Tweet

టచ్ చేసి చూడు అర్థపర్థంలేని యాక్షన్ డ్రామా: కత్తి

Submitted by arun on Fri, 02/02/2018 - 16:14

రెండేళ్ల గ్యాప్ త‌రువాత రాజా ది గ్రేట్ తో హిట్ కొట్టిన మాసామ‌హ‌రాజ త‌నకు అచ్చొచ్చిన పోలీస్ పాత్రల‌తో అల‌రిస్తున్నాడు. అయితే విక్ర‌మ్ సిరికొండ డైర‌క్ష‌న్ లో ప‌వ‌ర్ ఫుల్ ఆఫీస‌ర్ పాత్ర‌లో ట‌చ్ చేసి చూడు సినిమాతో ప్రేక్ష‌కుల ముందుకు వ‌చ్చాడు. విక్రమ్ సిరికొండ ద‌ర్శక‌త్వం వ‌హించిన ఈ సినిమాలో రవితేజ సరసన రాశీఖ‌న్నా, సీర‌త్ క‌పూర్ హీరోయిన్లుగా నటించారు. ఈ సినిమా నేడు(శుక్రవారం) ప్రేక్షకుల ముందుకు వచ్చింది. కత్తి మహేష్ ఈ సినిమాపై రివ్యూ ఇచ్చేశారు. సినిమా చాలా దారుణంగా ఉందంటూ మహేష్ రివ్యూలో పేర్కొన్నారు.
 

తంత్రం లేని సేనాని.. యుద్ధం లేని సైన్యం: కత్తి మహేష్

Submitted by arun on Mon, 01/29/2018 - 14:29

జనసేన అధినేత పవన్ కల్యాణ్ చలో రే చల్ అంటూ ప్రజాక్షేత్రంలో దూసుకుపోతున్నారు. ఇరు తెలుగు రాష్ట్రాల్లో పర్యటిస్తూ ప్రజా సమస్యలపై దృష్టి పెడుతున్నారు. 2019 వరకూ సినిమాలను సైతం పక్కనపెట్టాలనే యోచనలో ఉన్నట్టు తెలుస్తోంది. ఈ పర్యటనకు పవన్ ఫ్యాన్స్, జనసేన కార్యకర్తలు హాజరై ఘన స్వాగతం పలుకుతున్నారు. ” తంత్రం లేని సేనాని, యుద్ధం లేని సైన్యం…సమస్య ఇంకా బేసిక్ లేవెల్లోనే ఉంది..ఇప్పటికీ ఆలస్యం కాలేదు. ఏదో ఒకటి చేయొచ్చు. కరువు యాత్ర దాటి పచ్చటి పొలాల వైపు వచ్చేలోగా ఎంతో కొంత మార్చొచ్చు ” అంటూ ట్వీట్ చేశాడు.

పూనమ్ ట్వీట్ ఎవ‌రిని ఉద్దేశించి..?

Submitted by arun on Mon, 01/29/2018 - 11:42

ఎవరి గురించి మాట్లాడిందో తెలియదుగానీ, నటి పూనం కౌర్ సంచలన వ్యాఖ్యలనే చేసింది. "డబ్బుల కోసం మారిపోయిన సిద్ధాంతాలు... మీ అస్తిత్వం ఏంటి? అవసరాల కోసం మారిపోయిన నిజాయతీ... నీ గుణం ఏంటి?" అని ప్రశ్నించింది. ప‌వ‌ర్‌స్టార్ ప‌వ‌న్ క‌ల్యాణ్ అభిమానుల వ‌ల్ల క‌త్తి మ‌హేష్‌.. అత‌ని వ‌ల్ల హీరోయిన్ పూన‌మ్ కౌర్ ఒక్క‌సారిగా లైమ్‌లైట్‌లోకి వ‌చ్చిన విష‌యం తెలిసిందే. ప‌వ‌న్‌, పూన‌మ్ గురించి క‌త్తి మ‌హేష్ సంధించిన ప్ర‌శ్న‌లు, వాటికి స్పంద‌న‌గా పూన‌మ్ చేసిన ట్వీట్లు సంచ‌ల‌నం సృష్టించాయి. ఆ వివాదం ఎలాగోలా స‌ద్దుమ‌ణిగింది. తాజాగా పూన‌మ్ చేసిన ఓ ట్వీట్ సంచ‌ల‌నంగా మారింది.
 

పవన్‌ను హీరో అనుకోవడం మానేయండి: హైపర్ ఆది

Submitted by arun on Sat, 01/20/2018 - 11:50

పవర్ స్టార్ పవన్ కల్యాణ్ అభిమానులకు జబర్దస్త్ కమెడియన్ హైపర్ ఆది ఓ ట్విట్టర్ సందేశం ఇచ్చాడు. అభిమానులను పవన్‌ను హీరోగా చూడొద్దని మన నాయకుడు అని మాత్రమే అనుకోండని సూచన చేశారు. గతంలో మహేష్‌కు, ఆదికి మధ్య కూడా వివాదం జరిగిన విషయం తెలిసిందే. అయితే తాజాగా మహేష్ విషయంలో ఇన్వాల్వ్ కావొద్దని పరోక్షంగా పవన్ అభిమానులకు హైపర్ ఆది తెలిపాడు. ‘మీ అడుగులు ఇక మంచి కోసం వేయండి. రాజకీయంలో 100మంది 100 రకాలుగా మాట్లాడుతారు అందరినీ చూడాలి.. నవ్వుకోవాలి.. వదిలేయాలి. ఆయన ఇప్పుడు ప్రజల మనిషి మన హీరో అనుకోవడం మానేయండి మన నాయకుడు అని మాత్రమే అనుకోండి.’ అంటూ ఆది ట్వీట్ చేశాడు.

క‌త్తి మ‌హేష్ మ‌రో ట్వీట్‌!

Submitted by arun on Sat, 01/13/2018 - 11:51

ఇటీవలి కాలంలో ప‌వ‌న్‌ క‌ల్యాణ్ పై, ఆయన అభిమానులపై విమర్శలతో విరుచుకుపడి, నాలుగైదు రోజులుగా సైలెంట్‌ గా ఉన్న సినీ విశ్లేషకుడు క‌త్తి మ‌హేష్ తాజాగా మ‌రో ట్వీట్ చేశాడు. జనవరి 15 వరకూ సైలెంట్ గా ఉంటే ఆ తరువాత సమస్య పరిష్కారం అవుతుందన్న నిర్మాత కోన వెంకట్ సలహాను పాటిస్తున్నానని చెప్పిన ఆయన, గత రాత్రి ఓ ట్వీట్ వదిలాడు. `ఖాళీ పాత్ర‌లే ఎక్కువ శ‌బ్దం చేస్తాయి. నిజాల కోసం జ‌న‌వ‌రి 16 వ‌ర‌కు ఆగండి` అని ట్వీట్ చేశాడు. కాగా, సంక్రాంతికి విడుద‌లైన `అజ్ఞాత‌వాసి`, `జైసింహా` సినిమాల‌పై క‌త్తి మ‌హేష్ రివ్యూలు ఇచ్చిన సంగ‌తి తెలిసిందే.

కాంగ్రెస్ ఎంపీని బ్లాక్ చేసిన సుష్మా స్వ‌రాజ్‌!

Submitted by arun on Fri, 12/29/2017 - 16:33

ఇరాక్‌లో త‌ప్పిపోయిన 39 మంది భార‌తీయుల గురించి మాటిమాటికి అడుగుతున్న కార‌ణంగా ట్విట్ట‌ర్‌లో కాంగ్రెస్ ఎంపీ ప్ర‌తాప్ సింగ్ బ‌జ్వా ఖాతాను, విదేశాంగ‌మంత్రి సుష్మా స్వ‌రాజ్ బ్లాక్ చేశారు. దీనికి సంబంధించిన స్క్రీన్‌షాట్‌ను షేర్ చేస్తూ ప్ర‌తాప్ సింగ్ అసంతృప్తి వ్య‌క్తం చేశారు.‘‘విదేశీ వ్యవహారాల మంత్రిత్వ శాఖను నడపవలసిన తీరు ఇదేనా? 39 మంది భారతీయులు ఇరాక్‌లో అదృశ్యమవడంపై ప్రశ్నించినందుకు బ్లాక్ చేయడం సుష్మా స్వరాజ్ గారి పని తీరును తెలియజేస్తోందా?’’ అని సింగ్ ట్వీట్ చేశారు.

నేను వస్తే పరిస్థితి మరోలా ఉంటుంది: పవన్‌కల్యాణ్

Submitted by arun on Sat, 12/23/2017 - 12:00

విశాఖలో మహిళపై దాడిని ఖండించారు జనసేన అధిపతి పవన్‌కల్యాణ్‌. బాధ్యులపై కఠిన చర్యలు తీసుకోవాలంటూ ట్విట్టర్‌లో స్పందించారు పవన్‌. తాను నేరుగా వస్తే ప్రభుత్వంపై ఒత్తిడి పెరుగుతుందన్న పవన్‌- బాధితురాలికి న్యాయం జరిగి తీరాల్సిందేనని వ్యాఖ్యానించారు. విశాఖలో మహిళపై దాడికి కులం రంగు పులుమొద్దన్నారు జనసేనాని. బాధ్యులపై కఠిన చర్యలు తీసుకోకుంటే... జనాల్లోకి తప్పుడు సంకేతాలు వెళ్తాయన్నారు. కారంచేడు, చుండూరు ఘటనలు పునరావృతం కాకుండా ప్రభుత్వం తక్షణమే స్పందించాలని కోరారు పవన్‌కల్యాణ్‌.