క్యాన్సర్‌తో పోరాడుతున్న సోనాలి బింద్రే..‌..

క్యాన్సర్‌తో పోరాడుతున్న సోనాలి బింద్రే..‌..
x
Highlights

సోనాలీ ఫ్యాన్స్‌కు ఇది షాకింగ్‌ న్యూస్‌. నిజంగా వెరీ బ్యాడ్‌ న్యూస్‌. తన అందాలతో టాలీవుడ్‌, బాలీవుడ్‌‌ను ఊపేసిన సోనాలి ఉన్నట్టుండి ఓ షాకింగ్‌ న్యూస్‌...

సోనాలీ ఫ్యాన్స్‌కు ఇది షాకింగ్‌ న్యూస్‌. నిజంగా వెరీ బ్యాడ్‌ న్యూస్‌. తన అందాలతో టాలీవుడ్‌, బాలీవుడ్‌‌ను ఊపేసిన సోనాలి ఉన్నట్టుండి ఓ షాకింగ్‌ న్యూస్‌ బయటపెట్టింది. తాను హై గ్రేడ్‌ క్యాన్సర్‌తో బాధపడుతున్నట్లు సోనాలీ బింద్రే ట్విట్‌ చేసింది. వైద్యుల సలహా మేరకు హైగ్రేడ్‌ క్యాన్సర్‌కు చికిత్స చేయించుకునేందుకు న్యూయార్క్‌కు వెళ్తున్నట్లు సోనాలీ బింద్రే తన ట్విట్టర్‌లో తెలిపింది. క్యాన్సర్‌ చికిత్సలో ఎదురయ్యే ప్రతి సవాల్‌ను ధైర్యంగా ఎదుర్కొంటానని చెప్పింది. క్యాన్సర్ విషయం తెలియగానే కుటుంబసభ్యులు, సన్నిహతులు తనకు సపోర్ట్ చేశారని తెలిపింది. క్యాన్సర్‌ నుంచి తాను క్షేమంగా బయటపడాలని ప్రార్థించిన ప్రతి ఒక్కరికి ధన్యవాదాలు చెప్పింది సోనాలీ బింద్రే.

ప్రేక్షకుల మనసు దోచుకున్న అందాలతార తెలుగులో చేసింది కొన్ని సినిమాలే అయినా ఆమె అందంతో ఆడియన్స్ ని మంత్ర ముగ్దుల్ని చేసింది. హీరోలతో పోటీపడి నటించి తనదైన గుర్తింపు తెచ్చుకుంది. తన అందం, అభినయంతో అంతులేని అభిమానాన్ని సంపాదించుకున్న హీరోయిన్ సొనాలి బింద్రె. 2001లో మహేశ్ బాబు హీరోగా నటించిన మురారి సినిమాతో తెలుగు తెరకు హీరోయిన్‌గా సోనాలి బెంద్రే పరిచయం అయ్యింది. తొలి సినిమాతోనే ప్రేక్షకుల మనస్సు దోచుకుంది. ఆ తర్వాత చిరంజీవి, బాలకృష్ణ, నాగార్జున లాంటి టాప్ హీరోల సినిమాల్లో హీరోయిన్‌గా నటించి మెప్పించింది.

2002లో మెగాస్టార్ చిరంజీవి సరసన ఇంద్ర సినిమాలో నటించి స్టార్ హీరోయిన్‌గా గుర్తింపు తెచ్చుకుంది సోనాలి బెంద్రె. ఆ తర్వాత శంకర్ దాదా ఎంబిబిఎస్ సినిమాలో మరోసారి చిరంజీవితో కలిసి నటించి లక్కీ హీరోయిన్ గా పేరుతెచ్చుకుంది. ఖడ్గం సినిమాలో చేసింది చిన్న క్యారెక్టరే అయినా సోనాలి అందానికి తెలుగు ప్రేక్షకులు ఫిదా అయ్యారు. నాగార్జునతో కలిసి నటించిన మన్మధుడు సినిమా సోనాలి కెరీర్‌లోనే అందమైన సినిమాగా నిలిచిపోయింది. సోనాలిబెంద్రే యాక్టింగ్‌కి తెలుగు ఆడియన్స్ మంత్రముగ్దులయ్యారు. తెలుగులో సోనాలి బెంద్రె నటించిన సినిమాల్లో ఒక్క పల్నాటి బ్రహ్మనాయుడు తప్ప మిగిలిన సినిమాలన్నీ సూపర్ హిట్సే.

మురారి సినిమా కంటే ముందే తమిళ డైరెక్టర్ శంకర్ డైరెక్షన్‌లో వచ్చిన డబ్బింగ్ సినిమా ప్రేమికుల రోజు సినిమాతో సోనాలి బెంద్రే తెలుగు ఆడియన్స్‌కి పరిచయం అయ్యింది. మ్యూజికల్ హిట్ గా నిలిచిన ప్రేమికుల రోజు సినిమాలో సోనాలి అందమైన అభినయం ఆమెకు దేశవ్యాప్తంగా అభిమానుల్ని సంపాదించిపెట్టింది. ప్రస్తుతం సోనాలి బెంద్రే న్యూయార్క్ లో క్యాన్సర్ వ్యాధికి చికిత్స తీసుకుంటోంది. తాను క్యాన్సర్ వ్యాధితో బాధపడుతున్నాని సోనాలి సోషల్ మీడియాలో షేర్ చేసుకోవడంతో బాలివుడ్ తో పాటు టాలివుడ్ దిగ్భ్రాంతికి గురయ్యింది. సొనాలి త్వరగా కోలుకోవాలని అభిమానులు ట్విట్టర్ లో కామెంట్లు పెడుతున్నారు. బాలీవుడ్ హీరోయిన్‌ మనీషా కోయిరాలా, అలనాటి తెలుగు హీరోయిన్‌ గౌతమి, లీసారేలు క్యాన్సర్‌ బారిన పడ్డారు. న్యూయార్క్‌లో కఠినమైన ట్రీట్‌మెంట్‌ తీసుకొని క్యాన్సర్‌‌ను జయించారు మనీషా కోయిరాలా, గౌతమి. ప్రస్తుతం వీరిద్దరూ సినిమాలు చేసుకుంటున్నారు.

Show Full Article
Print Article
Next Story
More Stories