Telangana

బ్రేకింగ్... హైకోర్టులో కోమటిరెడ్డి, సంపత్ లకు ఎదురుదెబ్బ!

Submitted by arun on Tue, 08/21/2018 - 12:35

కాంగ్రెస్ ఎమ్మెల్యేలు కోమటిరెడ్డి వెంకటరెడ్డి, సంపత్ లకు హైకోర్టులో ఎదురుదెబ్బ తగిలింది. కోమటిరెడ్డి వెంకటరెడ్డి, సంపత్‌లను శాసనసభ సభ్యత్వం నుంచి సస్పెండ్ చేశాక ఈ వ్యవహారం హైకోర్టుకు చేరడంతో రోజుకో మలుపు తిరుగుతోంది. వాళ్లిద్దరినీ ఎమ్మెల్యేలుగా గుర్తించాలని సింగిల్ బెంచ్ గతంలో ఆదేశించింది. ఐతే.. ఇవాళ ఈ కేసును విచారించిన డివిజన్‌ బెంచ్‌.. సింగిల్‌ బెంచ్‌ తీర్పుపై రెండు నెలలు స్టే విధించింది. సింగిల్ బెంచ్ తీర్పుపై డివిజన్ బెంచ్ స్టే విధించడంతో  తెలంగాణ ప్రభుత్వానికి ఊరట లభించినట్టయింది.

ఎమ్మెల్యే రాజాసింగ్‌ అరెస్ట్‌

Submitted by arun on Tue, 08/21/2018 - 11:11

హైదరాబాద్ గోషామహల్ ఎమ్మెల్యే రాజా సింగ్‌ను పోలీసులు అరెస్టు చేశారు. గోవధకు వ్యతిరేకంగా పోరాడుతున్న తనపై తప్పుడు కేసులు పెట్టడాన్ని నిరశిస్తూ బషీర్ బాగ్ పోలీస్‌ కమిషనర్‌ కార్యాలయం దగ్గర నిరాహార దీక్షకు బయల్దేరిన రాజాసింగ్‌ను పోలీసులు అదుపులోకి తీసుకున్నారు. సీపీ ఆఫీస్ దగ్గర వద్ద దీక్ష చేస్తానని రాజా సింగ్ ముందే ప్రకటించడంతో అర్ధరాత్రి నుంచే పోలీసులు ఎమ్మెల్యే ఇంటి దగ్గర మోహరించారు. రాజా సింగ్ దీక్షకు బయల్దేరగానే అరెస్టు చేశారు. గోవధ ఆపే వరకు...తమపై బనాయించిన తప్పుడు కేసులు ఉపసంహరించే వరకు  పోరాటం కొనసాగిస్తానని రాజాసింగ్ అన్నారు.
 

మానవత్వాన్ని చాటుకున్న బాబు గోగినేని

Submitted by arun on Tue, 08/21/2018 - 08:46

బిగ్‌ బాస్‌ కంటెస్టెంట్‌ బాబు గోగినేని మానవత్వాన్ని చాటుకున్నారు. బిగ్‌‌బాస్‌ షోలో పాల్గొనడం ద్వారా వచ్చిన డబ్బును కేరళ వరద బాధితులకు సాయం చేశారు. 20 లక్షల రూపాయల డబ్బును సీఎం రిలీఫ్‌ ఫండ్‌కి పంపారు. 

నిండు కుండలా సాగర్ జలాశయం

Submitted by nanireddy on Mon, 08/20/2018 - 19:04

గతకొద్ది కురుస్తున్న వర్షాలకు నాగార్జునసాగర్ జలకలను సంతరించుకుంది. కృష్ణా బేసిన్ లోకి ఎగువ ప్రాజెక్టుల నుంచి భారీగా వరదనీరు పోటెత్తడంతో సాగర్ జలాశయం నిండు కుండలా మారింది. ఆల్మట్టి నారాయణపూర్, తుంగభద్రల నుంచి 2 లక్షల క్యూసెక్కుల నీరు ఇన్ఫ్లో  వస్తోంది. కాగా వరద ఉదృతి ఇలాగే మరికొన్ని రోజులు కొనసాగితే నాగార్జున్ సాగర్ జలాశయం పూర్తిగా నిండే అవకాశం ఉందని అధికారులు అభిప్రాయపడుతున్నారు. సాగర్ పూర్తిస్థాయి  నీటినిల్వ సామర్థ్యం 312 టీఎంసీలు కాగా, ప్రస్తుతం 194 టీఎంసీల నీరు నిల్వ ఉంది.

ముగ్గురు భార్యలు ఉండగా ...నాలుగో పెళ్లికి రెడీ..

Submitted by arun on Mon, 08/20/2018 - 10:44

ముగ్గురిని పెళ్లి చేసుకుని 4వ పెళ్లికి సిద్ధపడ్డాడో ప్రబుద్ధుడు. విషయం తెలుసుకున్న మూడో భార్య.. భర్త ఇంటి ముందు ఆదివారం నిరసన దీక్ష చేపట్టింది. ఆందోళనకు వస్తున్న విషయం తెలుసుకున్న అత్తింటి వారు ఇంటికి తాళాలు వేసి ఉడాయించారు. బాధితుల కథనం ప్రకారం...సరూర్‌నగర్‌ భాగ్యనగర్‌ కాలనీలో నివాసం ఉండే కృష్ణ, భారతి దంపతుల కుమారుడు శ్రీనివాస్‌కు మే 23, 2014న కామారెడ్డి శ్రీరమణారెడ్డి కాలనీకి చెందిన నారాయణ, నాగరాణి దంపతుల కుమార్తె అనూషతో వివాహం జరిగింది. రూ.5లక్షల నగదు, 15తులాల బంగారు ఆభరణాలు కానుకగా ఇచ్చి ఘనంగా వివాహం జరిపారు.

అధికారుల నిర్వాకం: భర్తను మార్చిన అధికారులు, సంసారంలో చిచ్చు

Submitted by arun on Mon, 08/20/2018 - 09:34

తన అనుమతి లేకుండా ప్రభుత్వ ప్రకటనలో ఫొటోలు ప్రచురించడమే కాకుండా తన భర్త ఫొటోనుకూడా మార్చి వేశారని నాయకుల పద్మ అనే బాధితురాలు వాపోయారు. కంటి వెలుగు కార్యక్రమం ప్రకటనలో వేరొకరి భార్యగా చూపించి తమ పరువు తీశారని ఆవేదన వ్యక్తం చేశారు. ప్రభుత్వం నూతనంగా ప్రవేశపెట్టిన రైతుబీమా, కంటివెలుగు పథకాలకు సంబంధించి ఇటీవల ఇచ్చిన పత్రికా ప్రకటనల్లో తప్పిదాలు చోటుచేసుకోవడం, అవి సోషల్‌ మీడియాలో వైరల్‌ కావడంతో బాధిత కుటుంబం ఆదివారం భట్టి విక్రమార్కకు ఫిర్యాదు చేసింది. దీంతో ఆయన ఆదివారం బాధిత కుటుంబంతో కలిసి ఖమ్మం జిల్లా మధిరలోని తన క్యాంపు కార్యాలయంలో విలేకరులతో మాట్లాడారు.
 

మహిళా కానిస్టేబుల్‌ ఆత్మహత్య

Submitted by nanireddy on Sun, 08/19/2018 - 18:24

మహిళా కానిస్టేబుల్‌ ఆత్మహత్య  చేసుకుంది. ఈ ఘటన నిర్మల్‌ జిల్లాలో జరిగింది. మంచిర్యాల జిల్లా జన్నారం మండలంలో ధర్మారం తండాకు చెందిన 26 ఏళ్ల మధురేఖ ప్రస్తుతం కడెం పోలీస్‌ స్టేషన్‌లో విధులు నిర్వహిస్తోంది.. ఇవాళ ఉదయాన్ని విధులు నిర్వర్తించిన తరువాత తన క్వార్టర్స్‌కు వెళ్లిన మధురేఖ.. తరువాత ఎవరితోనూ మాట్లాడలేదు. సహచర కానిస్టేబుళ్లు ఎన్నిసార్లు ఫోన్‌ చేస్తున్నా మధురేఖ స్పందించలేదు.. దీంతో అనుమానం వచ్చి.. ఆమె క్వార్టర్స్‌కు వెళ్లి చూడగా నోట్లోనుంచి నురగలు వస్తుండటంతో తమ.. పై..అధికారులకు సమాచారం అందించారు. అయితే ఆసుపత్రికి వెళ్తున్న మధ్యలోనే మధురేఖ మృతి చెందింది.

మాజీ ఎంపీ. టీఆర్ఎస్ సీనియర్ నాయకుడు మృతి

Submitted by nanireddy on Sun, 08/19/2018 - 12:28

మాజీ ఎంపీ. టీఆర్ఎస్ సీనియర్ నాయకుడు మాణిక్‌రెడ్డి కన్నుమూశారు. గత కొంతకాలంగా అనారోగ్యంతో బాధపడుతున్న ఆయనను.కుటుంబ సభ్యులు ప్రముఖ ఆసుపత్రికి తరలించి చికిత్స అందిస్తున్నారు. అయితే... పరిస్థితి విషమించి నేడు(ఆదిమవారం) తెల్లవారుజామున గుండెపోటుతో తుదిశ్వాస విడిచారు. మాణిక్‌రెడ్డి  ఓ పర్యాయం ఎంపీగా పనిచేసిన మాణిక్‌రెడ్డి అనంతరం మారిన రాజకీయ సమీకరణాల రీత్యా టీఆర్ఎస్ లో చేరారు. కాగా అయన మృతిపట్ల సీఎం కేసీఆర్ సంతాపం తెలిపారు. పలువురు రాజకీయ నేతలు అయన మృతదేహాన్ని సందర్శించి నివాళులు అర్పించారు. ఆయన స్వగ్రామమైన ఆందోల్ మండలం డాకూర్ లో నేడు అంత్యక్రియలు జరుగనున్నాయి.

యాదిగిరిగుట్ట వ్యభిచార ముఠాల ఆగడాలు...ఐదుగురు ఉమెన్‌ ట్రాఫికర్స్‌ అరెస్టు!

Submitted by arun on Sat, 08/18/2018 - 15:48

యాదిగిరిగుట్టలో  వ్యభిచార ముఠాల ఆగడాలు మరో సారి వెలుగుచూశాయి. పట్టణంలోని పలు ప్రాంతాల్లో సోదాలు నిర్వహించిన రాచకొండ పోలీసులు .. చిన్నారులను అక్రమంగా తరలిస్తున్న ఐదుగురు మహిళలను అదుపులోకి తీసుకున్నారు. వీరి నుంచి ఏడుగురు చిన్నారులను పోలీసులు కాపాడారు. అరెస్ట్ అయిన వారిలో ముగ్గురిపై పీడి యాక్ట్‌ కింద కేసులు నమోదు చేసిన పోలీసులు .. ఏడు వ్యభిచార గృహాలను సీజ్ చేశారు.   
 

నగ్నఫొటోలు సోషల్‌ మీడియాలో పెడతానని..చివరకు

Submitted by arun on Sat, 08/18/2018 - 15:19

పవిత్రమైన ప్రేమను సైతం సంపాదనకు మార్గంగా భావించిన ఘటన హైదరాబాద్‌లో వెలుగు చూసింది. నగరంలోని సంపన్న కుటుంబానికి చెందిన యువతికి వినీష్‌ అనే యువకుడు ప్రేమ పేరుతో దగ్గరయ్యారు. యువతి ఫోటోలు సంపాదించిన వినీష్‌ నగ్నంగా మార్ఫింగ్ చేసి  తన ముఠా సభ్యులతో కలిసి బెదిరింపులకు దిగారు. తనకు ఐదు కోట్లు ఇవ్వకపోతే ఆన్‌లైన్‌లో ఫోటోలు పెడతానంటూ యువతి తండ్రిని బెదిరించారు. కోటి రూపాయలకు బేరం కుదర్చుకున్న  తండ్రి ..అడ్వాన్స్‌గా 25 లక్షలు ఇస్తుండగా  ప్రేమికుడు వినీష్‌తో పాటు మరో ఇద్దరు సభ‌్యులను పోలీసులు పట్టుకున్నారు.

Tags