Andhrapradesh

సీఎం చంద్రబాబుపై ఎమ్మెల్యే రోజా ఫైర్

Submitted by nanireddy on Tue, 09/18/2018 - 19:14

ఏపీ సీఎం చంద్రబాబుపై వైసీపీ ఎమ్మెల్యే రోజా మరోసారి ఫైర్ అయ్యారు. నగరి నియోజకవర్గం కల్లూరులో పర్యటించిన రోజా.. 'రావాలి జగన్, కావలి జగన్' కార్యక్రమంలో పాల్గొన్నారు. అలాగే వైసీపీ అధికారంలోకి వస్తే నవరత్నాలను అమలుచేస్తామని ప్రజలకు వివరించారు. ఈ సందర్బంగా రోజా మాట్లాడుతూ.. నిత్యం ప్రజలను మోసం చేస్తూ అధికార దుర్వినియోగంతో చంద్రబాబు ప్రజల జీవితాల్లో చీకట్లు నింపారని ఆరోపించారు. కుమారుడు లోకేష్ ఆస్తులు పెంచుకుంటూ.. రాష్ట్రాన్ని 2.50 లక్షల కోట్ల అప్పుల ఊబిలోకి నెట్టారని ఆమె విమర్శించారు.

రాధాకు రెండు ఆప్షన్లు ఇచ్చాం.. అయినా కూడా..

Submitted by nanireddy on Tue, 09/18/2018 - 17:30

తమ పార్టీ వైసీపీలో వంగవీటి కుటుంబానికి ఎటువంటి అన్యాయం జరగదని, వంగవీటి కుటుంబానికి  తగిన గౌరవం, గుర్తింపు ఉంటాయని, ఆ పార్టీ రాష్ట్ర అధికారప్రతినిధి అంబటి రాంబాబు స్పష్టం చేశారు. ప్రస్తుతం రాధా అడుగుతున్న సీటులో అయన గెలుపు సాధ్యం కాకపోవచ్చని సర్వేలో  తేలింది. తద్వారా ఆయనకు మరోచోట సీటు కోరుకోవాలని అధిష్టానం సూచించిందన్నారు.  తమ పార్టీ అన్ని ఆలోచించే నిర్ణయం తీసుకున్నదని తెలిపారు. వంగవీటి రాధాకు అన్యాయం చేయలనే ఆలోచన తమ పార్టీకి గాని అధిష్టానానికి గాని లేదని అన్నారు. ఆయన గతంలో విజయవాడ ఈస్ట్‌ నుంచి గెలిచారని, అక్కడే ఆయన గెలుస్తారని అధిష్టానం భావిస్తుందన్నారు.

అధికారంలోకి రాగానే ఏపీకి హోదా ఇస్తాం: రాహుల్

Submitted by arun on Tue, 09/18/2018 - 15:59

కర్నూల్ బై రెడ్డి కన్వెన్షన్ సెంటర్ లో విద్యార్థులతో ముఖాముఖిలో పాల్గొన్న రాహుల్ అనేక అంశాలపై స్పష్టత ఇచ్చారు. విద్యార్ధులు అడిగిన పలు ప్రశ్నలకు సావధానంగా సమాధానాలు చెప్పారు. మోడీ ప్రభుత్వం కొంత మంది కార్పోరేట్ల కోసమే పని చేస్తోందని మండిపడ్డారు. ఉద్యోగాల కల్పన మోడీ ప్రభుత్వం పూర్తిగా వైఫల్యం చెందిందని రాహుల్ గాంధీ అన్నారు. ఏపీకి కేంద్రం నుంచి ప్రత్యేక సాయం అందాలని అభిప్రాయపడ్డారు. చైనాలో రోజుకు 50 వేల ఉద్యోగాల కల్పన జరుగుతుంటే భారత్‌లో కేవలం 450 ఉద్యోగాలు మాత్రమే లభిస్తున్నాయని రాహుల్ గుర్తుచేశారు. కాంగ్రెస్ అధికారంలో రాగానే ఏపీకి ప్రత్యేక హోదా ఇస్తామని హామీ ఇచ్చారు.

పాదయాత్రలో వైఎస్ జగన్‌ను కలిసిన ప్రముఖ నటుడు

Submitted by arun on Tue, 09/18/2018 - 15:28

ప్రముఖ టాలీవుడ్ నటుడు ఫిష్‌ వెంక‌ట్.. వైఎస్ జ‌గ‌న్‌ను క‌లిసి సంఘీభావం తెలిపారు. వైఎస్‌ జగన్‌మోహన్‌ రెడ్డి చేపట్టిన ప్రజాసంకల్పయాత్ర విశాఖపట్నం జిల్లాలో విజయవంతంగా కొనసాగుతోంది. 265వ రోజు మంగళవారం ఉదయం వైఎస్‌ జగన్‌.. భీమిలి నియోజకవర్గంలోని ఆనందపురం శివారు నుంచి పాదయాత్ర ప్రారంభించారు. మార్గ‌మ‌ధ్య‌లో వెంక‌ట్ వైఎస్ జ‌గ‌న్‌ను క‌లిసి మ‌ద్ద‌తు తెలిపారు.. ఈ సందర్భంగా జగన్‌తో కలిసి కొంత దూరం నడిచారు. కాగా.. సినీ రంగానికి చెందిన ప‌లువురు న‌టులు జ‌గ‌న్‌ను క‌లిసి ఇదివ‌ర‌కే మ‌ద్ద‌తు ప్ర‌క‌టించిన సంగతి తెలిసిందే.

వైసీపీపై వంగవీటి రాధా ఫైర్

Submitted by arun on Tue, 09/18/2018 - 14:56

వైసీపీ హైకమాండ్ పై ఆ పార్టీ నేత, మాజీ ఎమ్మెల్యే వంగవీటి రాధా తీవ్ర వ్యాఖ్యలు చేశారు. పార్టీ కోసం తాను ఎంతో కష్టపడ్డానని... అయినా తనకు తీవ్ర అన్యాయం చేశారని ఆవేదన వ్యక్తం చేశారు. విజయవాడ సెంట్రల్‌ సీటు మల్లాది విష్ణుకు కేటాయించారన్న వార్తల నేపథ్యంలో ఇవాళ తన సన్నిహితులతో రాధా సమావేశమయ్యారు. రాధాకు పార్టీ అన్యాయం చేసిందని రాధా వర్గీయులు ఈ సమావేశంలో అభిప్రాయపడ్డారు. ఐతే.. మూడు రోజులు ఓపిక పెట్టాలని వారికి రాధా సూచించారు. 'మనం ఇంకా పార్టీలోనే ఉన్నాం..అధిష్టానంతో మాట్లాడదాం' అని చెప్పారు. అధిష్టానంతో మాట్లాడిన తర్వాత నిర్ణయం తీసుకుందామని రాధా తెలిపారు.  

రోజాపై కామెంట్స్: టీడీపీ ఎమ్మెల్యేపై కేసు నమోదుకు హైకోర్టు ఆదేశం

Submitted by arun on Tue, 09/18/2018 - 13:26

వైసీపీ ఎమ్మెల్యే ఆర్కే రోజాపై అనుచిత వ్యాఖ్యలు చేసినందుకు టీడీపీ ఎమ్మెల్యే బోడె ప్రసాద్‌పై కేసు నమోదుకు హైకోర్టు ఆదేశించింది. తనపై అనుచిత వ్యాఖ్యలు చేసినందుకు పోలీసులకు ఫిర్యాదు చేసినా పట్టించుకోకపోవడంతో రోజా హైకోర్టును ఆశ్రయించారు. ఎమ్మెల్యే రోజా తరఫున న్యాయవాది పొన్నవోలు సుధాకర్‌రెడ్డి వాదనలు వినిపించారు. దీనిపై విచారణ జరిపిన హైకోర్టు బోడె ప్రసాద్‌పై కేసు నమోదు చేయాలని ఆదేశించింది. 

ఏపీలో నిరుద్యోగులకు గుడ్‌ న్యూస్...మొత్తం 20,010 పోస్టులను భర్తీకి రంగం సిద్ధం

Submitted by arun on Tue, 09/18/2018 - 12:32

ఏపీలో నిరుద్యోగులకు గుడ్‌ న్యూస్. రాష్ట్రంలో 20 వేలకు పైగా పోస్టుల భర్తీకి సీఎం చంద్రబాబు గ్రీన్ సిగ్నల్ ఇచ్చారు. గ్రూప్ 1, గ్రూప్ 2, గ్రూప్ 3, డిఎస్సీ, పోలీసు శాఖల సహా పలు శాఖల్లో మొత్తం 20, 010 ఖాళీల భర్తీకి సర్కార్ సిద్ధమైంది. ఏపీపీఎస్సీ, డిఎస్సీ ద్వారా ప్రత్యక్ష పద్ధతిలో ఈ ఖాళీలను భర్తీ చేయనున్నారు. 

ధర్మాబాద్ కోర్టుకు హాజరవడంపై చంద్రబాబు మంతనాలు..

Submitted by arun on Tue, 09/18/2018 - 09:48

నాన్ బెయిలబుల్ అరెస్ట్ వారంట్ వ్యవహారంలో చంద్రబాబు మంతనాలు జరుపుతున్నారు. ధర్మాబాద్ కోర్టుకు హాజరవ్వాలా వద్దా అనే అంశంపై అధికారులు, కీలక నేతలతో చర్చలు సాగిస్తున్నారు. నేడు మరోసారి చర్చించి తుది నిర్ణయం తీసుకొనే అవకాశం ఉంది.

కర్నూలు జిల్లాలో విషాదం...ప్రత్యేక హోదాకోసం బాలుడు సూసైడ్

Submitted by arun on Tue, 09/18/2018 - 09:18

కర్నూలు జిల్లాలో విషాదం చోటు చేసుకుంది. జలదుర్గంలో మహేంద్ర అనే 15 సంవత్సరాల యువకుడు ఆత్మహత్య చేసుకున్నాడు. ప్రత్యేక హోదా కోసమే ఆత్మహత్య చేసుకున్నట్టు సూసైడ్‌ నోట్‌ రాశాడు. మహేంద్ర ఆత్మహత్య విషయం తెలియడంతో ఏపీసీసీ చీఫ్‌ రఘువీరారెడ్డి, డోన్‌ మాజీ ఎమ్మెల్యే కోట్ల సుజాతమ్మ అతని కుటుంబ సభ్యులను పరామర్శించారు. 

విజయవాడ వైసీపీలో ముదురుతున్న సెంట్రల్ సీటు వివాదం

Submitted by arun on Tue, 09/18/2018 - 09:01

విజయవాడ వైసీపీలో అసమ్మతి సెగలు భగ్గుమన్నాయి. విజయవాడ సెంట్రల్ సీటు వంగవీటి రాధాకు కాకుండా మల్లాది విష్ణుకు కేటాయించారని వచ్చిన వార్తలతో రాధా వర్గంలో తీవ్ర నిరసన వ్యక్తమైంది. రాధాకు విజయవాడ సెంట్రల్ సీటు ఇవ్వాలంటూ ఆయన అభిమానులు ఆందోళనకు దిగారు. ఒక దశలో పెట్రోల్ పోసుకొని ఆత్మహత్యాయత్నానికి పాల్పడ్డారు. దీంతో తీవ్ర ఉద్రిక్తత పరిస్థితులు నెలకొన్నాయి.