు ప్రచారంతో ప్రజల్లో భరోసా వచ్చిందన్న ఆయన  ప్రజల సంక్షేమం కోసం తపన పడే వ్యక్తి చంద్రబాబు అన్నారు. సోమవారం ఆయన కర్నూలులో మీడియా సమావేశం నిర్వహించారు ఈ సందర్భంగా చినరాజప్ప వ్యాఖ్యనించారు. రాష్ట్రంలో మైనారిటీలకు ముఖ్యమంత్రి చంద్రబాబు పెద్దపీట వేశారని డిప్యూటీ సీఎం చినరాజప్ప అన్నారు. రెండు తెలుగు రాష్ట్రాలను అణగదొక్కాలని బీజేపీ ప్రయత్నిస్తోందని విమర్శించారు. 

కేసీఆర్‌తో భేటీపై అసదుద్దీన్‌ ఒవైసీ ఆసక్తికర వ్యాఖ్యలు

Submitted by arun on Mon, 12/10/2018 - 13:07

అసదుద్దీన్‌ ఒవైసీ ఆసక్తికరమైన వ్యాఖ్యలు చేశారు. కాసేపట్లో కేసీఆర్‌తో సమావేశం కానున్న నేపథ్యంలో ఆయన ట్వీట్‌ చేశారు. తెలంగాణ రాష్ట్రానికి కాబోయే ముఖ్యమంత్రి కేసీఆర్‌ను మధ్యాహ్నం ఒంటి గంటా 30 నిముషాలకు కలబోతున్నట్లు తెలిపారు. దేవుడి దయతో కేసీఆర్‌ తన సొంత మెజార్టీతో ప్రభుత్వాన్ని ఏర్పాటు చేస్తారని ఆశాభావం వ్యక్తం చేశారు. కేసీఆర్‌కు మజ్లీస్‌ అండగా ఉంటుందని తెలిపారు. దేశ నిర్మాణంలో తమ కలయిక తొలి అడుగుగా ఒవైసీ అభివర్ణించారు. 
 

విజయంపై అన్ని పార్టీల్లో విశ్వాసం...తమదే గెలుపు అంటున్న...

Submitted by arun on Mon, 12/10/2018 - 12:03

ఎవరి విశ్వాసం వారిది..? ఎవరి ధీమా వారిది..? ఎవరూ ఎక్కడా తగ్గడం లేదు. రెండు వర్గాలూ బలమైన నమ్మకాన్ని వ్యక్తం చేస్తోంది. మేం విజయం సాధిస్తున్నామని అని ఒకరంటే గెలుపు సంబరాలకు సిద్ధంగా ఉన్నామని మరో పార్టీ లీడర్‌ అంటున్నారు. దీంతో విజయమాల ఎవరి మెడలో పడుతుంది..? విజయలక్ష్మి ఎవరిని వరిస్తుంది..? తెలంగాణ వారినే కాదు తెలుగు ప్రజల మెదడును తొలుస్తున్న ఈ ప్రశ్నలకు సమాధానం మరికొన్ని గంటల్లోనే రానుంది. 

కేసీఆర్‌కు రెండు ఓట్లు ఎలా ఉంటాయ్‌: రేవంత్‌ రెడ్డి

Submitted by arun on Mon, 12/10/2018 - 11:33

తెలంగాణలోని రెండు ప్రాంతాల్లో కేసీఆర్ కు ఓటు హక్కు ఉందని ఆయనపై వెంటనే చర్యలు తీసుకోవాలని టీకాంగ్రెస్ నేత రేవంత్ రెడ్డి డిమాండ్ చేశారు. ఎర్రవల్లి, చింతమడక గ్రామాల్లో కేసీఆర్ ఓటు హక్కు నమోదు చేసుకున్నారని, రెండు ప్రాంతాల్లో ఆయన ఎలా నమోదు చేసుకుంటారని ప్రశ్నించారు. దీనిపై ఎన్నికల సంఘానికి ఫిర్యాదు చేస్తామని, కేసీఆర్ పై చర్యలు తీసుకోవాలని డిమాండ్ చేశారు.

దీటుగా దడ పుట్టిస్తున్న రెబల్స్ ? ఎన్నికల్లో చక్రం తిప్పబోతున్నారా?

Submitted by chandram on Sun, 12/09/2018 - 14:38

తెలంగాణ ఎన్నికల్లో స్వతంత్రులు చక్రం తిప్పబోతున్నారా..? హంగ్ అసెంబ్లీ ఏర్పడవచ్చన్న కొన్ని అంచనాల నేపథ్యంలో రాజకీయ పార్టీలు ఇండిపెండెంట్స్‌కు గాలం వేయడం మొదలు పెట్టేశాయా..? ఎన్నికల ఫలితాల వెల్లడికి ముందే బేరసారాలు ప్రారంభమయ్యాయా? డబ్బులు, కీలక పదవులపై స్వతంత్రులకు ప్రధాన పార్టీలు హామీ ఇచ్చేశాయా..? 

ఎగిరేది టీఆర్ఎస్ జెండా.. 100 స్థానాలు ఖాయం: కేటీఆర్

Submitted by chandram on Sun, 12/09/2018 - 09:26

దాదాపు 100 స్థానాల్లో గెలుపు తమదేనని, మళ్లీ ప్రభుత్వాన్ని ఏర్పాటు చేయబోతున్నామని  టీఆర్ఎస్ అగ్రనేత కేటీఆర్ మరోసారి ధీమా వ్యక్తం చేశారు.   తెలంగాణ ఎగ్జిట్ పోల్స్ లో అంచనా వేసిన దాని కంటే కూడా తమకు ఎక్కువ స్థానాలు వస్తాయని, 2/3 మెజారిటీతో అధికారంలోకి రాబోతున్నామని కేటీఆర్ అన్నారు. ప్రజలు పెద్ద ఎత్తున ఓటింగ్ లో పాల్గొనడమే ఒక నిశ్శబ్ద విప్లవానికి, చైతన్యానికి, ఏకపక్షంగా ప్రజలు ఇవ్వబోయే తీర్పుకు ఇది సంకేతం కాబోతోందన్నది తమ విశ్వాసమని అన్నారు. డిసెంబర్ 11న సంబరాలు చేసుకునేందుకు టీఆర్ఎస్ కార్యకర్తలు సిద్ధంగా ఉండాలని అన్నారు.

గెలుపు ధీమాలో ఇరు పార్టీల హోరాహోరి.. గెలుపు ఎవరిని వరిస్తోందో?

Submitted by chandram on Sun, 12/09/2018 - 09:21


తెలంగాణ ఎన్నికల ఘట్టం ముగిసింది. అభ్యర్థుల భవితవ్యం స్ట్రాంగ్ రూమ్ ల్లోకి చేరింది. గెలుపుపై ఎవరికి వారు ధీమాలో ఉన్నారు. తమ మ్యాజిక్ ఫిగర్ ఇదంటూ ప్రకటిస్తున్నారు. సంబరాలకు సిద్ధంగా ఉండాలంటూ కేటీఆర్ పిలుపునివ్వగా 12న ప్రభుత్వం ఏర్పాటు చేయబోతున్నట్లు ఉత్తమ్ వెల్లడించారు. ఓ వైపు ఎగ్జిట్ పోల్ సర్వేలు మరోవైపు స్ట్రాంగ్ రూమ్ లకు చేరిన ఈవీఎంలు గెలుపుపై పార్టీలు ఎవరి ధీమాలో వారు ఉన్నారు. తమ మ్యాజిక్ ఫీగర్ ఇదంటూ పార్టీలు ప్రకటించుకుంటున్నాయి. స్ట్రాంగ్ రూమ్ లకు చేరిన ఈవీఎంలపై పార్టీలు ఓ కన్నేసి ఉంచాయి. 11న జరిగే కౌంటింగ్ అభ్యర్థుల భవితవ్యం తేల్చనున్నాయి.