ఎస్సై రాసలీలలను బట్టబయలు చేసిన అగ్నిప్రమాదం

పోలీసు శాఖలో అక్రమ సంబంధాలు ఒక్కొక్కటి బయటకు వస్తున్నాయి. ఇటీవల బెంగళూరు గ్రామీణ జిల్లా ఎస్పీగా పని చేసిన ఐపీఎస్ అధికారి ఓ టెక్కీ భార్యతో అక్రమ సంబంధం పెట్టుకున్నారని వెలుగు చూసిన మూడు రోజులకే మరో భాగోతం వెలుగు చూసింది. బళ్ళారికి చెందిన కిరణ్‌ సామ్రాట్‌ పరమదేవనహళ్లి ఎస్పీ ఆఫీసు వైర్‌లెస్‌ విభాగంలో ఎస్‌ఐగా విధులు నిర్వహిస్తున్నాడు. ఈ క్రమంలో అతను ఓ పోలీస్ కానిస్టేబుల్ భార్యపై కన్నేసాడు. ఆమెను మెల్లగా లొంగదీసుకుని వివాహేతర సంబంధం కొనసాగిస్తున్నాడు. ఈ క్రమంలో గత బుధవారం రాత్రి ఇద్దరూ కలిసి గదిలో వున్నారు. తాగిన మైకంలో ఉన్న ఎస్‌ఐ కిరణ్‌ సామ్రాట్‌ సిగరెట్‌ కాల్చుతూ నిప్పురవ్వలను కింద పడేయసాగాడు. అవి కాస్తా సోఫాసెట్‌ మీద పడి నిప్పు రాజుకుంది. ఆ మంట కాస్తా పెద్దదై ఇంట్లో ఇతర సామగ్రికి అంటుకుంది.

దీంతో మంటలు పెద్దవయ్యాయి. ఇతర క్వార్టర్స్‌లో వుండే వాళ్ళంతా కంగారుగా వచ్చి చూశారు. ఎస్‌ఐ, కానిస్టేబుల్‌ భార్య భయంతో ఒకేసారి ఇంట్లో నుంచి బయటకు రావడంతో వాళ్ళంతా ముక్కన వేలేసుకున్నారు. ఈ ఘటనతో వారి మధ్య ఉన్న వివాహేతర సంబంధం గుట్టు రట్టయింది. ఈ ప్రమాదంపై కానిస్టేబుల్ ఇద్దరి మీద స్థానిక గాంధీనగర్‌ పోలీస్ స్టేషన్‌లో ఫిర్యాదు చేశాడు. కేసు నమోదు చేసుకున్న పోలీసులు ఎస్సైని, కానిస్టేబుల్ భార్యను అరెస్టు చేశారు. కానిస్టేబుల్ భార్యకు ఇద్దరు పిల్లలు వున్నారు.