మహాకూటమిలో తెలంగాణ ఇంటి పార్టీకి మొండి చెయ్యి ...ఒక్క సీటు కూడా కేటాయించని కాంగ్రెస్‌

తెలంగాణ ఇంటి పార్టీ ఆశలు ఆవిరయ్యాయి. మహాకూటమిలో చోటు దక్కుతుందని భావించిన ఆశలు అడియాశలయ్యాయి. పొత్తుల్లో భాగంగా టీడీపీ,టీజేఎస్‌, సీపీఐలకు స్ధానాలు కేటాయించిన కాంగ్రెస్ అధిష్టానం తెలంగాణ ఇంటి పార్టీకి మాత్రం ఒక్క సీటు కేటాయించలేదు. కుదిరితే నకిరేకల్ లేదంటే మహబూబ్ నగర్ ఇవ్వాలన్న ఇంటి పార్టీ అధినేత చెరకు సుధాకర్ వినతిని కాంగ్రెస్ పట్టించుకోలేదు. రెండు స్ధానాలకు అభ్యర్ధులను ప్రకటించడంతో కూటమిలో ఇంటి పార్టీకి చోటు లేకుండా పోయింది. తాజా పరిణామాల నేపధ్యంలో తమ దారి తమదేనని చెరుకు సుధాకర్ చెబుతున్నారు.