కాంగ్రెస్ అభ్యర్ధుల జాబితా రేపు విడుదల చేస్తాం

తెలంగాణ కాంగ్రెస్ తొలి జాబితాను విడుదల చేసిందంటూ వస్తున్న వార్తల్లో నిజం లేదని టిపిసిసి చీఫ్ ఉత్తమ్ కుమార్ రెడ్డి స్పష్టం చేశారు. కాంగ్రెస్ ఎమ్మెల్యే ల అభ్యర్థుల జాబితా అంశాలపై సంప్రదింపులు, చర్చలు కొనసాగుతున్నాయని జాబితాపై ఇంకా తుది నిర్ణయం తీసుకోలేదని ఉత్తమ్ క్లారిటీ ఇచ్చారు. కాంగ్రెస్ అభ్యర్థుల జాబితా రేపు విడుదల చేస్తామని తెలిపారు. న్యూస్ ఛానల్స్ లో సామాజిక మాధ్యమాల్లో , పత్రికల్లో వస్తున్న జాబితాలు నిజం కాదని తేల్చి చెప్పారు. ప్రచారంలో ఉన్న జాబితాలు నిజం కాదని నాయకులు, కార్యకర్తలు వాటిని నమ్మవద్దని ఉత్తమ్ కుమార్ కోరారు.