RX 100...ఆత్రేయపురం టూ ముంబై

Submitted by arun on Sat, 07/21/2018 - 12:58
RX 100

టాలీవుడ్‌లో ఈ మధ్య విడుదలైన ఆర్ఎక్స్ 100 చిత్రం ప్రేక్షకులను విశేషంగా ఆకట్టుకుంటోంది. అయితే ఈ చిత్రాన్ని హిందీలో తెరకెక్కించే ప్రయత్నాలు జరుగుతున్నాయి. ఈ ప్రయత్నానికి పూనుకుంది ఎవరో కాదు. విలక్షణ దర్శకుడు రామ్ గోపాల్ వర్మ. ఈ విషయాన్ని వర్మ తన  ట్విటర్ ద్వారా తెలిపాడు.

‘కంగ్రాచ్యూలేషన్‌ అజయ్‌ భూపతి.. నీ సూపర్‌ బ్లాక్‌ బస్టర్‌ ఆర్‌ఎక్స్‌ 100 ఆత్రేయపురం నుంచి ముంబైకి చేరుకుంది. హిందీలో ఫాంటోమ్‌ ప్రొడక్షన్‌లో మధు మంతెన ఈ చిత్రాన్ని నిర్మించబోతున్నారు(అమీర్‌ ఖాన్‌ గజిని నిర్మాతల్లో ఒకరు)’ అని వర్మ తెలియజేశారు. అయితే పాత్రధారులు తదితర వివరాలు తెలియాల్సి ఉంది. అన్నట్లు డైరెక్టర్‌ అజయ్‌ భూపతి వర్మ శిష్యుల్లో ఒకరు అన్న విషయం తెలిసిందే. కార్తికేయ, పాయల్‌ రాజ్‌పుత్‌ జంటగా రావు రమేశ్, ‘సింధూర పువ్వు’ రాంకీ ముఖ్య పాత్రల్లో అజయ్‌ దర్శకత్వంలో తెరకెక్కిన చిత్రం ‘ఆర్‌ఎక్స్‌ 100’. బోల్డ్‌ కంటెంట్‌గా తెరకెక్కిన ఈ చిత్రం దాదాపుగా రూ. 12 కోట్లకు పైగా వసూళ్లు రాబట్టి సెన్సేషన్‌గా నిలిచింది. 

English Title
RX 100 movie Remake in bollywood

MORE FROM AUTHOR

RELATED ARTICLES