Just In

తుపాను ప్రభావిత ప్రాంతాల్లో జనసేనాని పర్యటన..

Submitted by arun on Mon, 10/22/2018 - 17:41

శ్రీకాకుళం జిల్లాలో ఆరు రోజుల పాటు టిట్లీ తుపాను బాధిత ప్రాంతాల్లో పర్యటించనున్నట్లు జనసేన అధినేత పవన్ కల్యాణ్ తెలిపారు.. టిట్లీ తుపాను కారణంగా 45 గ్రామాలు పూర్తిగా ధ్వంసం అయ్యాయన్న పవన్.. తుపాను బాధిత ప్రాంతాల్లో ప్రజలను అప్రమత్తం చేయడంలో ప్రభుత్వం పూర్తిగా విఫలం అయ్యిందని ఆయన విమర్శించారు. ముఖ్యమంత్రి చంద్రబాబు నాయుడు కేవలం ప్రచారానికే పరిమితమవుతున్నారన్న పవన్.. తుపాను నష్టాన్ని కేంద్ర ప్రభుత్వానికి రాష్ట్ర ప్రభుత్వం సరిగ్గా చెప్పకపోవడం వలనే సహాయం లభించడం లేదన్నారు.

పార్టీకి ఈసీ 10 నిమిషాలు...

Submitted by arun on Mon, 10/22/2018 - 17:15

మూడు రోజుల తెలంగాణ పర్యటనలో భాగంగా కేంద్ర ఎన్నికల కమిషన్‌ బృందం.. హైదరాబాద్‌ హోటల్‌ తాజ్‌కృష్ణకు చేరుకుంది. కాసేపట్లో గుర్తింపు పొందిన 9 రాజకీయ పార్టీల నేతలతో ఈసీ బృందం భేటీకానుంది. ఈ సమావేశంలో ఒక్కో రాజకీయ పార్టీకి 10 నిమిషాల సమయం కేటాయించారు. అనంతరం, రాష్ట్ర ఎన్నికల ప్రధానాధికారి రజత్‌కుమార్‌, పోలీస్‌ నోడల్‌ అధికారులతో సీఈసీ టీమ్ భేటీకానుంది. రేపు ఉదయం 10 గంటలకు జిల్లా ఎన్నికల అధికారులు, ఎస్పీలు, డీఐజీ, ఐజీలతో భేటీ ఉంటుంది. మధ్యాహ్నం 2.30 నుంచి సాయంత్రం 6 గంటల వరకు డీఈవోలు, ఎస్పీలతో ప్రత్యేకంగా బృంద సభ్యులు సమావేశమవుతారు.

తూర్పుగోదావరి జిల్లాలో ఘోర రోడ్డు ప్రమాదం..

Submitted by arun on Mon, 10/22/2018 - 17:04

తూర్పుగోదావరి జిల్లాలో ఘోర రోడ్డు ప్రమాదం జరిగింది. గొల్లప్రోలు మండలం చేబ్రోలు దగ్గర టాటా మ్యాజిక్‌‌ను టిప్పర్‌ ఢీకొనడంతో టాటా మ్యాజిక్ లో ఉన్న 8 మంది మృతి ప్రయాణికులు మృతి చెందారు. ఈ ప్రమాదంలో మరో 10 మంది తీవ్రంగా గాయపడ్డారు. మృతులు విశాఖ జిల్లా మాకవారిపాలెంకు చెందిన వారిగా గుర్తించారు. కాకినాడలో బంధువుల గృహప్రవేశానికి హాజరై, తిరిగి వెళ్తుండగా ఈ ప్రమాదం జరిగింది. గాయపడిన వారిని పిఠాపురం ఏరియా ఆస్పత్రికి తరలించారు. 

బ్రాహ్మణి సర్‌ప్రైజ్ గిఫ్ట్.. కన్నీళ్లు పెట్టిన ఎన్టీఆర్

Submitted by arun on Mon, 10/22/2018 - 16:52

జూనీయర్ ఎన్టీఆర్ నటించిన అరవింద సమేత సినిమా దసర బ్లాక్ బస్టర్ హిట్ అయిన సంగతి తెలిసిందే.. దీంతో సక్సెస్ సెలెబ్రెషన్స్ చేసుకుంది చిత్ర యూనిట్.. ఈ సక్సెస్ మీట్ కు చీప్ గెస్ట్ గా బాలయ్య రావటంతో నందమూరి అభిమానులకు దసరా దీపావళి ఒకేసారి వచ్చేసాయి.. బాలయ్య త్వరలోనే సినిమా చూస్తా అన్నాడు.. కానీ బాలయ్య కూతురు నారా చంద్ర బాబు నాయుడు కోడలు నారా బ్రహ్మణి అరవింద సమేత సినిమా మొన్ననే చూసిందంటా.. సినిమాలో తారక్ యాక్టీంగ్ సూపర్ అంటు ఎన్టీఆర్ ను పొగడటమే కాదు ఓ మంచి గిప్ట్ పంపింది.

ఆలేరులో పాడి రైతుల ధర్నా

Submitted by arun on Mon, 10/22/2018 - 16:35

నల్గొండ జిల్లా ఆలేరులో పాడిరైతులు ఆందోళన బాట పట్టారు. పాలధరలను పెంచాలని డిమాండ్ చేస్తూ ధర్నాకు దిగారు. రోడ్డుపై భారీగా వాహనాలు నిలిచిపోవడంతో వాహనదారులు, ప్రయాణీకులు తీవ్ర ఇబ్బందిపడ్డారు. నిత్యావాసరాలతోపాటు పాడి పోషణ పెరిగాయని అయినా పాల ధరలను మాత్రం పెంచడం లేదని రైతులు మండిపడుతున్నారు. మదర్ డెయిరీలో పాలు పోసే రైతులకు, పాల రేటు పెంచాలని కోరుతూ ఆలేరు రైల్వే గేటు వద్ద ధర్నా పాడి రైతులు ధర్నా చేపట్టారు. మోత్కుపల్లి నర్సింహులుతో పాటు పలు పార్టీలు రైతులకు మద్దతుగా నిలిచాయి. రోడ్డుపై రైతులో ఆందోళతో భారీగా ట్రాఫిక్ జామ్ అయ్యింది.

వంగవీటి రాధా ఎపిసోడ్‌పై క్లారిటీ ఇచ్చిన జగన్

Submitted by arun on Mon, 10/22/2018 - 16:03

వంగవీటి రాధా ఎపిసోడ్‌పై వైసీపీ అధినేత జగన్ క్లారిటీ ఇచ్చారు. రాధాని విజయవాడ తూర్పుకే కేటాయిస్తూ నిర్ణయం తీసుకున్నారు. మచిలీపట్నం పార్లమెంటు స్థానం నుంచి బాలశౌరిని బరిలోకి దింపుతున్నట్టు జగన్ తెలిపారు. మచిలీపట్నం పార్లమెంటుస్థాయి నేతల సమావేశంలో జగన్ ఈ నిర్ణయాన్ని వెల్లడించారు. 
 

కొడుకుని హత్య చేసిన శాస‌న‌మండ‌లి ఛైర్మన్ భార్య

Submitted by arun on Mon, 10/22/2018 - 15:35

సొంత కొడుకునే చంపేసిన ఘటనలో ఉత్తర్ ప్రదేశ్ ఎమ్మెల్సీ రమేష్ యాదవ్ భార్య మీరా యాదవ్‌ను పోలీసులు అరెస్టు చేశారు. తన 23 ఏళ్ల కొడుకు అభిజిత్ యాదవ్‌ను తనే చంపినట్లు మీరా యాదవ్ ఒప్పుకుందని పోలీసులు వెల్లడించారు. లక్నోలోని హజరత్‌గంజ్‌లోని తన నివాసంలో ఆదివారం అతడు అనుమానాస్పదస్థితిలో మరణించినట్లు అందరూ భావించారు. కానీ కుటుంబంలోని కొంతమంది అనుమానం వ్యక్తం చేయడంతో పోలీసులు మృతదేహానికి పోస్ట్‌మార్టం నిర్వహించడంతో అసలు విషయం బయటపడింది. అతడిని గొంతు నులిమి చంపినట్లు పోస్ట్‌మార్టం నివేదికలో వెల్లడికావడంతో పోలీసులు విచారణ చేపట్టారు.

టీడీపీ వ్యూహం.. ఆ స్థానాలకు అభ్యర్థులు ఖరారు?

Submitted by arun on Mon, 10/22/2018 - 15:04

తెలంగాణ ఎన్నికల నేపథ్యంలో టీడీపీ జోరు పెంచింది. పార్టీ అధినేత, ఏపీ ముఖ్యమంత్రి చంద్రబాబు నాయుడు సోమవారం ఎన్టీఆర్ భవన్‌లో పోలిట్ బ్యూరో, కేంద్ర కమిటీ, రాష్ట్ర కమిటీ, జిల్లా అధ్యక్షులతో వేర్వేరుగా సమావేశమయ్యారు. ఈ సందర్భంగా పలు కీలక విషయాలపై చర్చించారు. తెలంగాణ నేతలకు పలు సూచనలు చేశారు. ఈ సమావేశంలో ఎన్నికల్లో ఎన్ని స్థానాల్లో పోటీ చేయాలనే అంశంపైనే ప్రధానంగా చర్చ జరిగింది. కూకట్‌పల్లి, శేరిలింగంపల్లి స్థానాల్లో పార్టీ అభ్యర్థులను ఈ భేటీలో ఖరారు చేసినట్లు సమాచారం. కూకట్‌పల్లి స్థానాన్ని పెద్దిరెడ్డికి ఖరారు చేసినట్లు తెలుస్తోంది. శెరిలింగంపల్లి స్థానంపై చంద్రబాబు నేతలకు సూచనలు చేశారు.

వైద్యుల నిర్లక్ష్యానికి బాలింత బలి

Submitted by arun on Mon, 10/22/2018 - 14:45

డాక్టర్ల నిర్లక్ష్యానికి ఓ బాలింత బలైంది. సిజేరియన్‌ ఆపరేషన్‌ సమయంలో నిర్లక్ష్యంగా వ్యవహరించిన డాక్టర్‌ పెద్దపేగు కత్తిరించారు. పేగుకు సరిగా కుట్లు వేయకపోవడంతో ఇన్ఫెక్షన్‌ సోకి నెల రోజుల తర్వాత బాలింత చనిపోయింది. హైదరాబాద్‌ చౌటుప్పల్‌కు చెందిన శ్వేతను డెలివరీ కోసం వనస్థలిపురం లైఫ్‌ స్ప్రింగ్‌ హాస్పిటల్‌లో చేర్పించారు. అయితే, సిజేరియన్‌ ఆపరేషన్‌ సమయంలో నిర్లక్ష్యంగా వ్యవహరించిన డాక్టర్లు పెద్దపేగు కత్తిరించారు. పేగుకు సరిగా కుట్లు వేయకపోవడంతో ఇన్ఫెక్షన్‌ సోకి శ్వేత చనిపోయింది. దీంతో బాధితురాలి బంధువులు ఆస్పత్రి ఎదుట ఆందోళనకు దిగారు.
 

బీజేపీ నేత రాంమాధవ్ సంచలన వ్యాఖ్యలు...ఏపీలో త్వరలోనే కొత్త ప్రభుత్వం...

Submitted by arun on Mon, 10/22/2018 - 14:20

అగ్రిగోల్డ్‌ బాధితుల రిలే నిరాహార దీక్షలో బీజేపీ జాతీయ కార్యదర్శి రాంమాధవ్ సంచలన వ్యాఖ్యలు చేశారు. ఏపీలో త్వరలోనే కొత్త ప్రభుత్వం ఏర్పడనుందని ఇందులో బీజేపీనే కీలక పాత్ర పోషింస్తుందిన ఆయన అన్నారు. కొత్త ప్రభుత్వం ఏర్పడగానే అగ్రిగోల్డ్ బాధితులకు న్యాయం చేస్తామని ఆయన ప్రకటించారు. టీడీపీ తెలుగు దోపిడీ పార్టీగా మారిందన్నారు బీజేపీ నేత రాం మాధవ్‌. అగ్రిగోల్డ్ బాధితులకు మద్ధతుగా విజయవాడలో రిలే నిరాహార దీక్షలను ఆయన ప్రారంభించారు. అగ్రిగోల్డ్ ఆస్తులను కొల్లగొట్టేందుకు కొందరు ప్రభుత్వ పెద్దలు, వారి అనుచరులు ప్రయత్నిస్తున్నారంటూ విమర్శించారు. అవినీతిలో దేశంలోనే నాల్గో స్ధానంలో ఏపీ ఉందన్నారు.