ఫైనల్లో పీవీ సింధుపై సైనా గెలుపు

83వ జాతీయ సీనియర్ బ్యాడ్మింటన్ మహిళల సింగిల్స్ టైటిల్ ను సైనా నెహ్వాల్ గెలుచుకొంది. గౌహతీ నెహ్రూ స్టేడియం వేదికగా ముగిసిన ఫైనల్లో మాజీ చాంపియన్ పీవీ సింధును సైనా 21-18, 21-15తో చిత్తు చేసింది. తొలిగేమ్ లో వెటరన్ సైనాకు గట్టిపోటీ ఇచ్చిన సింధు రెండోగేమ్ లో తేలిపోయింది. 2017 జాతీయ బ్యాడ్మింటన్ ఫైనల్లో సింధును 21-17, 27-25తో అధిగమించిన సైనా ప్రస్తుత ఫైనల్లో మాత్రం సునాయాసంగానే విజయం సొంతం చేసుకోగలిగింది. 29 ఏళ్ల సైనా కెరియర్ లో జాతీయ మహిళల సింగిల్స్ గెలుచుకోడం ఇది కేవలం మూడోసారి మాత్రమే.