వీర్య‌క‌ణాల నాణ్య‌త‌ను పెంచే ఆహార నియ‌మాలు

Submitted by lakshman on Wed, 04/11/2018 - 05:59
how to improve sperm quality

పండంటి పాపాయి పుట్టాలంటే మహిళలే కాదు పురుషులు కూడా సరైన ఆహారం తీసుకోవాలి. పురుషుల్లో వీర్య కణాల నాణ్యత బట్టి పుట్టబోయే పిల్లల ఆరోగ్యం ఆధారపడి ఉంటుంది. వీరిలో సంతానోత్పత్తిని ప్రభావితం చేసే హార్మోన్ల పనితీరు సక్రమంగా సాగాలంటే అందుకు అవసరమైన పోషకాహారం తప్పనిసరి. మహిళల మాదిరిగానే మగవారిలో వీర్య కణాల నాణ్యతను పెంచే ఆహారాలు ఉన్నాయి. వీటిలో ముఖ్యమైనవి మన రోజువారీ ఆహారం ద్వారా తీసుకోవచ్చు.
వెల్లుల్లిలో విటమిన్ బి 6 పుష్కలంగా ఉంటుంది. ఇది స్త్రీ పురుషుల్లో ఫెర్టిలిటీ స్థాయిని పెంచడానికి దోహదపడుతుంది.
దానిమ్మ గింజలు, రసం వల్ల వీర్య కణాల కదలిక, నాణ్యత పెరుగుతుంది.
అరటిలో విటమిన్ బి 1 ,సి, ప్రోటీన్‌లు లభిస్తాయి. దీనిలో ఉండే బ్రోమోలేయిన్ శక్తి వంతమైన సెక్స్ హర్మోన్‌గా పనిచేస్తుంది. శుక్రకణాల నాణ్యత పెరగడానికి దోహదం చేసే కారకాలు అరటిలో ఉన్నాయి.
పాలకూరలో ఫోలిక్ యాసిడ్, ఐరన్, విటమిన్ సి మెండుగా ఉంటాయి. ఇవి వీర్య వృద్ధికి దోహదం చేస్తుంది.
మిరపకాయలో పురుష హర్మోన్ల పనితీరును ప్రభావితం చేసే గుణాలు ఉన్నాయి. రోజూ ఓ మిరపకాయను ఆహారంలో తీసుకుంటే ఎండోమార్ఫిన్ల విడుదల ఎక్కువగా ఉంటుంది. దీంతో మెదడుకు తగినంత విశ్రాంతి లభిస్తుంది. అంతేకాదు మిటమిన్ సి, బి, ఈలు స‌మృద్ధిగా ఉంటాయి.
సాధారణంగా వాడే టమోటాలోని కెరొటినోయిడ్స్, లైకోపేన్ వల్ల శరీరానికి శక్తి లభించి, మంచి ఆరోగ్యానికి తోడ్పడుతుంది.
పుచ్చకాయలో లైకోపేస్, నీటి శాతం మగవారి ఫెర్టిలిటీని మెరుగుపరుస్తాయి. స్పెర్మ్ కౌంట్‌ను పెంచుతాయి. శరీరం నిర్జలీకరణం (డీ-హైడ్రేషన్‌) కాకుండా కాపాడుతుంది.
పురుషుల్లో సంతానోత్పత్తి సామర్థ్యం మెరుగుపడాలంటే విటమిన్ సి అత్యంత అవసరం. వీర్యంలో DNA ను ఇది కాపాడుతుంది. కాకపోతే పొగతాగడం వల్ల శరీరంలోని 'సి' విటమిన్ హరించికుపోతుంది. కాబటి పిల్లల్ని కనాలనుకునేవారు పొగకు దూరంగా ఉండాలి.
యాపిల్‌లో గుణాలు కూడా మేల్ ఫెర్టిలిటీని పెంచుతాయి. వీర్య కణాల శాతాన్ని గణనీయంగా పెంచుతుంది.
రోజువారీ ఆహారంలో జీడిపప్పు తీసుకోవడం వల్ల బరువును నియంత్రించడమే కాదు జింక్ పరిమాణం కూడా పెరుగుతుంది. సంతానోత్పత్తిలో జింక్ మూలకం కీలక పాత్ర పోషిస్తుంది.
ఆహారంలో పిండిపదార్ధాలు, మాంసకృత్తులు, కొవ్వులు, ఖనిజ లవణాలు, పీచు, రోగనిరోధక శక్తికి అవసరమైన విటమిన్లు కలిగిన పదార్దాలను తీసుకోవాలి.

English Title
how to improve sperm quality

MORE FROM AUTHOR

RELATED ARTICLES