Andhrapradesh

నీటికోసం రోడ్డెక్కిన టీడీపీ నేతలు

Submitted by arun on Mon, 10/15/2018 - 15:05

అనంతపురం జిల్లాలో టీడీపీ నేతల మధ్య వాటర్ వార్‌ రోజురోజుకు పెరుగుతోంది. సాగునీటి కోసం రోజుకో నేత రోడ్డెక్కుతున్నారు. తాజాగా తమ నియోజకవర్గానికి సాగు నీరు విడుదల చేయాలంటూ పుట్టపర్తి రైతులు కలెక్టరేట్‌లో ఆందోళనకు దిగారు. వీరికి మద్ధతుగా స్ధానిక టీడీపీ నేతలు నిరసనకు  దిగారు. వీరి ఆందోళనకు స్ధానిక శాసనసభ్యుడు, ప్రభుత్వ విప్ పల్లె రఘునాధరెడ్డి మద్ధతు పలికారు. హంద్రీ, నీవా కాలువ ద్వారా నీటిని ఒక నియోజకవర్గానికే పరిమితం చేస్తే ఎలా అంటూ రైతులు ప్రశ్నించారు. తమ నియోజకవర్గానికి నీరు వదిలే వరకు ఆందోళన విరమించేది లేదంటూ తేల్చి చెప్పారు. 
 

మీనా ఎన్‌కౌంటర్ బూటకం...మావోల ఆడియో విడుదల

Submitted by arun on Mon, 10/15/2018 - 13:48

మావోయిస్టు మీనా ఎన్‌కౌంటర్‌పై మావోయిస్టు నేతలు ఆగ్రహం వ్యక్తం చేశారు. ఆంధ్రా ఒడిశా బోర్డర్‌లో రెండు రోజుల క్రితం జరిగిన ఎన్‌కౌంటర్‌ బూటకమని మావోయిస్టు కైలాశం తెలిపారు. ఆయన పేరుతో విడుదలైన ఓ ఆడియోలో.. ఎన్‌కౌంటర్‌పై కీలక వ్యాఖ్యలు చేశారు. అది బూటకపు ఎన్‌కౌంటర్ అని.. మావోయిస్టులను పట్టుకుని వచ్చి కాల్చిచంపారని.. ఆరోపించారు. కేవలం ఏవోబీలో భయానక వాతావరణం సృష్టించేందుకే పోలీసులు ప్రయత్నిస్తున్నారని ఆరోపించిన కైలాసం.. ఏవోబీలో మళ్లీ పుంజుకుంటామని తెలిపాడు. 

‘జనసేన’కు పోలీసుల షాక్.. కవాతుకు అనుమతి నిరాకరణ!

Submitted by arun on Mon, 10/15/2018 - 13:19

రాజమండ్రిలో భారీ కవాతు నిర్వహించేందుకు సిద్ధమవుతున్న జనసేన నేతల ఆశలపై పోలీసులు నీళ్లుజల్లారు.  బ్యారేజీ పిట్టగోడలు బలహీనంగా ఉన్న కారణంగా అనుమతి నిరాకరిస్తున్నట్టు రాజమండ్రి అర్బన్ పోలీసులు ప్రకటించారు. పదివేలకు మించి వస్తే ప్రమాదం తప్పదంటూ హెచ్చరించిన ఉన్నతాధికారులు అనుమతి నిరాకరిస్తూ జనసేన నేతలకు నోటీసులు జారీ చేశారు.  మరోచోట కవాతు నిర్వహించుకుంటే తమకు ఎలాంటి అభ్యంతరం లేదంటూ స్పష్టం చేశారు. అయితే ముందుగా అనుమతినిచ్చి తరువాత ఎలా రద్దు చేస్తారంటూ కార్యకర్తలు పోలీసులతో వాగ్వాదానికి దిగారు. ప్రభుత్వ పెద్దల ఒత్తిడి మేరకే అనుమతి నిరాకరించారంటూ ఆరోపణలు గుప్పించారు.  
 

మంత్రి కాలువ ఇంటి వద్ద ఉద్రిక్తత

Submitted by arun on Mon, 10/15/2018 - 12:24

అనంతపురంలో మంత్రి కాల్వ శ్రీనివాసులు ఇంటిని మున్సిపల్ కార్మికులు ముట్టడించారు. తమ సమస్యలు పరిష్కరించాలంటూ గత కొద్ది కాలంగా నిరసన దీక్షలు చేస్తున్న పట్టించుకోవడం లేదంటూ ఆగ్రహం వ్యక్తం చేశారు. ఈ సందర్భంగా మంత్రి ఇంట్లోకి వెళ్లేందుకు ప్రయత్నించిన కార్మికులను పోలీసులు అడ్డుకున్నారు. దీంతో ఇరు వర్గాల మధ్య తోపులాట చోటు చేసుకుంది. మహిళా కార్మికులను బలవంతంగా అరెస్ట్ చేసేందుకు ప్రయత్నించడంతో ఉద్రిక్తత చెలరేగింది. ఈ ఘటనలో పలువురు కార్మికులు గాయపడ్డారు. 

పీకే ఏకేస్తే.. ఎదురుగాలి ఉండదట...ఎదురుగాలికి తట్టుకునే గెలుపుగుర్రాలు

Submitted by arun on Mon, 10/15/2018 - 11:58

వచ్చే ఎన్నికల్లో గెలుపు గుర్రాలపై వైసీపీ అధినేత జగన్మోహన్‌‌రెడ్డి కసరత్తు చేస్తున్నారు. అభ్యర్ధుల విషయంలో ఆచితూచి అడుగులేస్తున్న జగన్‌ వీక్‌గా ఉన్నచోట నిర్ధాక్షిణ్యంగా నియోజకవర్గ ఇన్‍ఛార్జులను మార్చేస్తున్నారు. ఇప్పటికే పలు జిల్లాల్లో మార్పులు చేర్పులు చేపట్టిన జగన్‌ ఇప్పుడు గుంటూరు జిల్లాపై ఫోకస్‌ పెట్టారు.

జనసేన కవాతు...రాజమండ్రి చేరుకున్న హైపర్ ఆది

Submitted by arun on Mon, 10/15/2018 - 11:17

జనసేన అధినేత పవన్ కళ్యాణ్ చేపట్టిన కవాతులో పాల్గొనేందుకు అభిమానులు, పార్టీ కార్యకర్తలు పెద్ద ఎత్తున తరలివస్తున్నారు. పవన్ హార్డ్‌కోర్ ఫ్యాన్‌గా గుర్తింపు పొందిన హైపర్ ఆది కూడా ఈ కార్యక్రమంలో పాల్గొనేందుకు రాజమండ్రి చేరుకున్నారు. పవన్‌ చేపట్టిన ఈ యాత్రలో  కార్యకర్తలతో కలిసి పాల్గొంటానంటూ ఆది ప్రకటించారు. ప్రజా పోరాట యాత్రలో భాగంగా జనసేనాని కాసేపట్లో భారీ కవాతు నిర్వహించనున్నారు. మధ్యాహ్నం ధవళేశ్వరం బ్రిడ్జీపై జనసేన కవాతు జరగనుంది. ఇందుకోసం భారీ ఏర్పాట్లు చేస్తున్నారు.

ధవళేశ్వరం బ్రిడ్జిపై సేనాని కవాతు

Submitted by arun on Mon, 10/15/2018 - 10:07

జనసేన కదం తొక్కనుంది. జనసైనికులు పవన్ అడుగులో అడుగు వేయనున్నారు. ప్రజా పోరాట యాత్రలో భాగంగా.. జనసేనాని కాసేపట్లో భారీ కవాతు నిర్వహించనున్నారు. మధ్యాహ్నం ధవళేశ్వరం బ్రిడ్జీపై జనసేన కవాతు జరగనుంది. ఇందుకోసం భారీ ఏర్పాట్లు చేస్తున్నారు. 

పిచ్చుకలంక నుంచి ధవళేశ్వరం దగ్గర గోదావరి నదిపై ఉన్న సర్‌ ఆర్థర్‌ కాటన్‌ విగ్రహం వరకు నిర్వహించనున్న ఈ కవాతు కోసం జనసేన సైనికులు పెద్ద ఎత్తున తరలివస్తున్నారు. ఈ కవాతులో 2 లక్షల మంది పవన్‌ అభిమానులు పాల్గొంటారని తెలుస్తోంది. స్థానికులతో పాటు.. వివిధ జిల్లాల నుంచి కూడా భారీ సంఖ్యలో ఫ్యాన్స్‌ తరలివస్తారని అంచనా వేస్తున్నారు. 

పవన్‌ కళ్యాణ్‌తో పనిచేసేందుకు సిద్ధమైన చలమలశెట్టి సునీల్

Submitted by arun on Mon, 10/15/2018 - 10:02

జనసేన లోకి వలసలు పెరుగుతున్నాయి. వివిధ పార్టీలకు చెందిన ప్రముఖ నేతలు పవన్‌ కళ్యాన్‌తో కలిసి పనిచేసందుకు ముందుకు వస్తున్నారు. నిన్న మొన్నటి వరకు వైఎస్ఆర్ కాంగ్రెస్ పార్టీ లో ఉన్న చలమలశెట్టి సునీల్ తాజాగా జనసేన లోకి రంగ ప్రవేశం చేయనున్నారు. ఇప్పటికే ఆయన పలు సార్లు జనసేన తో కలిసి పార్టీలో చేరేందుకు సుముఖత వ్యక్తం చేశారు.

జగన్‌ను కలిసిన మాజీ ఎమ్మెల్యే

Submitted by nanireddy on Sun, 10/14/2018 - 09:00

వైసీపీ అధినేత, ఆంధ్రప్రదేశ్ ప్రధాన ప్రతిపక్షనేత వైయస్ జగన్‌మోహన్‌రెడ్డిని గజ పతినగరం మాజీ ఎమ్మెల్యే తాడ్డి సన్యాసప్పలనాయుడు కలిశారు. ప్రజాసంకల్ప యాత్రలో భాగంగా గజపతినగరంలో ఏర్పాటు చేసిన జగన్ శిబిరం వద్ద శనివారం ఉదయం జగన్‌మోహన్‌రెడ్డిని కలిశారు. ఈ సందర్భంగా తాడ్డి సన్యాసప్పలనాయుడును ఆరోగ్యం ఎలా ఉందంటూ జగన్‌మోహన్‌రెడ్డి అడిగారు. అయన బాగానే ఉందని సమాధానమిచ్చారు. 2004 నుంచి వైయస్ అంటే తమకు ఎంతో అభిమానమని, మీ కుటుంబానికి ఎప్పుడూ మా అండదండలు ఉంటాయని జగన్‌మోహన్‌రెడ్డికి మాజీ ఎమ్మెల్యే సన్యాసప్పలనాయుడు తెలిపారు.

ఐటీ దాడులపై పవన్‌ కామెంట్‌

Submitted by arun on Sat, 10/13/2018 - 15:06

ఐటీ దాడులపై జనసేన అధినేత పవన్‌ కల్యాణ్‌ స్పందించారు. సీఎం కార్యాలయంలో సోదాలు జరిగితే స్పందిస్తాం కానీ, ఎవరో రాజకీయ నాయకులు, ప్రైవేట్‌ వ్యక్తులపై ఐటీ దాడులు జరిగితే స్పందించాలా? అని ప్రశ్నించారు. హోదాపై సీఎం 14 సార్లు మాట మార్చారని ఆరోపించిన పవన్‌ చంద్రబాబు అనుభభవం మాటలు మార్చడానికే ఉపయోగపడుతుందన్నారు. మోడీ తనకు బంధువు కాదని, బీజేపీకి జనసేనకు ఎలాంటి సంబంధం లేదని పవన్‌ స్పష్టం చేశారు.