Just In

దేశ ప్రజలకు రాహుల్ క్షమాపణ చెప్పాలి: అమిత్ షా

Submitted by chandram on Fri, 12/14/2018 - 14:12

రఫెల్ డీల్ వ్యవహారంలో సుప్రీం కోర్టు తీర్పును బీజేపీ స్వాగతించింది. సుప్రీం తీర్పుతో సేవకుడు ఎవరో దొంగలు ఎవరో దేశ ప్రజలకు తెలిసిందని బీజేపీ జాతీయాధ్యక్షుడు అమిత్ షా తెలిసిందన్నారు. అవాస్తవాలతో దేశ ప్రజలను తప్పుదోవ పట్టించిన రాహుల్ గాంధీ, కాంగ్రెస్ పార్టీలకు సుప్రీం తీర్పు చెంప పెట్టులాందన్నారు. ఈ వ్యవహారంలో దేశ ప్రజలు, సైన్యానికి రాహుల్ గాంధీ తక్షణమే క్షమాపణ చెప్పాలంటూ డిమాండ్ చేశారు.  రెండు ప్రభుత్వాల మధ్య జరిగిన ఒప్పందంలో అవినీతి ఎలా జరుగుతుందంటూ ఆయన ప్రశ్నించారు.  దేశ రక్షణలో అత్యంత కీలకమైన వాయుసేనకు బలోపేతం చేసేందుకే ఈ ఒప్పందం కుదుర్చుకున్నామన్నారు.

వందేళ్ల చరిత్రను బ్రేక్ చేసిన డిసెంబర్

Submitted by chandram on Fri, 12/14/2018 - 13:48

ఈ సంవత్సరంలో డిసెంబర్ నెల వందేండ్ల చరిత్రను బ్రేక్ చేసింది. గురువారం సాయంత్రం నుండి హైదరాబాద్ నగరంలో ఆకాశం మొత్తం మేఘావృతమైంది. నిన్న రాత్రి నుండి నేటి ఉదయం 8:30 గంటల వరకు రికార్డు స్థాయిలో 46.6మి. మీటర్ల వర్షపాతం నమోదైంది. 1918వ సంవత్సరం డిసెంబర్ 1వ తేదీన భాగ్యనగరంలో 44.5 మి.మీ. వర్షపాతం నమోదైనట్లు వాతారణ శాఖ అధికారులు వెల్లడించారు. ఆ రోజు నుండి నేటి వరకు డిసెంబర్ నెలలో ఈ విధంగా అత్యధికంగా వర్షపాతం నమోదు కాలేదని స్పష్టం చేసింది. నిన్న రాత్రి నుండి ఎడతెరిపిలేని వర్షానికి భాగ్యనగరం చుట్టూ ఉన్న మేడ్చల్, సంగారెడ్డి, రంగారెడ్డి జిల్లాల్లో అత్యధికంగా వర్షపాతం నమోదైంది.

మల్లారెడ్డి, విశ్వేశ్వర్ రెడ్డి రాజీనామా

Submitted by chandram on Fri, 12/14/2018 - 13:35

లోక్‌సభ పదవికి మల్కాజ్‌గిరి ఎంపీ చామకూర మల్లారెడ్డి రాజీనామా చేశారు. తన రాజీనామా లేఖను లోకసభ స్పీకర్ సుమిత్రా మహాజన్‌కు అందజేశారు. మేడ్చల్‌ నియోజకవర్గం నుండి ఎమ్మెల్యేగా గెలిచిన మల్లారెడ్డికి స్పీకర్ సుమిత్రా అభినందనలు తెలిపారు. కాంగ్రెస్‌ అభ్యర్థి కిచ్చెన్నగారి లక్ష్మారెడ్డిపై 87,990 ఓట్ల ఆధిక్యంతో మల్లారెడ్డి విజయం సాధించారు. తెలంగాణ కొత్త మంత్రి మండలిలో మల్లారెడ్డికి చోటు దక్కనుందని ప్రచారం జోరుగా సాగుతుంది. తాజాగా చేవెళ్ల ఎంపీ కొండా విశ్వేశ్వర్ రెడ్డి కూడా తన పదవికి రాజీనామా చేశారు. స్పీకర్‌ సుమిత్రా మహాజన్‌ను కలిసి తన రాజీనామా లేఖను అందజేశారు.

అన్నదాతల్ని ముంచిన అకాలవర్షం

Submitted by arun on Fri, 12/14/2018 - 13:33

వాతావరణ మార్పుతో తెలంగాణలో కురుస్తున్న అకాల వర్షాలు రైతన్నల ఆశలపై నీళ్లు జల్లుతున్నాయి రైతులు కష్టపడి పండించిన దాన్యం అకాల వర్షంతో తడిసిముద్ధయ్యింది. దీంతో రైతులు ఆందోళన చెందుతున్నారు. నిర్మల్‌ జిల్లాలో రాత్రి పలు మండలాల్లో కురిసిన భారీ వర్షం కురిసింది. దీంతో రైతులు కొనుగోలు కేంద్రాలకు తీసుకువచ్చిన దాన్యం తడిసిముద్దయ్యింది. ఆరుగాలం కష్టపడి పంటలు పండించిన రైతుల పాలిట వర్షం శాపంగా మారింది. అకాల వర్షాలతో తడిసిన తమ దాన్యాన్ని ప్రభుత్వంమే కొనుగోలు చేయాలని రైతులు కోరుతున్నారు. 

కరుణానిధి వేషంలో పార్లమెంట్‌కు వచ్చిన ఎంపీ శివప్రసాద్‌

Submitted by arun on Fri, 12/14/2018 - 13:18

ప్రదాని మోడీపై మరోసారి నిప్పులు చెరిగారు చిత్తూరు ఎంపీ శివప్రసాద్. రోజుకో వేషంతో కేంద్రానికి నిరసనలు తెలుపుతున్న శివప్రసాద్ ఇవాళ కరుణానిధి వేషంలో పార్లమెంటుకు వెళ్లారు. మోడీ ఏపీకి ఇచ్చిన హామీలు నిలబెట్టుకోవాలంటూ కరుణానిధి మాదిరిగా డైలాగ్‌లు విసిరారు. స్నేహంలో కర్ణుడిలా, సత్యవాక్కు పాలనలో హరిశ్చంద్రుడిలా మెలగాలంటూ నరేంద్రమోడీకి సూచించారు. మాటలు చెప్పి చంద్రబాబుని మోసగించారని, ఏపీ ప్రజలు అందుకు తగిన శాస్తి చేస్తారని మోడీపై మండిపడ్డారు ఎంపీ శివప్రసాద్. ప్రధాని మోడీ టైటానిక్‌ షిప్‌లాంటి వారని ఇచ్చిన హామీలను అమలు చేయకుండా ముంచేశారని ఎంపీ శివప్రసాద్‌ ఆరోపించారు. 

రాష్ట్ర మాతగా గోవు...హిమాచల్ ప్రదేశ్ అసెంబ్లీ తీర్మానం

Submitted by chandram on Fri, 12/14/2018 - 13:14

ఆవును రాష్ట్ర మాతగా ప్రకటిస్తూ గురువారం హిమాచల్ ప్రదేశ్ అసెంబ్లీ ఏకగ్రీవంగా తీర్మానించింది. హిమాచల్ ప్రదేశ్ రాష్ట్ర అసెంబ్లీ చేసిన తీర్మానాన్ని ఆమోదం కోసం కేంద్రానికి పంపించారు. బిజెపి పాలిత ఉత్తరాఖండ్ సెప్టెంబరులో 'రాష్ట్ర మాతా' ప్రకటించాలని డిమాండ్ చేసిన మొట్టమొదటి రాష్ట్రం అయింది. బిజెపి శాసనసభ సభ్యుల మద్దతుతో కాంగ్రెస్ ఎమ్మెల్యే అనిరుధ్ సింగ్ ఈ తీర్మానాన్ని ఆమోదించారు. ఆవు పాలు పొదుగు ఆగగానే ఆవులను చంపకుండా కఠిన చర్యలు తీసుకోవాలని కొందరు ఎమ్మెల్యేల కోరారు.

పశ్చిమ గోదావరి జిల్లాలో పడమటి సంధ్యారాగం

Submitted by arun on Fri, 12/14/2018 - 13:02

వాళ్లిద్దరూ వేర్వేరు దేశాస్తులు. మతాలు, సంస్కృతులు కూడా వేర్వేరు. కానీ వారిద్దరిని ప్రేమ కలిపింది. పెళ్లి కోసం తమ కుటుంబాలను ఒప్పించారు. పశ్చిమగోదావరి జిల్లాలో స్థానిక యువకుడు, ఫ్రాన్స్ యువతితో జరిగిన పెళ్లిపై స్పెషల్ స్టోరీ. ఈ నవవధువు పేరు సెరిన్ జరిత కాల్డేరోన్. ఈమె ఫ్రాన్స్ యువతి. పెళ్లి పీటలపై కూర్చున్న ఈ వరుడి పేరు సత్యనారాయణ. ఇతను పశ్చిమ గోదావరి జిల్లా వాసి. ఉద్యోగరీత్యా సత్యనారాయణ ఫ్రాన్స్ లో వుండగా సెరిన్ పరిచయం ప్రేమగా మారింది.  పెళ్లి కోసం ఇద్దరూ తమ తల్లిదండ్రులను ఒప్పించారు. వివాహం ఇండియాలో చేసేందుకు నిశ్చయించారు. 

ఈనెల 17న సీఎంగా క‌మ‌ల్‌నాథ్ ప్ర‌మాణ‌స్వీకారం

Submitted by chandram on Fri, 12/14/2018 - 12:45

మధ్యప్రదేశ్‌ 18వ సిఎంగా కాంగ్రెస్ సీనియర్ నాయకుడు కమల్‌నాథ్ ఈనెల 17వ తేదీన ప్రమాణ స్వీకారం చేయ‌నున్నారు. భోపాల్‌లోని లాల్ ప‌రేడ్ గ్రౌండ్‌లో ఆయ‌న ప్రమాణ స్వీకారోత్సవం కార్యక్రమం జరగనుంది. కాగా సుదీర్ఘ మంతనాల తర్వాత పార్టీ చీఫ్ రాహుల్ గాంధీ కమల్ నాథ్‌వైపే మొగ్గు చూపారు. దీంతో కమల్ నాథ్‌కు లైన్ క్లియర్ అయింది. యువనేత జ్యోతిరాదిత్య సింధియా కూడా సీఎం కూర్చిని ఆశించినప్పటికీ సీనియర్ నేత కమల్‌నాథ్‌నే కాంగ్రెస్ జాతీయ అధ్యక్షుడు రాహుల్‌గాంధీ ఎంపిక చేశారు. ఈ మేరకు కమల్‌నాథ్‌ను సీఎంగా నిర్ణయించినట్లు గురువారం రాత్రి తన అధికారిక ట్విట్టర్ ఖాతాలో కాంగ్రెస్ అధికారికంగా ప్రకటించింది.

18న తెలంగాణ అసెంబ్లీ ప్రత్యేక సమావేశం...స్పీకర్ పదవి చేపట్టేందుకు వెనకాడుతున్న నేతలు ?

Submitted by arun on Fri, 12/14/2018 - 12:42

తెలంగాణ అసెంబ్లీ ప్రత్యేక సమావేశం ఈ నెల 18న జరిగే అవకాశం ఉంది. ఆ రోజు కొత్త ఎమ్మెల్యేల ప్రమాణస్వీకారంతోపాటు కొత్త స్పీకర్, డిప్యూటీ స్పీకర్‌ల ఎంపిక ప్రక్రియ కూడా జరగనున్నట్టు తెలుస్తోంది. తెలంగాణ తొలి శాసన సభ సెప్టెంబరు 6న రద్దుకాగా, తాజాగా ఎన్నికలతో రెండో సభను ఏర్పాటు చేసిన ప్రభుత్వం ఉత్తర్వులు జారీ చేసింది.

బావ మోసం చేశాడంటూ సినీనటి తారాచౌదరి ఫిర్యాదు

Submitted by chandram on Fri, 12/14/2018 - 12:35

తనను పెళ్లి పేరుతో నమ్మించి మోసం చేశాడంటూ పైగా తన ఆస్తులు కాజేసేందుకు యత్నిస్తున్నాడని సినీ నటి తారాచౌదరి తనబావపై బంజారాహిల్స్ పోలీసు ఠాణాలో ఫిర్యాదు చేశారు. సినీనటి తారాచౌదరి ఆమెకు వరుసకు బావ అయిన చావా రాజ్‌కుమార్‌, ఆయన సోదరి సూజాతకు చాలా సన్నిహిత సంబంధాలుండేవి. కాగా రాజ్‌కుమార్‌ను పెళ్లి చేసుకోవాలని తారాను సూజాత కోరింది. అయితే గతంలోనే రాజ్‌కుమార్‌కు వివాహం అయిందని అడిగితే విడుకులు తీసుకోనున్నట్లూ వెల్లడించింది. అయితే తారాచౌదరి మొదటి నుంచే తనతో పెళ్లిని వద్దుంటునే వస్తుంది. బంజారాహిల్స్ నుండి విజయవాడకు వెళ్లింది.