‘మీ టూ’ ఎఫెక్ట్.. కాంగ్రెస్ కీలక నేత రాజీనామా

దేశవ్యాప్తంగా సంచలనం సృష్టిస్తున్న మీ టూ ఉద్యమం… అన్ని రంగాలనూ కుదిపేస్తోంది. హాలీవుడ్‌ నుంచి మొదలైన ఉద్యమం బాలీవుడ్‌, టాలీవుడ్‌ అనే తేడా లేకుండా అన్ని చోట్లా ప్రకంపనలు సృష్టిస్తోంది. సినిమాలకే పరిమిమతమనుకున్న ఈ వ్యవహారం.. రాజకీయాలనూ తాకింది. చత్తీస్‌ గఢ్‌కు చెందిన ఒక మహిళా కాంగ్రెస్‌ కార్యకర్త.. తన పట్ల NSUI జాతీయ అధ్యక్షుడు ఫిరోజ్‌ఖాన్‌ అసభ్యంగా ప్రవర్తించారని గతంలో ఆరోపణలు చేసింది. పైగా ఆయన నుంచి తనకు ప్రాణహాని ఉందని పోలీసులకు ఫిర్యాదు చేసింది. ఈ ఆరోపణల నేపథ్యంలో దాంతో ఫిరోజ్‌ ఖాన్‌ తన పదవికి రాజీనా చేశారు. ఆయన రాజీనామాను కాంగ్రెస్‌ అధ్యక్షుడు రాహుల్‌గాంధీ ఆమోదించారు. కాంగ్రెస్‌ పార్టీకి అప్రతిష్ట రాకూడదనే భావంతోనే.. తాను రాజీనామా చేసినట్టు ఫిరోజ్‌ఖాన్‌ చెప్పారు.