Telangana

తెలంగాణ టీచర్లకు రోగాలు

Submitted by arun on Wed, 06/20/2018 - 11:20

తెలంగాణ టీచర్ల బదిలీల్లో పెద్దఎత్తున అక్రమాలు బయటపడ్డాయి. కోరుకున్నచోట పోస్టింగ్‌ కోసం ఉపాధ్యాయులు అడ్డదారులు తొక్కారు. బదిలీల్లో హెల్త్‌ సర్టిఫికెట్‌ ఆయుధంగా మారడంతో అక్రమాలకు పాల్పడ్డారు. నోటిఫికేషన్‌లో లొసుగుల్ని తమకు అనుకూలంగా మార్చుకుని మార్గం తప్పారు. ఎన్నడూ సిక్‌ లీవ్‌ పెట్టనివాళ్లు సైతం పెద్దపెద్ద రోగాలున్నట్లు దొంగ సర్టిఫికెట్లు సృష్టించుకున్నారు. లేని రోగాలను ఉన్నట్లుగా నకిలీ ధృవపత్రాలు సమర్పించారు.

ఆరెంజ్ ట్రావెల్స్‌ గోడౌన్‌లో భారీ అగ్నిప్రమాదం

Submitted by arun on Wed, 06/20/2018 - 11:02

కుత్బుల్లాపూర్ సుచిత్ర సర్కిల్‌లోని ఆరెంజ్ ట్రావెల్స్‌లో బుధవారం ఉదయం భారీ అగ్ని ప్రమాదం సంభవించింది. గోడౌన్‌లో చెలరేగిన మంటలు పెద్దఎత్తున ఎగిసిపడుతున్నాయి. సమాచారం అందిన వెంటనే అగ్నిమాపక సిబ్బంది అక్కడకు చేరుకుని మంటలను అదుపు చేశారు. ఆరెంజ్ ట్రావెల్స్‌లోని బస్సుల గ్యారేజిలో షాట్ సర్క్యూట్‌తో మంటలు అంటుకున్నట్లు తెలుస్తోంది. కాగా ప్రమాద సమయంలో బస్సులు ఏవీ లేకపోవడంతో ఆస్తి నష్టం జరుగలేదు.
 

కోటాపై క్లారిటీ...తెలంగాణ పంచాయతీ ఎన్నికల్లో కీలకమైన బీసీ ఓటర్లు

Submitted by arun on Wed, 06/20/2018 - 08:32

 గ్రామ పంచాయతీ ఎన్నికల నిర్వహణ ప్రక్రియను ప్రభుత్వం వేగవంతం చేసింది. ఎన్నికల నిర్వహణలో కీలకమైన బీసీ ఓటర్ల గణన పూర్తికావడంతో... రెండు మూడ్రోజుల్లో బీసీ రిజర్వేషన్లను కూడా ఖరారు చేసేందుకు పనులు మొదలుపెట్టారు. మరో వారం రోజుల్లో మొత్తం రిజర్వేషన్ల ప్రక్రియ పూర్తిచేసే దిశగా అధికారులు అడుగులు వేస్తున్నారు.

పంచాయతీ ఎన్నికల్లో ప్రతిపక్షాలను మట్టి కరిపించేందుకు వ్యూహం

Submitted by arun on Wed, 06/20/2018 - 08:25

సార్వత్రిక ఎన్నికల కంటే ముందే ప్రతిపక్షాలకు చెక్‌ పెట్టేందుకు అధికార టీఆర్‌ఎస్‌ ప్లాన్‌ చేస్తోంది. ముందుగా పంచాయతీ పోల్స్‌లో క్లీన్‌స్వీప్‌ చేస్తే సార్వత్రిక ఎన్నికలు ఎప్పుడొచ్చినా ఈజీగా గట్టెక్కవచ్చని లెక్కలేసుకుంటున్నారు. పంచాయతీ ఎన్నికల్లో ప్రతిపక్షాలను మట్టి కరిపిస్తే సార్వత్రిక ఎన్నికల్లో ఎదురే లేకుండా పోతుందని టీఆర్‌ఎస్‌ భావిస్తోంది. 

నా కోరిక తీర్చు.. రైతుబంధు చెక్కు ఇస్తా!

Submitted by arun on Wed, 06/20/2018 - 08:13

నిస్సహాయ స్థితిలో ఉన్న ఓ మహిళా రైతును తహసీల్దార్ బ్లాక్ మెయిల్ చేశాడు. తన కోరిక తీరిస్తేనే రైతు బంధు పథకం కింది చెక్కు ఇస్తానని, లేదంటే భూమిపై సివిల్ దావా వేయిస్తానని బెదిరించాడు. రోడ్డు ప్రమాదంలో కాళ్లూ చేతులూ విరిగిన భర్తతో భూమిని నమ్ముకుని వ్యవసాయం చేసుకుంటున్న మహిళ దీన గాధ ఇది. ఆ మహిళపై తహసీల్దార్ కన్నేసి తన కామవాంఛను బయటపెట్టాడు. అయితే, ఆ మహిళ అతనిపై మానవ హక్కుల కమిషన్‌(హెచ్‌ఆర్‌సీ)ని ఆశ్రయించింది. వివరాల్లోకెళితే.. జోగుళాంబ గద్వాల జిల్లా మానవపాడు మండలం, చిన్నిపాడులో బాధితురాలి తల్లికి సర్వే నంబర్‌ 57/ఏలో 1.06 ఎకరాల భూమి ఉంది.

హస్తినకు చేరిన టీ.కాంగ్రెస్ పంచాయతీ...ఉత్తమ్‌కుమార్‌రెడ్డిపై ఫిర్యాదు చేయనున్న సీనియర్ల

Submitted by arun on Wed, 06/20/2018 - 07:58

తెలంగాణ కాంగ్రెస్ పంచాయతీ హస్తినకు చేరింది. గతకొంత కాలంగా పీసీసీ చీఫ్ వర్సెస్.. ఉత్తమ్‌ వ్యతిరేక వర్గం మధ్య కోల్డ్ వార్ నడుస్తోంది. ఇప్పుడు పార్టీలో వర్గపోరు తీవ్రం కావడంతో పార్టీ అధినేత రాహుల్‌గాంధీకి ఫిర్యాదు చేసేందుకు సిద్ధమైనట్టు తెలుస్తోంది. ఉత్తమ్ వ్యతిరేక వర్గం నేతలకు రాహుల్ అపాయింట్‌మెంట్ ఇవ్వడంతో ఆ నేతలంతా ఢిల్లీకి వెళ్లారు. 

ఉత్తమ్‌ బస్సు యాత్రకు బ్రేక్‌?

Submitted by arun on Wed, 06/20/2018 - 07:16

తెలంగాణలో కాంగ్రెస్‌ అధికారంలోకి వచ్చేవరకూ గడ్డం గీసుకోనంటూ ప్రతినబూని.... పార్టీ బలోపేతం కోసం బస్సు యాత్ర చేపట్టిన టీపీసీసీ చీఫ్‌ ఉత్తమ్‌కు... సీనియర్లు చెక్‌ పెట్టారనే టాక్‌ వినిపిస్తోంది. మూడు విడతల్లో 38 నియోజకవర్గాలను చుట్టేసిన ఉత్తమ్‌ను... నాలుగో విడత యాత్ర చేపట్టొద్దని అధిష్టానం ఆదేశించినట్లు టాక్‌ వినిపిస్తోంది. ఉత్తమ్‌ ఢిల్లీ టూర్ తర్వాత పరిస్థితి మొత్తం తారుమారైందనే చర్చ పార్టీలో జోరుగా సాగుతోంది.

దారుణం.. వివాహితపై నలుగురు యువకులు అత్యాచారం..

Submitted by arun on Tue, 06/19/2018 - 17:43

నాగర్‌కర్నూల్ జిల్లాలోని కల్వకుర్తి పట్టణంలో దారుణం చోటుచేసుకుంది. నలుగురు ముస్లిం యువకులు వివాహితపై సామూహిక అత్యాచారం చేశారు. ఒంటరిగా ఉన్న వివాహితను అపహరించి ఈ దారుణానికి పాల్పడ్డట్టు తెలుస్తోంది. కల్వకుర్తి ప్రభుత్వ జూనియర్ కాలేజీ ఆవరణలో సోమవారం (జూన్ 18) రాత్రి ఈ దారుణం చోటుచేసుకుంది. బాధిత మహిళ 100కు డయల్‌ చేసి పోలీసులకు ఫిర్యాదు చేయడంతో విషయం వెలుగులోకి వచ్చింది. ఆ నలుగురు యువకులను పోలీసులు అరెస్టు చేసి విచారిస్తున్నారు. వారి నుంచి తప్పించుకున్న బాధితురాలు 100కు ఫిర్యాదు చేసింది. దీంతో పోలీసులు సంఘటనా స్థలానికి చేరుకుని నిందితులపై కేసు నమోదు చేశారు.

రాజ్యసభ డిప్యూటీ ఛైర్మెన్ గా కేకే..? ఎలా అంటే..

Submitted by nanireddy on Tue, 06/19/2018 - 16:43

తెరాస రాజ్యసభ సభ్యుడు కె. కేశవరావు త్వరలో రాజ్యసభ డిప్యూటీ ఛైర్మెన్ గా ఎంపిక అవ్వనున్నారా..? ఈ విషయమై ఇప్పటికే ముఖ్యమంత్రి కేసీఆర్ ఢిల్లీ పెద్దలతో చర్చించారా..? అంటే అవుననే అంటున్నారు నేతలు. ప్రస్తుత డిప్యూటీ ఛైర్మెన్ పిజె కురియన్ పదవీకాలం త్వరలో ముగుస్తోంది.ఆయన స్థానంలో మరొకరిని ఎంపిక చెయ్యాలి. అయితే ఈ పదవికి 122 మంది సభ్యుల మద్దతు కావాలి. ప్రస్తుతం అధికార ఎన్డీఏకు రాజ్యసభలో 87 మంది సభ్యులున్నారు.  యూపీఏకు 58 మంది సభ్యులున్నారు. సొంతంగా డిప్యూటీ ఛైర్మెన్ ఎన్నిక సాధ్యమవదు గనక బీజేపీయేతర అభ్యర్థి అయితే కొంత మేర లాభం పొందవచ్చని బీజేపీ భావిస్తోంది.

సొంత ఒరవడితో మిమిక్రీ రంగంలో ప్రత్యేక గుర్తింపు

Submitted by arun on Tue, 06/19/2018 - 13:56

నేరెళ్ల వేణుమాధవ్‌ 1932 డిసెంబర్ 28న వరంగల్‌ జిల్లాలో జన్మించారు.  సెలబ్రెటీలు, ప్రముఖుల వాయిస్‌లను ఇమిటేట్‌ చేయడంలో నేరెళ్ల దిట్ట. వేణుమాధవ్‌కు ఫాదర్‌ ఆఫ్‌ ఇండియన్‌ మిమిక్రీ కళాకారులు పిలుచుకుంటారు. 1947లో 16 ఏళ్ల వయసులో కెరీర్‌ను ప్రారంభించారు నేరెళ్ల వేణు మాధవ్‌. తెలుగు, హిందీ, ఇంగ్లీష్‌, ఉర్దూ, తమిళలో ప్రదర్శనలు ఇచ్చారు. ప్రపంచవ్యాప్తంగా మిమిక్రీ ప్రదర్శనలు ఇచ్చి నేరెళ్ల రికార్డు సృష్టించారు. పొట్టి శ్రీరాములు యూనివర్శిటీలో మిమిక్రీ కోర్సు చేశారు. మిమిక్రీ కోర్సులో డిప్లొమా చేసిన తొలి వ్యక్తి నేరెళ్ల వేణుమాధవ్‌.