సినీ పరిశ్రమలో కాస్టింగ్ కౌచ్ వివాదం మరో మలుపు తిరిగింది. పీవోడబ్ల్యూ నేత సంధ్య చేసిన తీవ్ర ఆరోపణలపై జీవితా రాజశేఖర్ పోలీసులకు ఫిర్యాదు చేశారు....
సినీ పరిశ్రమలో కాస్టింగ్ కౌచ్ వివాదం మరో మలుపు తిరిగింది. పీవోడబ్ల్యూ నేత సంధ్య చేసిన తీవ్ర ఆరోపణలపై జీవితా రాజశేఖర్ పోలీసులకు ఫిర్యాదు చేశారు. అంతేకాదు పరువు నష్టం దావా వేయడానికి కూడా రెడీ అయ్యారు. మరోవైపు నటీనటులుగా ఎవర్ని తీసుకోవాలో నిర్మాత , దర్శకుల ఇష్టమన్న జీవిత ప్రతిభ ఉన్నవారిని పిలిచిమరీ అవకాశాలు ఇస్తారని చెప్పారు.
టాలీవుడ్లో కాస్టింగ్ కౌచ్పై ఓ చానల్లో మాట్లాడిన మహిళా సంఘం నేత సంధ్య జీవితా రాజశేఖర్పై తీవ్ర ఆరోపణలు చేశారు. తన గురించి అసత్యాలు మాట్లాడారంటూ జీవితా రాజశేఖర్ హైదరాబాద్ జూబ్లీ హిల్స్ పోలీస్ స్టేషన్లో ఫిర్యాదు చేశారు. తమ కుటుంబంపై అసత్య ప్రచారం చేసిన చానల్పైనా, సంధ్యపైనా పరువు నష్టం దావా కూడా వేస్తాననీ తమపై చేసిన ఆరోపణలకు సమాధానం వచ్చే నిద్రపోనని జీవిత అన్నారు. జీవిత ఫిర్యాదు ఆధారంగా కేసు నమోదు చేసి దర్యాప్తు ప్రారంభిస్తామని జూబ్లీ హిల్స్ సీఐ చంద్రశేఖర్ చెప్పారు.
శ్రీరెడ్డికి ఏమి కావాలో ఆమెకే క్లారిటీ లేదని జీవిత వ్యాఖ్యానించారు. టాలెంట్ ఉంటే అవకాశాలు అవే వస్తాయన్నారు. అన్ని రంగాల్లో మహిళలపై వివక్ష జరుగుతూనే ఉందనీ తెలుగు సినీ పరిశ్రమలో వివాదాలు తలెత్తినప్పుడు చర్యలు తీసుకున్న సంఘటనలు అనేకం ఉన్నాయనీ అన్నారు. అయితే జీవితా రాజశేఖర్ పై చేసిన ఆరోపణలకు తన దగ్గర ఆధారాలున్నయనీ..వాటిని బయట పెట్టడం పెద్ద సమస్య కాదనీ సంధ్య అన్నారు. మరి కాస్ట్ కౌచింగ్ పై జరుగుతున్న మాటల యుద్ధం ఎక్కడికి దారి తీస్తుందో వేచి చూడాలి.
About
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire