ప్రేమికుల్ని కార్ల‌తో వెంటాడిన కుటుంబ స‌భ్యులు..అంతలోనే

Submitted by arun on Sat, 01/13/2018 - 17:09

రహస్యంగా పెళ్లి చేసుకున్న జంటపై పెద్దలు కక్ష కట్టారు. కారులో పారిపోతున్న కొత్త జంట ప్రయాణిస్తున్న కారును ఛేజ్ చేయడంతో ఆ వాహనం ప్రమాదానికి గురైంది. ఈ ఘటనలో కారు డ్రైవర్ చనిపోగా...మరో వ్యక్తి పరిస్థితి సీరియస్ గా ఉంది. ప్రేమ జంటకు కూడా గాయాలయ్యాయి. వారు ఖమ్మం ఆస్పత్రిలో చికిత్స పొందుతున్నారు.

ఇల్లందుకు చెందిన శ్రీపతి సుమన్ , ఎండి షాహిన్ మహబూబ్ నగర్ దగ్గర్లోని అనంతారంలో నిన్న ప్రేమ పెళ్లి చేసుకున్నారు. తర్వాత ఇల్లందు పోలీసుల్ని ఆశ్రయించగా వారు అమ్మాయి పెద్దల్ని పిలిచి సర్దిచెప్పి పంపించారు. ఇల్లందులో ఉంటే ప్రమాదమని భావించిన శ్రీపతి సుమన్ , ఎండి షాహిన్.. హైదరాబాద్‌కు బయల్దేరారు. ప్రేమ పెళ్ళిపై ఆగ్రహంగా ఉన్న అమ్మాయి కుటుంబ సభ్యులు వారిని వెంబడించారు. ఖమ్మం దగ్గర్లో దాడికి యత్నించారు. ప్రేమ జంట ప్రయాణిస్తున్న కారును ఛేజ్ చేశారు. వారిని తప్పించుకునే క్రమంలో కారు చెట్టుకు గుద్దుకుంది. ఈ ప్రమాదంలో డ్రైవర్ అక్కడికక్కడే చనిపోగా..మరొకరి పరిస్థితి విషమంగా ఉంది. ప్రేమ జంటకు గాయాలయ్యాయి.

Tags
English Title
relatives attacks on love couples

MORE FROM AUTHOR

RELATED ARTICLES