ramana deekshitulu

రమణదీక్షితులుకు కేంద్రం షాక్‌

Submitted by arun on Fri, 07/13/2018 - 10:19

తిరుమల మాజీ ప్రధానార్చకుడు రమణదీక్షితులుకు కేంద్రం షాకిచ్చింది. టీటీడీపై రమణదీక్షితులు ఫిర్యాదును కేంద్ర న్యాయ శాఖ తోసిపుచ్చింది. తిరుమల వివాదం తమ పరిధిలోకి రాదని, ఏదైనా సమస్య ఉంటే రాష్ట్ర ప్రభుత్వంతోనే పరిష్కరించుకోవాలని సూచించింది. తిరుమల శ్రీవారి ఆలయంలో ఆగమశాస్త్రాలకు విరుద్ధంగా కార్యక్రమాలు చేపడుతున్నారని, భక్తుల మనోభావాలు దెబ్బ తీసేలా పాలక మండలి నిర్ణయాలు తీసుకుంటోందని రమణదీక్షితులు కేంద్ర న్యాయ శాఖను ఆశ్రయించారు. అర్చక విధుల నుంచి తనను అకారణంగా తొలగించారంటూ మే 23న కేంద్ర న్యాయ శాఖకు ఫిర్యాదు చేశారు. తిరుమల వివాదంపై విచారణ జరిపించాలని కోరారు.

దిగులు చెందుతున్న రమణదీక్షితులు పెంపుడు కుక్కలు

Submitted by arun on Fri, 06/29/2018 - 15:01

విశ్వాసానికి ప్రతీకలు కుక్కలు. యజమానుల పట్ల అమితమైన ప్రేమను కనబరుస్తాయి. రెండురోజులు కనిపించకపోతే తల్లడిల్లిపోతుంటాయి. తిండి తినకుండా దిగాలుగా పడి ఉంటాయి. ఇప్పుడు తిరుమలలో శ్రీవారి ఆలయ మాజీ ప్రధాన అర్చకుడి ఇంటి కుక్కల పరిస్థితి అలాగే ఉంది. ఆయన ఇంటి వద్ద సరిగ్గా ఉండకుండా బయట ప్రాంతాలకు వెళ్తుండటంతో ఆయన పెంపుడు కుక్కలు దిగులు చెందుతున్నాయి.

ఇరకాటంలో పడిన రమణదీక్షితులు

Submitted by arun on Thu, 06/21/2018 - 11:59

టీటీడీ మాజీ ప్రధానార్చకుడు రమణదీక్షితులు ఇరకాటంలో పడ్డారు. క్రైస్తవ మతప్రచారకులతో కలిసి ప్రెస్‌మీట్‌ పెట్టడం వివాదాస్పదమవుతోంది. దాంతో రమణదీక్షితులు హిందువుల మనోభావాలను దెబ్బతీశారంటూ ఎదురుదాడి మొదలైంది. రమణదీక్షితులు ఫాదర్ దీక్షితులుగా మారిపోయారంటూ విమర‌్శలు చెలరేగుతున్నాయి.

రోజుకో మలుపు తిరుగుతోన్న టీటీడీ వివాదం

Submitted by arun on Thu, 06/14/2018 - 11:37

టీటీడీ వివాదం రోజుకో మలుపు తిరుగుతోంది. తీవ్ర ఆరోపణలతో కలకలం రేపిన రమణదీక్షితులు, విజయసాయిరెడ్డికి టీటీడీ నోటీసులు పంపింది. ఆరోపణలపై వివరణ ఇవ్వాలని... లేదంటే చట్టపరంగా చర్యలు తప్పవని హెచ్చరించింది. ఇక టీటీడీ ప్రధానార్చకులు సుప్రీంను ఆశ్రయించారు. తన నియామకాన్ని ఎవరూ ప్రశ్నించకుండా కెవియట్‌ పిటిషన్‌ దాఖలు చేశారు.

జగన్‌ని కలిసిన రమణదీక్షితులు

Submitted by arun on Thu, 06/07/2018 - 17:17

టీటీడీ మాజీ ప్రధాన అర్చకులు రమణదీక్షితులు... వైసీపీ అధినేత జగన్‌ని కలిశారు. జగన్‌తో 20 నిమిషాల పాటు చర్చించారు. తానేమీ రాజకీయాలు చేయడం లేదని, తాను చేసిన ఆరోపణలకు  కట్టుబడి ఉన్నానని అన్నారు. రమణదీక్షితులు హైదరాబాద్‌లోని లోటస్‌పాండ్‌కు వచ్చి జగన్‌తో ముచ్చటించారు. టీటీడీలో అవినీతి ఉందని, అక్రమాలు, ఆగమశాస్త్ర ఉల్లంఘనలు జరుగుతున్నాయని రమణ దీక్షితులు సంచలన ఆరోపణలు చేస్తోన్న విషయం తెలిసిందే. మరోవైపు జగన్‌ ఈ విషయంపై ఇటీవల స్పందించి.. రమణ దీక్షితులు ప్రశ్నించినందుకు అర్చకులపై కక్ష సాధింపునకు పాల్పడి, వారికి పదవీ విరమణ ప్రకటించడం సరైంది కాదని అన్నారు.

టీటీడీ వ్యవహారంపై సుప్రీంలో పిటిషన్‌ : స్వామి

Submitted by arun on Wed, 05/23/2018 - 14:51

టీటీడీ ప్రధానార్చకుడు రమణదీక్షితులు తొలగింపు అన్యాయమన్నారు రాజ్యసభ బీజేపీ ఎంపీ సుబ్రమణ్యస్వామి. తిరుమల కొండపై జరుగుతున్నవి అక్రమాలేనన్నారాయన. కొన్నేళ్లుగా అర్చకత్వం చేస్తున్న రమణదీక్షితులు తొలగింపు  అన్యాయం, అక్రమమేనన్నారు సుబ్రమణ్యస్వామి. టీటీడీలో లెక్కలేనన్ని అక్రమాలు జరుగుతున్నాయన్నారు స్వామి... జులై మొదటి వారంలో సుప్రీంకోర్టులో పిటిషన్‌ వేస్తామని తెలిపారు రాజ్యసభ బీజేపీ ఎంపీ సుబ్రమణ్యస్వామి