భార్య మీద కోపంతో.. ఐదేళ్ల చిన్నారిని కొట్టి చంపిన కన్నతండ్రి

భార్య మీద కోపంతో.. కన్నబిడ్డనే కాటికి పంపాడో తండ్రి. పశ్చిమగోదావరి జిల్లా ఏలూరు కొత్తగూడెం సెంటర్‌ దగ్గర.. మధ్యం తాగిన తండ్రి రవితేజ 5 యేళ్ల సొంత కూతురు రుబీనాపైనే దాడికి దిగాడు. తీవ్ర గాయాలైన రుబీనాను ఆస్పత్రికి తరలించగా చికిత్స పొందుతూ బాలిక ప్రాణాలు కోల్పోయింది. గత కొంత కాలంగా రవితేజకు తన భార్యకు మధ్య గొడవలు జరుగుతున్నాయి. ఈ విషయంలో రవితేజపై ఏలూరు వన్ టౌన్‌లో కేసు కూడా నమోదైంది. అదే కోపంతో బిడ్డపై దాడి చేసినట్లు స్థానికుల సమాచారంతో వెలుగులోకొచ్చింది. అయితే కూతురిని గాయపర్చిన రవితేజ అక్కడి నుంచి పరారయ్యాడు. కేసు నమోదు చేసుకున్న పోలీసులు కుటుంబ సభ్యులను విచారిస్తున్నారు.