TRS

బైక్‌పై నుంచి పడిపోయిన తెలంగాణ స్పీకర్‌

Submitted by arun on Thu, 08/16/2018 - 09:58

బైక్‌ అదుపుతప్పి స్పీకర్‌ మధుసూదనాచారి కిందపడి పోయారు. ఈ ఘటన వరంగల్‌ రూరల్‌ జిల్లా శాయంపేట మండల కేంద్రం శివారులో మంగళవారం జరిగింది. పల్లె ప్రగతి నిద్ర కార్యక్రమంలో భాగంగా స్పీకర్‌ సోమవారం రాత్రి శాయంపేట మండల కేంద్రంలో నిద్రించారు. మంగళవారం ఆరెపల్లి గ్రామానికి బైక్‌ ర్యాలీ నిర్వహించారు. ఎదురుగా వస్తున్న ఎడ్ల బండిని తప్పించే క్రమంలో బైక్ అదుపు తప్పింది. దీంతో, మధుసూదనాచారి కిందపడిపోయారు. వెంటనే అప్రమత్తమైన ఆయన సెక్యూరిటీ సిబ్బంది మధుసూదనాచారిని పైకి లేపారు. ఈ ప్రమాదంలో ఆయనకు స్వల్ప గాయాలయ్యాయి. ఈ సంఘటన అనంతరం, మధుసూదనాచారి తన ర్యాలీని కొనసాగించడం కొసమెరుపు.
 
 

టీఆర్‌ఎస్ రాష్ట్ర కార్యవర్గ సమావేశం ప్రారంభం

Submitted by arun on Mon, 08/13/2018 - 17:12

వచ్చే ఎన్నికలకు పార్టీని సన్నద్ధం చేసే లక్ష్యంగా కేసీఆర్‌ పార్టీ రాష్ట్రకార్యవర్గ సమావేశం నిర్వహిస్తున్నారు. కేసీఆర్‌ అధ్యక్షతన తెలంగాణ భవన్‌లో సమావేశం జరుగుతోంది. పార్టీ నిర్వహించిన సర్వే ఫలితాల ఆధారంగా ప్రజాప్రతినిధులను అప్రమత్తం చేయడంతో పాటు పార్టీ ప్రతిష్ఠాత్మక కార్యక్రమాల నిర్వహణ, విస్తృత స్థాయి ప్రచారం లక్ష్యంగా ఈ సమావేశాన్ని నిర్వహిస్తున్నట్లు తెలిసింది. ముందస్తు అయినా, గడువు మేరకు అయినా ఎన్నికలెప్పుడొచ్చినా సిద్ధంగా ఉండాలని పార్టీ నేతలకు కేసీఆర్‌ దిశా నిర్దేశం చేయనున్నారు.

రాహుల్ టూర్‌కి టీఆర్ఎస్ కౌంటర్ ప్లాన్

Submitted by arun on Mon, 08/13/2018 - 14:24

టీఆర్‌ఎస్‌ రాష్ట్ర కమిటీ సమావేశం ఇవాళ మధ్యాహ్నం మూడున్నరకి తెలంగాణ భవన్‌లో జరగబోతోంది. ముఖ్యమంత్రి కేసీఆర్‌ అధ్యక్షతన జరిగే ఈ భేటీకి పార్టీ రాష్ట్ర కమిటీ సభ్యులను ఆహ్వానించారు. అయితే రాహుల్ పర్యటన సమయంలోనే టీఆర్‌ఎస్‌ రాష్ట్ర కమిటీ సమావేశం ఏర్పాటు చేయడం విశేషం. ఈ భేటీ తర్వాత కేసీఆర్ కొన్ని కీలక ప్రకటనలు చేసే అవకాశం ఉన్నట్లు తెలుస్తోంది. అసెంబ్లీ ముందస్తు ఎన్నికలకు సీఎం కేసీఆర్‌ మొగ్గు చూపుతున్నారనే ప్రచారం నేపథ్యంలో ఈ సమావేశాన్ని నిర్వహిస్తుండటం రాజకీయ వర్గాల్లో ఆసక్తిని రేకెత్తిస్తోంది. నిజానికి టీఆర్‌ఎస్‌ కార్యవర్గ భేటీ ఫెడ్యూల్ ప్రకారం ఇవాళ లేదు.

Tags

ఇద్దరూ ..ఇద్దరే...గెలుపే లక్ష్యంగా వ్యూహాలు

Submitted by arun on Sat, 08/11/2018 - 10:26

వచ్చే ఎన్నికల్లో గెలుపే లక్ష్యంగా తన వ్యూహాలకు పదను పెడుతున్నారు గులాబీ బాస్ అందులో బాగంగా ఉత్తర తెలంగాణ లో కేటిఆర్ ,దక్షణ తెలంగాణ హరిష్ రావు పార్టీ బలోపేతం కోసం ఈ ఇద్దరు మంత్రులకు  భాద్యతలు అప్పగించారు ముఖ్యంత్రి కేసిఆర్ దీంతో ఇప్పుడు  ఈ ఇద్దరు వరుస పర్యటనలతో  క్యాడర్ ను ఉత్తాహా పరుస్తు గులాబీ నేతల్లో జోష్ నింపుతున్నారు.  

ముసుగులు తొలగిపోయాయ్..2019లో ఎవరు ఎవరెవరితో ...

Submitted by arun on Fri, 08/10/2018 - 11:35

నిన్నటి రాజ్యసభ డిప్యూటీ ఛైర్మన్ ఎన్నిక 2019 ఎన్నికల తీరును కళ్లకు కడుతోందా?  ఇన్నాళ్లూ గుంభనంగా వ్యవహరించిన పార్టీలన్నీ రాజ్యసభ డిప్యూటీ ఛైర్మన్ ఎన్నిక సందర్భంగా తమ వైఖరిని బయటపెట్టక తప్పలేదా?2019లో యూపీఏ వర్సెస్ ఎన్డీఏ యుద్ధంలో ప్రాంతీయ పార్టీలలో ఏ పార్టీ ఎటువైపు? ఈ అంశంపై క్లారిటీ వచ్చిందా?

సవతితల్లి ప్రేమలా...

Submitted by arun on Thu, 08/09/2018 - 17:03

తెలంగాణపై కేంద్రం ప్రభుత్వం యొక్క తీరు,

సవతితల్లి ప్రేమలా చూస్తున్నారు,ఎన్ని సార్లు అడిగిన ,

రక్షణ శాఖ భూములను బదలాయించరు వీరు,

అని నిరసిస్తూ ఎంపీ లోక్‌సభలో మాట్లాడారు. శ్రీ.కో

ఎన్నికల ముందు గులాబీ దళంలో గ్రూపుల గుబులు

Submitted by arun on Fri, 08/03/2018 - 13:47

పాత కొత్త నేతల మధ్య దూరం టిఆర్ఎస్ లో దుమారం రేపుతోంది. దీనికితోడు పార్టీలో విచ్చలవిడిగా గ్రూపులు పెరిగి పోతున్నాయి. సార్వత్రిక ఎన్నికలకు సమయం దగ్గర పడుతుండడంతో గ్రూప్ రాజకీయాలు తలనొప్పిగా మారాయి. నోరు జారుతున్న ఎమ్మెల్యేలను కంట్రోల్ చేయటంతో పాటు నియోజకవర్గ స్థాయి గొడవలను పరిష్కరించే బాధ్యత మంత్రులకు అప్పగించినట్లు తెలుస్తోంది.

ఉమ్మడి ఆదిలాబాద్ టీఆర్ఎస్ లో చిచ్చు...ఎమ్మెల్యేలు, ఎంపీల మధ్య ఎడ తెగని వార్

Submitted by arun on Fri, 08/03/2018 - 10:54

ఆదిలాబాద్ జిల్లా టిఆరెస్ పార్టీలో అంతర్గత విభేదాలు పార్టీ పరువు తీసేస్తున్నాయి ఎమ్మెల్యేలు వర్సెస్ ఎంపీల మధ్య అంతర్గత గొడవలు ముదిరి కార్యకర్తలకు తలనొప్పులు తెస్తున్నాయి. నియోజక వర్గంలో ఎమ్మెల్యే, ఎంపీల తీరు ఎడమొఖం, పెడమొఖంగా ఉండటంతో మధ్యలో కార్యకర్తలు నలిగిపోతున్నారు. ఈ సమస్యను పార్టీ అధిష్టానం పట్టించుకోకపోతే పార్టీకే నష్టమని ఆందోళన పడుతున్నారు.

టీఆర్ఎస్ లో మొదలైన టిక్కెట్ల లొల్లి

Submitted by arun on Thu, 07/26/2018 - 11:35

టీఆర్ఎస్ లో అప్పుడే టికెట్ల లొల్లి షురూ అయ్యింది. ఒకే నియోజ‌క‌వ‌ర్గంలో టికెట్ల కోసం పోటీ పడుతున్న నేత‌లు బ‌హిరంగ విమ‌ర్శలకు దిగుతున్నారు.  సిటింగ్ ల సీట్లపై ఆశావహులు కండువా పరుస్తుంటే సిటింగ్ లు మండిపడుతున్నారు. ఒక‌రికి తెలియ‌కుండా ఒక‌రు నియోజ‌క‌ వ‌ర్గాల్లో పార్టీ కార్యాల‌యాలు ఓపెన్ చేసి స‌వాల్ విసురుకుంటున్నారు. ఇంకొంద‌రు బ‌హిరంగంగా తిట్లు, విమర్శలకే దిగుతున్నారు.

ప్రత్యేక హోదా అంటే ఏమిటో నిర్వచించండి?

Submitted by arun on Fri, 07/20/2018 - 17:01

తెలంగాణ ప్రజలు బీజేపీని క్షమించరని టీఆర్ఎస్ ఎంపీ వినోద్ అన్నారు. అవిశ్వాస తీర్మానంపై చర్చ సందర్భంగా వినోద్ ఏపీలో కలిపిన ఏడు మండలాల గురించి ప్రస్తావించారు. మోడీ ప్రభుత్వం రాజ్యాంగ విరుద్ధంగా ఖమ్మం జిల్లాలోని ఏడు మండలాలను ఆంధ్రప్రదేశ్ లో విలీనం చేసిందని విమర్శించారు. ఏడు మండలాలను ఆంధ్ర ప్రదేశ్ లో కలపకపోతే ముఖ్యమంత్రిగా ప్రమాణం చేయబోనని చంద్రబాబు చెప్పారనీ ఆయన ఒత్తిడి వల్లే ప్రధాని మోడీ స్వయంగా చొరవ తీసుకుని ఆ ఏడు మండలాలను ఏపీలో విలీనం చేశారని గుర్తు చేశారు.