Andhrapradesh

వైసీపీ నేత బాలినేనికి తప్పిన పెను ప్రమాదం...

Submitted by arun on Wed, 08/22/2018 - 13:00

మాజీ మంత్రి, వైసీపీ ఎమ్మెల్యే బాలినేని శ్రీనివాస్ రెడ్డికి తృటిలో పెను ప్రమాదం తప్పింది. ఈ ఉదయం ఆయన తన కారులో ఒంగోలు నుంచి త్రోవగుంటకు వెళ్లే రోడ్డుపై ప్రయాణిస్తున్నారు. త్రోవగుంటకు వచ్చేసరికి కారు టైరు పేలిపోయింది. దీంతో, అదుపు తప్పిన కారు రోడ్డు పక్కకు దూసుకుపోయింది. కాగా... అదే సమయంలో అటుగా మోటార్ సైకిల్‌పై వెళుతున్న మార్నేని ఆంజనేయులు అనే వ్యక్తికి కారు ఢీకొనడంతో అతనికి తీవ్ర గాయాలయ్యాయి. అనంతరం అతన్ని చికిత్స నిమిత్తం ఆసుపత్రికి తరలించారు.
 

వరద నీటిలో కొట్టుకొచ్చి... ఓ ఇంట్లోకి దూరిన పాము

Submitted by arun on Wed, 08/22/2018 - 10:37

ఒకవైపు వరద నీటిలో మగ్గుతుంటే మరోవైపు ఆ వరద నీటిలో కొట్టుకొస్తున్న విష సర్పాలు ప్రజలను తీవ్ర భయాందోళనలకు గురిచేస్తున్నాయి. వరద నీటిలో కొట్టుకొచ్చి ఇళ్లల్లోకి ప్రవేశిస్తున్న విష సర్పాలతో కృష్ణా, ఉభయగోదావరి జిల్లాల్లో పలువురు బలైపోయారు. తాజాగా తూర్పుగోదావరి జిల్లా అయినవిల్లి మండలం వీరవల్లిపాలెంలో ఓ ఇంట్లోకి ప్రవేశించిన నాగుపాము బుసలు కొడుతూ ఇంట్లోని వారందరినీ భయపెట్టింది. విద్యుత్ సరఫరా లేక చీకట్లో మగ్గుతోన్న జనాన్ని నాగుపాము బెంబేలెత్తించింది. మూడు గంటలపాటు ఇంట్లోనే తిష్టవేయడంతో ఆ ఇంటి వాసులకు చుక్కలు కనిపించాయి. చివరికి స్నేక్ క్యాచర్ ఆ పామును పట్టుకుని అటవీ అధికారులకు అప్పగించాడు. 

విద్యార్ధినిని గర్భవతిని చేసిన ఉపాధ్యాయుడు....టీచర్‌ను బట్టలూడదీసి ఊరేగించారు..

Submitted by arun on Wed, 08/22/2018 - 10:07

పవిత్రమైన వృత్తిలో ఉంటూ దారితప్పిన ఉపాధ్యాయుడికి స్ధానికులు దేహశుద్ది చేసి నగ్నంగా తిప్పిన ఘటన పశ్చిమ గోదావరి జిల్లా ఏలూరులో జరిగింది. స్ధానికంగా ఉండే ఓ ప్రయివేటు కళాశాలలో ఇంగ్లీష్ ఉపాధ్యాయుడిగా ఉన్న రాంబాబు పాలిటెక్నిక్ సెకండ్ ఇయర్ చదువుతున్న విద్యార్ధినిపై గత కొద్ది కాలంగా అత్యాచారానికి పాల్పడుతున్నారు. విషయం బయటచెబితే చంపేస్తానంటూ బెదిరిస్తూ తన కోరిక తీర్చుకుంటున్నాడు. అయితే ఇటీవల విద్యార్ధిని గర్భం దాల్చడంతో  అబార్షన్ చేసేందుకు మందులు ఇచ్చాడు. ఇవి వికటించడంతో విషయం వెలుగు చూసింది.  రాంబాబు ఆగడాన్ని తెలుసుకుని ఆగ్రహానికి గురైన స్ధానికులు, చుట్టుపక్కల వారు ఒక్కసారిగా దాడికి దిగారు.

కాలేజీ విద్యార్ధిని లైంగికంగా వేధించిన ప్రిన్సిపల్

Submitted by arun on Wed, 08/22/2018 - 09:54

విశాఖలోని విశాఖ ఒకేషనల్‌ కాలేజ‌్‌ దగ్గర తీవ్ర ఉద్రిక్తత నెలకొంది. విద్యాబుద్ధులు నేర్పాల్సిన ప్రిన్సిపల్‌ తమను లైంగికంగా వేధిస్తున్నాడంటూ విద్యార్ధినులు ఆందోళనకు దిగారు. సూటిపోటీ మాటలతో  చీటికి మాటికి తమను వేధిస్తున్న  ప్రిన్సిపల్‌కు దేహశుద్ధి చేసి పోలీసులకు పట్టించారు.  ప్రిన్సిపల్‌పై కఠిన చర్యలు తీసుకోవాలంటూ ఆందోళనకు దిగిన స్ధానికులు కాలేజీలోని ఫర్నిచర్‌ను ధ్వంసం చేశారు. విషయం తెలుసుకుని కాలేజీ దగ్గరకు వచ్చిన ప్రిన్సిపల్ భార్య  కాలేజీలో  గత కొద్ది కాలంగా అక్రమాలు జరుగుతున్నాయంటూ ఆరోపించారు. మహిళా ఉద్యోగితో కలిసి తన భర్త అరాచకాలు చేస్తున్నారంటూ ఆగ్రహం వ్యక్తం చేశారు.  

ఏపీలో విస్తారంగా వర్షాలు

Submitted by nanireddy on Tue, 08/21/2018 - 18:50

నాలుగు రోజులనుంచి కురుస్తున్న వర్షాలకు గోదావరి, కృష్ణా, గుంటూరు జిల్లాల్లో జనజీవనం స్తంభించింది. కొన్నిచోట్ల వర్షాలు తగ్గుముఖం పట్టినా.. వరద ఇబ్బందులు కొనసాగుతున్నాయి. ముఖ్యంగా గోదావరి ఉగ్రరూపానికి లోతట్టు ప్రాంతాలు చిగురుటాకులా వణికిపోతున్నాయి. లంక గ్రామాల ప్రజలు బిక్కుబిక్కుమంటూ కాలం వెళ్లదీస్తున్నారు. కోనసీమలో 9 పునరావాస కేంద్రాలు ఏర్పాటు చేశారు. అలాగే భారీ వర్షాలతో రాజమండ్రిలో గోదావరి నది ఉధృతంగా ప్రవహిస్తోంది. ఆలమూరు మండలం బడుగువాని లంక, తోక లంక, కేదార లంకలు వరద నీటిలోనే నానుతున్నాయి. ముమ్మిడి వరం మండలంలోని పది గ్రామాల ప్రజలు వరదనీటిలోనే ఇబ్బందులు పడుతున్నారు.

చంద్రగిరిలో అనూహ్య మలుపు.. అప్రమత్తమైన అధిష్టానం

Submitted by nanireddy on Tue, 08/21/2018 - 18:42

ఎన్నికలు దగ్గరపడుతున్న కొద్ది పార్టీలు ప్రణాళికలను సంసిద్ధం చేసుకుంటున్నారు. ఓటర్లను ప్రసన్నం చేసుకునేందుకు నేతలు ఎవరిదారి వారు చూసుకుంటున్నారు. ఇక చిత్తూరు జిల్లా  చంద్రగిరిలో అప్పుడే రాజకీయ వాతావరణం వేడెక్కుతోంది. గడిచిన ఎన్నికల్లో వైసీపీనుంచి డాక్టర్ చెవిరెడ్డి భాస్కర రెడ్డి గెలిచారు. టీడీపీ తరుపున మాజీ మంత్రి గల్లా అరుణకుమారి పోటీ చేసి ఓటమి చెందారు. అయితే ఈసారి కూడా ఎలాగైనా  గెలవాలన్న పట్టుదలతో ఉన్నాడు చెవిరెడ్డి భాస్కరరెడ్డి అందులో భాగంగా ఇప్పటినుంచే రాజకీయం మొదలుపెట్టాడు.  ఇటీవల కొంత మంది మహిళా సంఘాల సభ్యుల వ్యక్తిగత ఖాతాల్లోకి డబ్బులు రావడం రాజకీయంగా ప్రకంపనలు సృష్టించింది.

జగన్ కి టీడీపీ ఎమ్మెల్యే సవాల్

Submitted by arun on Tue, 08/21/2018 - 14:43

పాయకరావుపేట నియోజకవర్గ కోటవురట్లలో వైసీపీ అధినేత జగన్ చేసిన ఆరోపణలపై టీడీపీ ఎమ్మెల్యే అనిత మండిపడ్డారు. ఈ ఆరోపణలపై జగన్ బహిరంగ చర్చకు సిద్ధమా? అని సవాల్ విసిరారు. జగన్మోహన్ రెడ్డి పాయకరావు పేట నియోజకవర్గ కోటవురట్లలో ప్రజలను ఉద్దేశించి మాట్లాడుతూ.. అధికార పార్టీపై పలు ఆరోపణలు చేశారు. కాగా..దీనిపై మంగళవారం ఎమ్మెల్యే అనిత మీడియాతో మాట్లాడారు. పచ్చకామెర్ల వాడికి లోకమంతా పచ్చగా కనిపిస్తున్నట్లు అవినీతి పరులకు అవునీతి తప్ప రాష్ట్రంలో జరిగిన అభివృద్ధి కనపడడంలేదని విమర్శించారు. లేని పోనీ ఆరోపణలు చేస్తే ఊరుకునేది లేదని ఆమె అన్నారు.

వైసీపీకి షాక్.....జనసేనలోకి సీనియ‌ర్ నేత...

Submitted by arun on Tue, 08/21/2018 - 12:18

ప్ర‌స్తుతం ఆంధ్ర‌ప్ర‌దేశ్ రాజ‌కీయాల్లో వ‌ల‌స‌లు ఆస‌క్తిక‌రంగా మారాయి. ఎన్నిక‌ల‌కు స‌మయం ద‌గ్గ‌ర ప‌డుతున్న నేప‌థ్యంలో ఒక పార్టీ నుంచి మ‌రోక పార్టీలోకి వ‌ల‌స‌ల ప‌ర్వం కొన‌సాగుతోంది. రాజ‌కీయ నేత‌లు వ‌రుస‌పెట్టి ఒక పార్టీ నుంచి మ‌రోక పార్టీలోకి జంప్ అవుతున్నారు. గ‌త కొద్ది రోజులుగా జ‌రుగుతున్న ప‌రిణామాల‌ను గ‌మ‌నిస్తే ప్ర‌తిప‌క్ష వైఎస్సార్ కాంగ్రెస్ పార్టీ నుంచి అధికార తెలుగుదేశం పార్టీలోకి, జ‌న‌సేన‌లోకి వ‌ల‌స‌లు కొన‌సాగుతున్నాయి. ప్ర‌ధానంగా ఉభ‌య‌గోదావ‌రి జిల్లాల‌లో వైసీపీ నుంచి జ‌న‌సేన‌లోకి క్యూ క‌డుతున్నారు నేత‌లు. దీంతో గోదావ‌రి జిల్లాల‌లో వైసీపీకి షాక్ ల మీద షాక్‌లు త‌గులుతున్నాయి.

2వేల నోటు రద్దు చేయాలి: లోకేశ్‌

Submitted by arun on Tue, 08/21/2018 - 09:06

రూ.2 వేల నోట్లను రద్దు చేయాలని ఏపీ మంత్రి నారా లోకేశ్ డిమాండ్ చేశారు. దేశంలో రూ.500కు మించి పెద్ద నోటు ఉండకూడదన్నది తమ విధానమని, రూ.2 వేల నోటు వల్ల దేశంలో అవినీతి మరింత పెరిగే అవకాశం ఉందని నారా లోకేశ్ ఈ సందర్భంగా ఆందోళన వ్యక్తం చేశారు.  సచివాలయంలో ఐసీఐసీఐ బ్యాంకు శాఖను సోమవారం ఆయన ప్రారంభించారు. ఈ సందర్భంగా మాట్లాడుతూ... పెద్దనోట్ల రద్దు కోసం 2012 నుంచి సీఎం చంద్రబాబు పోరాటం చేస్తున్నారని చెప్పారు. గతంలో తాను నగదు బదిలీ పథకం అంటే అందరూ నవ్వారని, ఇప్పుడు అదే దేశానికి మార్గదర్శకం కాబోతుందన్నారు.

ఐదు పెళ్లిళ్లు చేసుకొని వదిలేశారు: వైఎస్‌ జగన్‌

Submitted by nanireddy on Mon, 08/20/2018 - 19:14

విశాఖ జిల్లాలో 241వ రోజు ప్రజాసంకల్పయాత్రలో భాగంగా వైసీపీ అధినేత వైయస్ జగన్  కోటవురట్ల బహిరంగ సభలో పాల్గొన్నారు. ఈ సందర్బంగా ప్రజలనుద్దేశించి మాట్లాడిన జగన్ ప్రభత్వంపై విరుచుకుపడ్డారు. టీడీపీ పాలనలో చెరకు రైతులు బాధపడుతున్నారు. అదేంటో ఆయన ముఖ్యమంత్రి  కాగానే షుగర్‌ ఫ్యాక్టరీలు నష్టాల బాట పడుతాయి. ఇప్పటికే విశాఖ జిల్లాలోని మూడు షుగర్‌ ఫ్యాక్టరీలను మూసేశారు. ఇక తాండవ, ఏటికొప్పాక, చోడవరం షుగర్‌ ఫ్యాక్టరీలు నష్టాల్లో ఉన్నాయన్నారు. ముఖ్యమంత్రి చంద్రబాబు పథకం ప్రకారం అన్నింటిని నష్టాల బాట పట్టిస్తారు. ఏటికొప్పాక ఫ్యాక్టరీ 5 వేల మంది చెరకు రైతులకు బకాయి పడింది.