వ్యవసాయ బడ్జెట్‌లో ప్రధానాంశాలు

రైతుల ఆదాయాన్ని 2022 నాటికి రెట్టింపు చేయడమే తమ ప్రభుత్వ లక్ష్యమని ఆంద్రప్రదేశ్‌ వ్యవసాయ శాఖ మంత్రి సోమిరెడ్డి చంద్రమోహన్‌రెడ్డి స్పష్టం చేశారు. 2018-19 ఆర్థిక సంవత్సరానికి సంబంధించి వ్యవసాయ బడ్జెట్‌ను ఈరోజు ఆయన శాసనసభలో ప్రవేశపెట్టారు.

- రూ.19 వేల కోట్లతో వ్యవసాయానికి ప్రత్యేక బడ్జెట్
- ఏపీ అసెంబ్లీలో ప్రవేశపెట్టిన మంత్రి సోమిరెడ్డి చంద్రమోహన్ రెడ్డి
- 2022 రైతు ఆదాయం రెట్టింపు దిశగా పనిచేస్తున్నాం
- ఉత్పాదకత పెంచుతూ.. సాగు ఖర్చులు తగ్గించేందుకు కృషి
- రైతు ముఖంలో సంతోషం చూడాలన్నదే ప్రభుత్వ లక్ష్యం
-29 శాతం అధికంగా మొక్కజొన్న ఉత్పత్తి
- అత్యధిక ఉత్పాదకత సాధించే లక్ష్యంతో ముందుకు సాగుతున్నాం
- సరైన ప్రణాళికలతో రైతుల ఆదాయాన్ని సుస్థిర పరిచాం
- ప్రతీ రైతుకు భూసార కార్డులు అందించే లక్ష్యంతో పనిచేస్తున్నాం
- మొదటి విడతలో రైతులకు 54.27 లక్షల కార్డులు అందించాం
- ఈ పథకం అమలులో దేశంలోనే ఏపీ మొదటి స్థానంలో ఉంది
-100 శాతం రాయితీతో రైతులకు సూక్ష్మ పోషకాలు అందిస్తున్నాం
- ఆధార్ అనుసంధానం ద్వారా రాయితీ విత్తనాలు పంపిణీ చేస్తున్నాం
- రాష్ట్రాన్ని విత్తన హబ్‌గా మార్చేందుకు చర్యలు చేపట్టాం
- ఇందు కోసం కర్నూలు జిల్లా తంగడంచలో మెగా సీడ్ పార్క్ ఏర్పాటు చేశాం
- మెగా సీడ్ పార్క్ కోసం రూ.100 కోట్ల కేటాయింపు
- 90 శాతం రాయితీతో వేరుశనగ విత్తనాలు సరఫరా చేశాం
- ఉత్తరాంధ్రలో ఉత్పాదకత పెంచేందుకు ప్రత్యేక సమావేశాలు ఏర్పాటు చేశాం
- రాష్ట్రాన్ని ఆర్గానిక్ హబ్‌గా మార్చే దిశగా వెళ్తున్నాం
- 2022 నాటికి 5 లక్షల హెక్టార్లలో ప్రకృతి సాగు లక్ష్యం
- 5 లక్షల మంది రైతులను భాగస్వాములను చేస్తాం
- ఉత్పాదకత పెంచే క్రమంలో యాంత్రీకరణను ప్రోత్సహిస్తున్నాం
- ఉభయగోదావరి జిల్లాల్లో కస్టమ్ హైరింగ్ సెంటర్స్ ఏర్పాటు చేశాం
- సమర్థనీటి వినియోగంతో ఉత్పాదకత పెరిగింది
- 2017-18 ఏడాదికి రుణ లక్ష్యం రూ.63 వేల కోట్లు
- రూ.60 వేల కోట్ల రుణాలు పంపిణీ చేశాం
- రుణ పంపిణీలో 91 శాతం మేర లక్ష్యం పూర్తైంది
- సకాలంలో చెల్లించిన వారికి వడ్డీ లేకుండా రూ.లక్ష వరకు రుణం
- 7 లక్షల మంది కౌలు రైతులకు ఇప్పటి వరకు రుణాలు అందాయి
- పొలం పిలుస్తోంది, చంద్రన్న రైతు క్షేత్రాల ద్వారా రైతులకు అవగాహన
- 2017-18లో 16 లక్షల మంది రైతులు పంటల బీమా చేసుకున్నారు
- పంటల బీమాను రైతుల దగ్గరకు తీసుకెళ్లేందుకు సవరణలు చేశాం
- 2017-18లో అపరాల ఉత్పత్తి గణనీయంగా పెరిగింది
- వరి, వేరుశనగ, రాగి, మొక్కజొన్నలో అభివృద్ధి చెందిన..
17 విత్తన రకాలు విడుదలకు సిద్ధంగా ఉన్నాయి
- ఆంగ్రూలో ప్రాసెసింగ్ కేంద్రాన్ని నెలకొల్పాం
- వ్యవసాయ పంటల కంటే.. ఉద్యాన పంటల్లోనే ఎక్కువ ఆదాయం
- రాష్ట్రాన్ని ఉద్యాన హబ్‌గా మార్చేందుకు యత్నిస్తున్నాం
- కోటి ఎకరాల్లో ఉద్యాన పంటలు పెంచే దిశగా ముందుకు వెళ్తున్నాం
- రెండంకెల వృద్ధి సాధించడానికి ఉద్యాన రంగాన్ని ప్రత్యేకంగా ఎంచుకున్నాం
- పంట నాణ్యతా ప్రమాణాలు పెంచేందుకు వివిధ సంస్థలతో ఒప్పందాలు
- రాబోయే మూడేళ్లలో 1000కి పైగా రైతు ఉత్పత్తిదారుల సంఘాల ఏర్పాటు
- ఇందులో 10 లక్షల మంది రైతులను సభ్యులుగా చేర్చబోతున్నాం
- ఆర్.కె.వి.వై ద్వారా కూరగాయల ఉత్పత్తి పెంచేందుకు ప్రోత్సహిస్తున్నాం
- రాష్ట్రంలో పశుగణాభివృద్ధి కోసం ఒంగోలు, పుంగనూరు జాతుల వీర్యాన్ని పంపిణీ చేశాం
- రొయ్యల ఉత్పత్తిలో ఏపీ ప్రథమ స్థానంలో ఉంది
- ఏపీని ప్రపంచ ఆక్వా హబ్‌గా మార్చేందుకు మా ప్రభుత్వం కృషి చేస్తోంది
- 91 వేల మెట్రిక్ టన్నుల సామర్ధ్యం కల్గిన గోదాములు నిర్మాణంలో ఉన్నాయి
- ఈ-నామ్ మార్కెట్లలో నాణ్యతా ప్రమాణాలు నిర్ణయించే ల్యాబ్స్ ఏర్పాటు చేస్తున్నాం
- ఏడు గంటలు నాణ్యమైన విద్యుత్ ఇచ్చేందుకు చిత్తశుద్ధితో పనిచేస్తున్నాం
- భూగర్భజలాల పెంపుకు ప్రత్యేక చర్యలు చేపడుతున్నాం
- పంట సంజీవని ద్వారా వర్షాభావ పరిస్థితుల్లో పంటను గట్టెక్కించేందుకు యత్నిస్తున్నాం